ဝမ်းဗိုက်မှာ အဆီတွေစုနေတာဟာ ချရသိပ်ခက်ပါတယ်။ ဝမ်းဗိုက်မှာအဆီတွေစုနေရင် သင့်ကို ယုံကြည့်မှုလျော့စေပြီး အခုလို အဆီတွေစုတာဟာ နှလုံးသွေးကြောဆိုင်ရာရောဂါ၊ ဆီးချိုရောဂါအပါအဝင် ကင်ဆာရောဂါတချို့ဖြစ်ပွားစေနိုင်ပါတယ်။ ဝမ်းဗိုက်ကအဆီတွေကိုလျှော့ချဖို့ ယောဂလေ့ကျင့်ခန်းတွေကို တင်ပြပေးပါမယ်။ ဒါပေမယ့် အစားအသောက်ကိုလည်း ဂရုစိုက်ထိန်းသိမ်းပေးပါ။ ပြီးရင် နေ့တိုင် ဒီလေ့ကျင့်ခန်း (၅) မျိုးကိုလုပ်ပေးပါ။

၁။ အရင်ဆုံး ဝမ်းလျားမှောက်နေပြီး ဗိုက်ကို ကြမ်းပြင်နဲ့ထိလိုက်ပါ။ ပြီးရင် လက်နှစ်ဖက်ကို ထောက်ပြီး ခါးကို ဆန့်နိုင်သလောက်ဆန့်ပေးထားပါ။ ခြေဖျားလေးကိုလည်း ကြမ်းပြင်နဲ့ ထိထားပေးပါ။ ၁၅ စက္ကန့်ကနေ စက္ကန့် ၃၀ ထိနေပေးပြီး နဂိုအတိုင်းပြန်နေပါ။ ၁ကြိမ်လုပ် ၁၅ စက္ကန့်လောက်နားပြီး ၅ကြိမ်လုပ်ပေးပါ။ ခါးနာတဲ့သူတွေနဲ့ ကိုယ်ဝန်ဆောင်တွေ မလုပ်ပေးသင့်ပါဘူး။

၂။ အရင်ဆုံး ခန္ဓာကိုယ်ကို ကြမ်းပြင်မှာ ခြေဆန့်ထိုင်ထားလိုက်ပါ။ ပြီးရင် ခြေထောက်နှစ်ဖက်ကို မြင့်နိုင်သလောက်မြင့်အောင် မပေးပြီး လက်နှစ်ဖက်ကို ခြေသလုံးနားမှာ ထားပေးပါ။ ပြီးရင်အဲဒီအတိုင်း ၁၅ စက္ကန့်ကနေ စက္ကန့် ၃၀ လောက်နေပါ။ ပြီးရင် နဂိုအတိုင်းပြန်နေပြီး ၁၅ စက္ကန့်လောက်နားပါ။ ၁ကြိမ်လုပ် ၁၅ စက္ကန့်လောက်နားပြီး ၅ကြိမ်လုပ်ပေးပါ။

၃။ အရင်ဆုံး ခန္ဓာကိုယ်ကို ဝမ်းလျားမှောက်နေပြီး ခြေထောက်နှစ်ဖက်ကို မတင်လိုက်ပါ။ ပြီးရင် လက်နှစ်ဖက်နဲ့ ခြေထောက်ကို ကိုင်ထားပေးပါ။ စက္ကန့် ၃၀ လေက်နေပြီး နဂိုအတိုင်းပြန်နေပါ။ ၁ကြိမ်လုပ် ၁၅ စက္ကန့်လောက်နားပြီး ၅ကြိမ်လုပ်ပေးပါ။

၄။ အရင်ဆုံး ခန္ဓာကိုယ်ကို ဝမ်းလျားမှောက်လိုက်ပါ။ လက်နှစ်ဖက်ကို တဒေါင်နဲ့ထောက်ထားလိုက်ပြီး ခြေဖျားလေးကို ကြမ်းပြင်နဲ့ထိထားပါ။ ခါး တင်နဲ့ နောက်ကျောကို မတ်မတ်ထားပါ။ အဲဒီအတိုင်း ၁၅ စက္ကန့်ကနေ စက္ကန့် ၃၀ လောက်နေပေးပြီး နဂိုအတိုင်းပြန်နေလိုက်ပါ။ ၁ကြိမ်လုပ် ပြီး ၁၅ စက္ကန့်လောက်နားပြီး ၅ကြိမ်လုပ်ပေးပါ။ နောက်ကျောနာတတ်တဲ့သူတွေ ပုခုံးမှာ ဒဏ်ရာရှိခဲ့ဖူးသူတွေ၊ သွေးတိုးရှိတဲ့သူတွေအနေနဲ့ ဒီလေ့ကျင့်ခန်းမလုပ်ပေးသင့်ပါဘူး။

၅။ အရင်ဆုံး ခန္ဓာကိုယ်ကို ပက်လက်လှဲနေလိုက်ပါ။ ပြီးရင် ခြေထောက်နှစ်ဖက်ကို မတင်ပြီး လက်နှစ်ဖက်နဲ့ ဒူးကို ပိုက်ထားပေးပါ။ အသက်ကို မှန်မှန်ရှူပါ။ ဒီပုံအတိုင်း စက္ကန့် ၆၀ ကနေ ၉၀ ထိနေပေးပြီးမှ နဂိုအတိုင်းပြန်နေပါ။ ၁ကြိမ်လုပ် ပြီး ၁၅ စက္ကန့်လောက်နားပြီး ၅ကြိမ်လုပ်ပေးပါ။

အခုပြောပြခဲ့တဲ့ လေ့ကျင့်ခန်းအားလုံးကို တစ်နေ့ ၃ ကြိမ်ကနေ ၅ ကြိမ်ထိလုပ်ပေးပြီး တစ်ပတ် ၃ ကြိမ်လုပ်ပေးပါ။ တစ်ရက်လုပ်လိုက် တစ်ရက်နားလိုက်နဲ့ လုပ်ပေးပါ။ မနက်တိုင်း လုပ်ပေးတာ ပိုကောင်းပါတယ်။

သတိပြုရန်

ကိုယ်ဝန်ရှိနေတဲ့သူတွေ၊ မကြာခင်ကမှ ခွဲစိတ်ကုသမှုလုပ်ထားတဲ့သူတွေ၊ နောက်ကျော (သို့) ခြေထောက်မှာ ဒဏ်ရာရထားတဲ့သူတွေ မလုပ်သင့်ပါဘူး။