Balance ဆိုတာ ငယ်ရွယ်တဲ့အချိန်တုန်းက တွေးတောင်မတွေးမိတဲ့အရာတစ်ခုပါ။ ဒါပေမယ့် အသက်ကြီးလာတာနဲ့အမျှ တခါတရံမှာ ကိုယ့်ကိုယ်ကို ဟန်ချက်ညီဖို့က ခက်ခဲလာပါတယ်။ ဟန်ချက်ပျက်ပြီး လဲကျတတ်ပါတယ်။
ဒါကြောင့် လေ့ကျင့်ခန်းလုပ်ပြီး ဟန်ချက်ညီအောင် လုပ်တာက ပိုကောင်းပါတယ်။ သက်ကြီးရွယ်အိုတွေအတွက် ကြံ့ခိုင်စေပြီး လဲကျမှုနည်းစေဖို့အတွက် ဟန်ချက်ညီစေတဲ့လေ့ကျင့်ခန်းအချို့ကို လုပ်ကြည့်ပေးပါ။
Seated leg raise
ထိုင်ပြီး ဘေးနှစ်ဘက်ကိုလက်နဲ့ကိုင်ထားပါ။ ခြေထောက်တစ်ဖက်ကို မြှောက်ထားပြီး ထိုအတိုင်း ၅ စက္ကန့်ကြာအောင်ထားပါ။ ဒီလှုပ်ရှားမှုကို တစ်ဖက်စီကို ၁၀ ကြိမ်လုပ်ပါ။
Lunges
မက်တပ်ရပ်ပြီး ညာခြေကို အရှေ့ကိုလှမ်းလိုက်ပါ။ ဘယ်ဘက်ဒူးကို ကြမ်းပြင်နဲ့ လက်မအနည်းငယ်ကွာတဲ့အထိ ခန္ဓာကိုယ်ကို အောက်သို့ချပါ။ပြီးရင် ခန္ဓာကိုယ်ကို မူလအနေအထားအတိုင်း ပြန်တွန်းပါ။ တစ်ဖက်စီကို ၁၀ ကြိမ်လုပ်ပါ။
Single leg static balance
အရင်ဆုံး ခြေထောက်နှစ်ဘက်ကို ခွာပြီးရပ်လိုက်ပါ။ ကိုယ်အလေးချိန်ကို ခြေထောက်နှစ်ဖက်စလုံးမှာ အညီအမျှထားပါ။ ဘယ်ခြေကို ကြမ်းပြင်ကနေ မြှောက်ပြီး တတ်နိုင်သမျှ အနေအထားကို ထိန်းထားပါ။ ပြီးရင် ခန္ဓာကိုယ်ကို မူလအနေအထားအတိုင်း ပြန်ထားပါ။ တစ်ဖက်စီကို ၁၀ ကြိမ်လုပ်ပါ။
Wood chop
ခြေထောက်ကို ပခုံးအကျယ်အကွာအဝေးအတိုင်း ခြားပြီး အပြိုင်ရပ်ပါ။ ရေပုလင်း သို့မဟုတ် dumbbell ကို လက်နှစ်ဖက်နဲ့ကိုင်လိုက်ပါ။ လက်ကိုအပေါ်ကိုလွှဲလိုက်ပါ။ လက်မောင်းကို အပေါ်ကို လွှဲနေစဉ် နောက်ခြေကို ဘယ်ဘက်သို့ လှည့်ပါ။ တစ်ဖက်စီကို ၁၀ ကြိမ်လုပ်ပါ။
