ပေါင်တံက အဆီတွေကို လျှော့ချဖို့ ကြိုးစားနေတဲ့သူတွေအတွက် အကောင်းဆုံးနည်းလမ်းတွေကို မျှဝေပေးလိုက်ပါတယ်နော်။
အရင်ဆုံး လေ့ကျင့်ခန်းမလုပ်ခင် လိုက်နာရမယ့် နည်းလမ်းလေးတွေကို မျှဝေချင်ပါတယ်နော်။
သကြားပါဝင်မှုများတဲ့ အချိုရည်တွေ၊ ဝိုင်တွေ၊ နို့၊ ဘီယာ ကယ်လိုရီများတဲ့အစားအစာတွေ ကို လျှော့စားပါ။ သံပုရာရည် ရေနွေးကြမ်း သောက်ပေးပါ။
အမျှင်ဓါတ်ပါဝင်မှုများပြီး အစာချေစနစ်ကောင်းမွန်စေတဲ့ အစားအစာစားပေးပါ။ အစားအလွန်အကျွံစားခြင်းကို ရှောင်ပေးပါ။ သကြား ဆိုဒါ အသင့်စားအစားအစာတွေ ရှောင်ပါ။
ကဲလေ့ကျင့်ခန်းလုပ်ကြစို့နော်… ရှင်းရှင်းလင်းလင်းနဲ့ ပြထားတာမို့ စာဖတ်သူတို့ သဘောကျမှာပါ။
လေ့ကျင့်ခန်း ၁
အရင်ဆုံး ဒူးကွေးပြီး ခြေထောက်ကို ကားထားလိုက်ပါ။ ပြီးရင် ညာဖက်ကို ခြေတစ်လှမ်းရွှေ့ပြီး ဘယ်ဖက်ခြေထောက်က ညာဖက်ကို စုလိုက်ပါ။ ပြီးရင် ညာဖက်ခြေထောက်ကို ဘေးဘက်ကန်လိုက်ပါ။ ပြီးရင် ဘယ်ဖက်ခြေထောက်ပြန်ကားပြီး ပြန်စုလိုက်ကာ ညာဖက်ခြေထောက်ကို ကန်ပေးပါ။ ၁၀ ကြိမ်လောက်လုပ်ပေးပါ။
ပြီးရင် ခဏနားပြီး ခြေထောက်အကြောလျှော့ကာ ကျန်တစ်ဖက်ကို ဆက်လုပ်ပေးပါ။
လေ့ကျင့်ခန်း ၂
ညာဖက်ခြေထောက်ကို ကားပြီး ဘယ်ဖက်လက်နဲ့ ကြမ်းပြင်ကိုထိလိုက်ပါ။ (သို့) လက်နှစ်ဖက်ကို အရှေ့ဖက်တည့်တည့်မြေက်ထားပြီး ခြေထောက်ကိ ကားလိုက်ပါ။ ဘယ်ဖက်ခြေထောက်ကို တန်းတန်းထားပါ။ ပြီးရန် မတ်တပ်ပြန်ရပ် ညာဖက်ခြေထောက်ကို အနောက်ပစ်ပါ။ ၁၀ ကြိမ်လောက်လုပ်ပေးပါ။
ပြီးရင် ခဏ အကြောလျှော့ပြီး ကျန်တစ်ဖက်ကို ဆက်လုပ်ပေးပါ။
လေ့ကျင့်ခန်း ၃
ခြေထောက်နှစ်ဖက်ကို ဘေးကားပြီး တစ်ဝက်ထိုင်ချပါ။ ပြီးရင် ဒူးနှစ်ဖက်ကို အနောက်ဖက် ၁၀ ကြိမ်လောက်နည်းနည်း ကားပေးပါ။ ပြီးရင်နည်းနည်း ထိုင်ပြီး ပြန်ထပါ။ ၆ ကြိမ်လောက်လုပ်ပေးပါ။
လေ့ကျင့်ခန်း ၄
လေးဖက်ထောက်လိုက်ပါ။ ပြီးရင် ခြေထောက်ကို ဘေးကားပြီး အတွင်းဖက် ၅ ကြိမ် ဝိုက်ပေးပါ။ ပြီးရင် အပြင်ဖက် ၅ ကြိမ် ပြန်ဝိုက်ပါ။ ဒီနည်းအတိုင်း တစ်ဖက်တစ်ချက်ဆီကို ၅ ကြီမ်ဆီလုပ်ပေးပါ။
လေ့ကျင့်ခန်း ၅
ခန္ဓာကိုယ်ကို ဘေးဖက်လှဲလျောင်းလိုက်ပါ။ ပြီးရင် အပေါ်ခြေထောက်ကို အရှေ့တိုးပေးပြီး ခြေထောက်ကို အပေါ်တင်လိုက် အောက်ချလိုက် လုပ်ပေးပါ။ ၁၀ ကြိမ် (သို့) အကြိမ် ၂၀ လုပ်ပေးပါ။ ပြီးရင် ကျန်တစ်ဖက်ကို ပြောင်းပါ။
