ရွှေဖရုံသီးကို ထန်းလျက်နဲ့ ပြုတ်စားစား သကြားနဲ့ ပြုတ်စားစား ကျွန်မကတော့ အရမ်းကြိုက်ပါတယ်။ စာဖတ်သူတို့ကော ဘယ်လိုလုပ်စားရတာကြိုက်ကြလဲမသိဘူး။
ဘာလိုပဲဖြစ်ဖြစ်ပါ။ ရွှေဖရုံသီးစားတာဟာ ကျန်းမာရေးကို များစွာအထောက်အကူပြုစေပါတယ်။ ဒီတော့ ရွှေဖရုံသီးရဲ့ အကျိုးကျေးဇူးတွေကို မျှဝေပေးလိုက်ပါတယ်။
ကိုယ်အလေးချိန်
ရွှေဖရုံသီးမှာ အမျှင်ဓါတ်တွေကြွယ်ဝစွာပါဝင်ပါတယ်။ ဒါ့ကြောင့် အစာချေစနစ်ကို ကောင်းမွန်စေပါတယ်။ ရွှေဖရုံသီး တစ်ခွက်စာမှာ ကယ်လိုရီ ၅၀ ပဲပါဝင်ပြီး အမျှင်ဓါတ် ၃ ဂရမ်တောင်ပါဝင်တာပါ။ လေ့ကျင့်ခန်းလိုက်စားတဲ့သူအတွက်လည်း အဟာရပြည့်ဝတာမို့ စားပေးသင့်ပါတယ်။
အမြင်အာရုံ
ရွှေဖရုံသီးမှာ ဗီတာမင် A ကြွယ်ဝစွာပါဝင်လို့ အမြင်အာရုံကို တိုးတက်ကောင်းမွန်စေပါတယ်။ ဒါ့အပြင် အသားရေ၊ သွားနဲ့ အရိုးကျန်းမာရေးအတွက်လည်းကောင်းမွန်ပါတယ်။
သွေးတိုး
သွေးတိုးရှိသူတွေအတွက်လည်း ဓါတ်ဆာတစ်မျိုးအဖြစ်သားသုံးပေးသင့်ပါတယ်။ ရွှေဖရုံသီးကို ပုံမှန် ၁၂ ပတ်လောက်စားပေးရုံနဲ့ သွေးတိုးသမားတွေအတွက် သွေးတိုးကျစေပါတယ်။
အိပ်စက်ခြင်း
ရွှေဖရုံသီးစေ့ကို အိပ်ဆေးလို့တောင်တင်စားကြပါတယ်။ ဒီနေ့ခေတ်မှာ အလုပ်ပင်ပန်းတာ စိတ်ဖိစီးမှုများတာတွေ ဂိမ်းဆော့တာ ဖုန်းသုံးတာတွေ စသဖြင့် အကြောင်းအမျိုးမျိုးကြောင့် ကောင်းကောင်းအိပ်မပျော်ကြပါဘူး။ ရွှေဖရုံသီး (သို့) ရွှေဖရုံစေ့ကို အိပ်ယာမဝင်ခင်စားပေးတာဟာ အိပ်ရေးဝစေပါတယ်။
နှလုံး
ရွှေဖရုံသီးမှာပါဝင်တဲ့အမျှင်ဓါတ်ဟာ နှလုံးကျန်းမာရေးအတါက်များစွာအထောက်အကူပြုပါတယ်တဲ့။ ယခင် ဟားဗတ်တက္ကသိုလ်ရဲ့ လေ့လာမှုတစ်ခုကရော မကြာသေမီက ဆွီဒင်နိုင်ငံက သုတေသီတွေရဲ့လေ့လာမှုတွေအရရော ရွှေဖရုံသီးကို ပုံမှန်စားပေးတာဟာ နှလုံးရောဂါဖြစ်ပွားမှုကို ၂၅%ကနေ ၄၀ % ထိလျှော့ချပေးတယ်လို့ဆိုပါတယ်။
