မြန်မာမိန်းကလေးအများအားဖြင့် ခြေထောက်မသွယ်ကြပါဘူး။ ပေါင်သားကအဆီတွေကိုဖယ်ရှားပြီး ကြွက်သားလေးတွေနဲ့ ဖြစ်လာမယ်ဆိုရင်တော့ ပေါင်သားလေးတွေ ကျစ်လျစ်လှပလာမှာပါ။ ပေါင်သားလှဖို့အတွက် သေးသေးသွယ်သွယ်ဖြစ်စရာမလိုပါဘူး။ ပေါင်သားလေးတွေ ကျစ်လျစ်လှပနေစေဖို့လိုပါတယ်။
ဘယ်လိုလုပ်မလဲ
၁။ ၅ မိနစ်လောက် ခန္ဓာကိုယ်တစ်ခုလုံးနွေးသွားအောင်လုပ်မယ်။
လေ့ကျင့်ခန်းမလုပ်ခင်မှာ ၅ မိနစ်လောက် ကိုယ်လက်လေ့ကျင့်ခန်းအရင်လုပ်ပေးပါ။ ခုန်ပေးတာ။ လှေကားအတက်အဆင်းလုပ်တာ။ အကြောလျှော့တာမျိုးလုပ်ပေးသင့်ပါတယ်။
၂။ လေ့ကျင့်ခန်း ၁
လက်နှစ်ဖက်ကိုအရှေ့ဖက်တန်းတန်းဆန့်ပြီး ခါးကိုမတ်မတ်ထားကာ ခန္ဓကိုယ်အောက်ပိုင်းကို ထိုင်ထလုပ်ပေးပါ။ ခါးကိုတတ်နိုင်သမျှမတ်မတ်ထားပြီး ဒူးကျော်ကျော်လော်ကထိထိုင်ကျပေးပါ။
၃။ လေ့ကျင့်ခန်း ၂
အရင်ဆုံး ကျောလှဲနေလိုက်ပါ။ ပြီးရင် ဒူးကွေးထားလိုက်ပြီး လက်နှစ်ဖက်ကို ဘေးမှာချထားပါ။ ပြီးရင် လက်နှစ်ဖက်နဲ့ ထောက်ပြီး ခန္ဓာကိုယ်အပေါ်ပိုင်းကို မနိုင်သလောက်မပေးပါ။
၄။ လေ့ကျင့်ခန်း ၃
အရင်ဆုံး ခန္ဓာကိုယ်ကို မှောက်ပြီး လေးဖက်ထောက်လိုက်ပါ။ ပြီးရင် ခြေထောက်တစ်ဖက်ကို အနောက်ဖက်ကို မပေးပါ။ ၁၅ ခါလောက်လုပ်ပြီးရင် နောက်တစ်ဖက်ပြောင်းပါ။
၅။ လေ့ကျင့်ခန်း ၄
ဘေးမှာ ခုံတစ်ခုခု ဒါမှမဟုတ် တိုင်တစ်ခုခုကို ကိုင်ထားပါ။ ပြီးရင် ခြေဖဝါးထောက်ပြီး မတ်တပ်ရပ်နေပါ။ ဒူးတစ်ဖက်ကို မြောက်နိုင်သလောက်မြောက်ပေးပါ။ တစ်ဖက်ကို ၂၅ ကြိမ်ပြည့်ရင်နောက်တစ်ဖက်ပြောင်းပေးပါ။
၆။ လေ့ကျင့်ခန်း ၅
ကိုယ်ကို မတ်မတ်ရပ်လိုက်ပြီး ခြေထောက်နှစ်ဖက်ကို နည်းနည်းခွဲလိုက်ပါ။ ပြီးရင် တစ်ဖက်ကို ဘေးဖက်စောင်းလိုက်ပြီး နောက်တစ်ဖက်ပေါ်မှာ ဖိအားပေးကာ ပြီးရင်နောက်ဖက်ကို ကြက်ခြေခတ်ပုံစံမျိုးလုပ်ပေးလိုက်ပါ။
၇။ လေ့ကျင့်ခန်း ၆
ခြေထောက်နှစ်ဖက်ကို မတ်မတ်ရပ်ပြီး ခြေချောင်းကို ဘေးဖက်ထုတ်ထားလိုက်ပါ။ ပြီးရင် ပေါင်ကားပြီး ထိုင်ချပေးပါ။ ပြီးရင် ပြန်မတ်လိုက်ပါ။
၈။ လေ့ကျင့်ခန်း ၇
အရင်ဆုံး ကျောလှဲနေလိုက်ပါ။ ပြီးရင် ခြေထောက်နှစ်ဖက်ကို မြောက်ပြီးစုထားပါ။ ပြီးရင် ပေါင်ကိုကားလိုက်စုလိုက်လုပ်ပေးပါ။ ၁၅ ကြိမ်လောက် လုပ်ပေးပါ။
လေ့ကျင့်ခန်းအားလုံးလုပ်ပြီးသွားရင်လည်း အကြောပြန်လျှော့ဖို့မမေ့ပါနဲ့နော်။
