မိမိအိမ်မှာပဲ ကိုယ့်ရဲ့ ဆံပင်အရောင်လှလှလေး ရချင်တယ်ဆိုရင်တော့ ဒီနည်းလမ်းလေးကို လိုက်လုပ်ကြည့်ဖို့ မျှဝေပေးလိုက်တယ်နော်။ သဘာဝပါဝင်ပစ္စည်းလေးတွေနဲ့ ပြုလုပ်ပေးရမှာမို့ စာဖတ်သူတို့ အကြိုက်တွေ့မယ်ထင်ပါတယ်။
ဆံပင်အရောင်ဆိုးဖို့
ဆံပင်အရောင်ပိုပြီးတောက်ပြောင်စေတယ်ဆိုရင် သစ်ကြမ်းပိုေးခါက် စားပွဲတင်ဇွန်း ၄ ဇွန်း၊ ပျားရည် စားပွဲတင်ဇွန်း ၃ ဇွန်း၊ ပေါင်းဆေး စားပွဲတင်ဇွန်း ၂ ဇွန်းရောပြီး ဆံပင်ပေါ်မှာ သေချာလိမ်းပေးပါ။ အုန်းနို့ လက်ဖက်ရည်ဇွန်း ၂ ဇွန်းကိုလည်း အဆင်ပြေရင်ထည့်ပါ။ အုန်းနို့ မထည့်ချင်လည်းရပါတယ်နော်။
ဆံပင်ဆိုးဆေးလိမ်းတဲ့ ခေါင်းဘီးကို ဆံပင်အရင်းကနေ အဖျားထိ သေချာလိမ်းပေးပါ။ အဲဒီနောက် ပလတ်စတစ်အိတ်ဆောင်းပေးပြီး ၂ နာရီကနေ ၃ နာရီထိထားပါ။ ပြီးရင်တော့ ခေါင်းလျှော်ရည်နဲ့ လျှော်ချပါ။ ဒီလိုနည်းလမ်းအတိုင်း အကြိမ်ကြိမ်လုပ်ပေးရင် ဆံပင်အရောင် တောက်ပြောင်လှပလာမှာ ဖြစ်ပါတယ်။
ဆံပင်အရောင်တွေ တောက်ပြောင်စေဖို့
ဆိုးထားတဲ့ ဆံပင်အရောင်ကို ပိုပြီးတောက်ပြောင်ချင်တယ်ဆိုရင်တော့ ကြက်ဥတစ်လုံး၊ သံလွင်ဆီ စားပွဲတင်ဇွန်း ၁ ဇွန်း ပျားရည် စားပွဲတင်ဇွန်း ၁ ဇွန်း နဲ့ ရောပြီး ဆံပင်အရင်းကနေ အဖျားထိ သေချာလိမ်းပေးပါ။ ပြီးရင်တော့ တဘက် (သို့) Shower Cap ဆောင်းပြီး မိနစ် ၂၀ – ၃၀ ထိ ထားပါ။ အဲဒီနောက် ဆံပင်ကို သေချာခေါင်းလျှော်ပေးပါ။ ရေကိုနွေးတယ်ဆိုရုံလောက်လေးနဲ့ လျှော်ပေးပါ။
