နွေရာသီအတွက် အလန်းလေးတွေဝတ်တဲ့အခါ အမိုက်စားဖြစ်ဖို့ six-pack လိုချင်ပါနေပြီလား ? လေ့ကျင့်ခန်းလုပ်တဲ့အခါ ဝမ်းဗိုက်ကြွက်သားတွေကို ထိရောက်ဖို့က အရေးကြီးပါတယ်။ ဒါဆိုရင်တော့ ဝမ်းဗိုက်ကြွက်သားကို တင်းတင်းရင်းရင်းဖြစ်စေမယ့် Washboard Abs အတွက် အချိန်အများကြီးမပေးရဘဲ ငါးမိနစ်ဘဲကြာတဲ့ လေ့ကျင့်ခန်းကို ဝေမျှပေးချင်ပါတယ်။
Forearm Plank
လက်ဖဝါးကို အောက်မျက်နှာမူပြီး လက်ဖျံကို ဖျာပေါ်မှာ ပခုံးနဲ့အပြိုင်ထားပါ။ ပြီးရင် ခြေဖနောင့်ကို နောက်ပြန်တွန်းလိုက်ပါ။ ဒီအတိုင်း စက္ကန့် 30 လောက်နေပါ။ နံရိုးထဲကို အသက်ရှူသွင်းပြီး ပါးစပ်ကနေ ပြန်ထုတ်လိုက်ပါ။
Bicycle
အရင်ဆုံး လေ့ကျင့်ခန်းဖျာပေါ်မှာ လှဲလိုက်ပါ။ လက်နှစ်ဘက်ကို ခေါင်းအနောက်မှာ ယှက်ပြီးထားလိုက်ပါ။ ပြီးရင် ညာဘက်တံတောင်ဆစ်နဲ့ ဘယ်ဘက်ဒူးကိုထောင်ပြီး ထိလိုက်ပါ။ တစ်ခါလုပ်ရင် အကြိမ် ၂၀ လုပ်ပေးပါ။ ပြီးသွားရင် နောက်တစ်ဘက်ကိုလည်း ဒီအတိုင်းလုပ်ပေးပါ။
Leg Raises
ဖျာပေါ်မှာလှဲပြီး လက်နှစ်ဘက်ကို တင်ပါးအောက်မှာထားလိုက်ပါ။ ခြေထောက်နှစ်ဘက်ကို လေထဲမှာ ဖြောင့်တန်းနေအောင် ဆန့်ထုတ်လိုက်ပါ။ အရင်ဆုံးအသက်ရှူပြီး ခြေထောက်တွေကို ဖြည်းဖြည်းချင်း အောက်ကို ပြန်ချလိုက်ပါ။ ခြေထောက်တွေကို တတ်နိုင်သမျှ ဖြောင့်အောင်ဆန့်ထားပါ။ အသက်ရှုထုတ်ကာ ခြေထောက်တွေကို အပေါ်ပြန်မြှောက်လိုက်ပါ။ အကြိမ် 20 ပြည့်အောင် လုပ်ပေးပါ။
Mountain Climbers
လက်မောင်းကို တည့်တည့်မတ်မတ်ဖြစ်အောင်လုပ်ပြီး ဒူးတစ်ဖက်ကို ရင်ဘတ်ထဲတစ်လှည့်စီထည့်ပါ။ “ပြေး” တဲ့ပုံစံဖြစ်အောင် ခြေထောက်တွေကို တလှည့်စီ တတ်နိုင်သမျှ မြန်မြန်လုပ်ပါ။
