တခြားသူကို ကျေးဇူးတင်တတ်ပါစေ
သင့်အပေါ် ကျေးဇူးပြုခဲ့တဲ့သူတွေကို ကျေးဇူးတင်တတ်ပါစေ။ မိသားစု မိတ်ဆွေသူငယ်ချင်းတွေကို အချိန်ပေးတာမျိုးလုပ်ပါ။ အကောင်းဖက်ကတွေးတတ်အောင်နေပါ။
သင့်ကိုယ်သင်ဂရုစိုက်ပါ
သင့်ကိုယ်သင် ဂရုစိုက်ပါ။ သင့်ရဲ့ ကျန်းမာရေးအတွက် အလှပအတွက်ကော ဂရုစိုက်ပေးပါ။ ဘဝရဲ့ စိန်ခေါ်မှုအသစ်တွေကို ရင်ဆိုင်ပါ။
လက်ခံတတ်အောင်သင်ယူပါ
သင့်ရဲ့ လက်ရှိဘ၀ ပတ်ဝန်းကျင် လက်ရှိအနေအထားကို လက်ခံတတ်အောင်သင်ယူပါ။ သင့်ဘဝကို သင်အပြစ်တင်နေလို့ ဘာမှထူးလာမှာမဟုတ်ပါဘူး။
ပစ္စုပ္ပာန်ကို အာရုံစိုက်ပါ
သင့်ရှေ့မှာ ရှိနေတဲ့သူကို သင်ဂရုစိုက်ပါ။ သင့်ရဲ့ ယခုလက်ရှိ ပစ္စုပ္ပာန်ကို အကောင်းဆုံးဖြစ်အောင် ကြိုးစားပါ။
ပြုံးပါ
ပြုံးတာဟာ သင့်ကို ပျော်ရွှင်တဲ့ သူတစ်ယောက်ဖြစ်စေပါတယ်။ သူစိမ်းတစ်ယောက်ကို ပထမဆုံး တွေ့တဲ့အခါ ပြုံးပါ။ အသိမိတ်ဆွေတွေနဲ့ ပြောဆိုနှုတ်ဆက်တဲ့အခါ ပြုံးပါ။
သင့်ကိုယ်သင် တခြားသူတွေနဲ့ နှိုင်းယှဉ်တာကို ရပ်လိုက်ပါ
အဲဒီလို နှိုင်းယှဉ်နေသမျှတော့ သင်ဘယ်တော့မှ ပျော်ရွှင်နေရမှာမဟုတ်ပါဘူး။
လေ့ကျင့်ခန်းလုပ်ပါ
သင့်ကျန်းမာရေးအတွက်၊ စိတ်ခံစားချက်ကောင်းမွန်ဖို့အတွက် လေ့ကျင့်ခန်းလုပ်ပေးပါ။