ဆံပင်ကို သဘာဝအတိုင်း ဖြောင့်စင်းစေဖို့ ပေါင်းတင်နည်း ၂ သွယ်

သဘာဝအတိုင်း ဆံပင်ဖြောင့်စင်းစင်းလေးကို မကြိုက်တဲ့ မိန်းကလေး ဘယ်မှာရှိမှာလဲ။ ဒါ့ကြောင့်လဲ အလှပြင်ဆိုင်တွေမှာ ဆံပင်ဖြောင့်တာ ခေတ်စားတာပေါ့နော်။ ဆံပင်ဖြောင့်ဖို့အတွက် ဓါတုပစ္စည်တွေသုံးတာဟာ ဆံသားပျက်ဆီးစေပါတယ်။ ဒါ့ကြောင့် သဘာဝနည်းလမ်းတစ်ခုကို မျှဝေပေးချင်ပါတယ်။

ပါဝင်ပစ္စည်း

ငှက်ပျောသီးမှည့် ၂ လုံး

ပျားရည် စားပွဲတင်ဇွန်း ၂ ဇွန်း

ဒိန်ချဉ် စားပွဲတင်ဇွန်း ၂ ဇွန်း

သံလွင်ဆီ စားပွဲတင်ဇွန်း ၂ ဇွန်း

ကြက်ဥအကာ ၁ လုံး

ပြင်ဆင်ခြင်း

ငှက်ပျောသီးကိုအခွံနွှာပြီး ပြဲသွားအောင် ဖိလိုက်ပါ။ ကြိတ်လိုက်လည်းရပါတယ်။ ပြီးရင် ပျားရည် ဒိန်ချဉ်နဲ့ သံလွင်ဆီထည့်ပါ။ ပြီးရင် ကြက်ဥအကာထည့်ပါ။ သေချာမွှေပေးပါ။ နှံ့သွားပြီဆိုရင် သုံးလို့ရပါပြီ။

ပြုလုပ်နည်း

ဆံပင်အဖျားကနေ အရင်းထိ သေချာလိမ်းပေးပြီး Shower Cap (သို့) သဘက် ဆောင်းပေးထားပါ။ ပြီးရင် ၁ နာရီလောက်ထားပါ။ အဲဒီနောက် ရေနွေးရယ် ခေါင်းလျှော်ရည်နဲ့ ပေါင်းဆေးရယ်သုံးပြီး ခေါင်းလျှော်ပါ။

တစ်ခါတည်းလုပ်တာနဲ့တော့ သိပ်သိသာမှာမဟုတ်ပါဘူး။ တစ်ပတ်ကို ၂ ကြိမ် ၁ လပြည့်အောင်လုပ်ပေးပါ။ ဆံပင်တွေ ပျော့ပြောင်းပြီး ဖြောင့်စင်းလာမှာဖြစ်ပါတယ်။

နည်း ၂

သံလွင်ဆီ စားပွဲတင်ဇွန်း ၂ ဇွန်း

Corn Flour ပြောင်းဖူူးကော်မှုန့် စားပွဲတင်ဇွန်း ၃ ဇွန်း

အုန်းနို့ ၁ ခွက်

သံပုယိုသီး ၁ လုံး (သို့) သံပုရာသီး ၁ လုံး

ပြုလုပ်နည်း

သံပုယိုရည်နဲ့ ပြောင်းဖူးကော်မှုန့်ကို ရောလိုက်ပါ။

ပြီးရင် အုန်းနို့နဲ့ သံလွင်ဆီကို ရောပါ။ ပြီးရင် စောစောက သံပုယိုရည်နဲ့ ပြောင်းဖူးကော်မှုန့် ထဲကိုထည့်လိုက်ပါ။

ပြီးရင် အိုးတစ်လုံးထဲကိုထည့်ပြီး အပူချိန်အနေတော်နဲ့ ပျစ်ပျစ်လေးဖြစ်တဲ့ထိ သည်ပါ။ ပျစ်သွားပြီဆိုရင် မီးဖိုပေါ်ကချပြီးအအေးခံပါ။

ပြီးရင်တော့ ဆံဖျားကနေ အရင်းထိ သေချာလိမ်းပေးပါ။ ပြီးရင် သဘက်ပူပူ (သို့) Shower Cap ဆောင်းပြီး ၂ နာရီလောက်ထားပါ။ ပြီးရင် ခေါင်းလျှော်ရည် ပေါင်းဆေးသုံးပြီး ခေါင်းလျှောချပါ။