အိမ်မှာ ရိုးရှင်းလွယ်ကူတဲ့ လေ့ကျင့်ခန်းလုပ်ပြီး ဝမ်းဗိုက်ချပ်ချပ်လေးကို အရယူရအောင်

လူတိုင်း ဝမ်းဗိုက်ချပ်ချပ်လေးကို ပိုင်ဆိုင်ချင်ကြပါတယ်။ ဒါပေမယ့် လူတိုင်း ဝမ်းဗိုက်ချပ်ချပ်လေးရဖို့ ဇွဲမရှိကြပါဘူး။ ဝမ်းဗိုက်ချပ်ချပ်လေးရဖို့ဆိုရင် အစာအဟာရ သင့်တင့်မျှတအောင်စားဖို့လိုသလို ကယ်လိုရီများတဲ့ အစားအစာကို လျှော့စားသင့်ပါတယ်။

အခု ဝမ်းဗိုက်ချပ်စေမယ့် ရိုးရှင်းလွယ်ကူတဲ့ လေ့ကျင့်ခန်းကို မျှဝေပေးသွားပါမယ်။

၁။ Plank

Plank ထောက်တာဟာ ဝမ်းဗိုက်ကအဆီကိုသာမက လက်မောင်းကအဆီတွေကိုရော တကိုယ်လုံးက အဆီတွေကိုပါကျစေပြီး ခန္ဓာကိုယ် အချိုးအစားလှပစေပါတယ်။ အခုပုံမှာပြထားသလိုပဲ ခါးနဲ့ ကျောကို မတ်မတ်ထားပြီး ထောက်ပေးပါ။ စက္ကန့် ၃၀ လောက်နေပေးရပါမယ်။ ပြီးရင် တိုးတိုးပြီးလုပ်သွားပါ။ ၄ ကြော့လုပ်ပါ။

၂။ အိပ်ထမတင်

အိပ်ထမတင် လေ့ကျင့်ခန်းကို လုပ်ပေးရမှာပါ။ သင့်ဗိုက်က ကြွက်သားတွေအတွက် များစွာ အထောက်အကူဖြစ်စေပါတယ်။ အခုပုံမှာပြထားသလို ဒူးနှစ်ဖက်ကိုထောက်ပြီး အိပ်ထမတင် လုပ်ပေးရမှာပါ။ ၁၅ ကြိမ် ၄ ကြော့လုပ်ပေးပါ။

၃။ စက်ဘီးနင်းလေ့ကျင့်ခန်း

စက်ဘီးနင်းဆိုပေမယ့် တကယ်မနင်းပါဘူး။ အခုပုံမှာပြထားသလို ပက်လက်အိပ်ပြီး လက်နှစ်ဖက်ကို ကြောမှာ ကပ်ထားပါ။ ပြီးရင် ညာဒူးနဲ့ ဘယ်လက်တဒေါင်၊ ဘယ်ဒူးနဲ့ ညာလက်တဒေါင်ကို ထိပေးသလို လုပ်ပေးပါ။ ဘယ်ညာကို ၁ ကြိမ်လို့မှတ်ပါ။ အကြိမ် ၂၀ လုပ်ပေးပြီး ၄ ကြော့လုပ်ပေးပါ။

၄။ Lower Abs

အရင်ဆုံး ကျောလှဲနေပါ။ ပြီးရင် ခြေထောက်နှစ်ဖက်ကို တန်းတန်းဆန့်ထားပြီး အပေါ်ကို မတင်ပေးပါ။ ပြန်ချတဲ့အခါမှာကြမ်းပြင်ကို မထိအောင် ချပေးပါ။ ၁၅ ကြိမ် ၄ ကြော့လုပ်ပေးပါ။

၅။ Knees to the Chest

အရင်ဆုံး ပက်လက်အိပ်ပြီး ခြေထောက်နှစ်ဖက်ကို တန်းတန်းဆန့်ပေးပါ။ ပြီးရင် ကြမ်းပြင်ကနေ နည်းနည်းမပေးထားပြီး ဒူးကွေးကာ အပေါ်ကို မတင်ပေးပါ။ ပြီးရင် ပြန်ချပါ။ ၁၅ ကြိမ် ၅ ကြော့လုပ်ပေးပါ။