၁၄ ရက်အတွင်း ဝမ်းဗိုက်ချပ်ချပ်လေးကို ပိုင်ဆိုင်စေဖို့ လေ့ကျင့်ခန်း ၉ မျိုး

ဝမ်းဗိုက်နားနဲ့ ခါးနားတစ်ဝိုက်မှာ မလိုအပ်တဲ့အဆီတွေစုနေလို့ စိတ်ညစ်နေလား။ ၁၄ ရက်အတွက် ဝမ်းဗိုက်ကအဆီတွေကို လျှော့ချပေးမယ့် လေ့ကျင့်ခန်း ၉ မျိုးကို မျှဝေပေးချင်ပါတယ်။

၁။ ပေါင်နှစ်ဖက်ကိုကားပြီး လှဲနေပါ။ ပြီးရင် လက်ကိုနောက်ပြန်ပစ်ပြီးနောက်စေ့နားမှာကပ်ထားပါ။ ပြီးရင် အိပ်ထမတင်ပုံမျိုးလုပ်ပေးပါ။ ၁၀ ကြိမ်ဖြစ်ပါတယ်။

၂။ ဒူးထောင်ပြီး ပက်လက်နေပါ။ ပြီးရင် ညာဖက်လက်နဲ့ ညာဖက်ခြေထောက်ကို ထိဖို့ကြိုးစားသလိုလုပ်ပေးပါ။ ဘယ်ဖက်ကိုလည်းလုပ်ပေးပါ။ ၁၀ ကြိမ်ဖြစ်ပါတယ်။

၃။ Plank လေ့ကျင့်ခန်းကိုသိပါတယ်နော်။ ဒိုက်ထိုးသလိုမှောက်လျက်ပုံမျိုးနေရမှာပါ။ အခုပုံမှာပြထားတဲ့အတိုင်းပါပဲ။ ကျောနဲ့ ခန္တာကိုယ်အောက်ကိုင်းတစ်ခုလုံး တပြေးညီဖြစ်နေရပါမယ်။ ဒီပုံအတိုင်း ၅ စက္ကန့်နေပါ။ ၁၅ ကြိမ်လုပ်ပါ။

၄။ ပက်လက်လှဲနေပါ။ ခြေထောက်နှစ်ဖက်ကိုအပေါ်တန်းတန်းမြောက်ပြီး လက်နှစ်ဖက်က ခြေထောက်နှစ်ဖက်ကိုထိကြည့်ပါ။ ၁၀ ကြိမ်ဖြစ်ပါတယ်။(လုံးဝထိရမယ်လို့မဆိုလိုပါဘူးနော်။ ထိဖို့ကြိုးစားသလို လုပ်ခိုင်းတာပါ။)

၅။ ပက်လက်လှဲနေပါ။ လက်ကိုနောက်ပြန်ပစ်ပြီး နောက်စေ့နားကပ်ထားပါ။ ဘယ်ဖက်က ဒူးနဲ့ ညာဖက်က တဒေါင် ညာဖက်ကဒူးနဲ့ ဘယ်ဖက်ကတဒေါင် ထိအောင်လုပ်ပေးပါ။ တစ်ဖက်ကို ၁၅ ကြိမ်ဖြစ်ပါတယ်။ နှစ်ဖက်လုပ်ပေးပါ။

၆။ ဒူးနှစ်ဖက်ကို ကွေးပြီးအပေါ်မြောက်ပေးပါ။ လက်နှစ်ဖက်ကိုတော့ အောက်ကိုပဲချထားပေးပါ။ အခုပုံပါအတိုင်း Stalking ဒါမှမဟုတ် ဆွဲသားပါတဲ့ ပိတ်စကိုအသုံးပြုနိုင်ပါတယ်။

၇။ မတ်တ်အနေအထားဖြစ်ပါတယ်။ ဒူးကို အပေါ်မြောက်ပြီး တဒေါင်ဆစ်နဲ့ထိအောင်ခုန်ပေးပါ။ ဘယ်ညာနှစ်ဖက်ပြည့်မှ ၁ ကြိမ်လို့မှတ်ပါ။ ၁၀ကြိမ်လုပ်ပေးပါ။

၈။ ကိုယ်ကိုမတ်မတ်ရပ်ပြီး တစ်ခုခုကို ကိုင်ထားပါ။ ပြီးရင် ခြေထောက်ကို လွဲပါ။ ရှေ့နောက်လွဲရာမှာ အပေါ်ကိုမြောက်နိုင်သလောက်မြောက်ပြီးလွဲပေးပါ။ မြေကြီးနဲ့ ၅ လက်မလောက်အမြင့်ရှိခုံပေါ်တင်ပြီးလည်း လုပ်ပေးလို့ရပါတယ်။ တစ်ဖက်ကို ၁၅ ကြိမ်ပါ။

၉။ ဘောလုံးတစ်လုံးပေါ်မှာ ခြေထောက်နှစ်ဖက်ကိုတင်ထားပါ။ ပြီးရင်လက်နှစ်ဖက်နဲ့ သွားတွားပုံမျိုးသွားပေးပါ။ ၁၀ လှမ်းဖြစ်ပါတယ်။

Featured Image Source: BRIGHT SIDE