ဝမ်းဗိုက်မှာ အဆီတွေစုနေရင် နေရထိုင်ရတာ သက်သောင့်သက်သာမရှိသလို အဝတ်အစားဝတ်ရင်လည်း ယုံကြည်မှုနည်းစေပါတယ်။ ဝမ်းဗိုက်မှာအဆီစုရတဲ့အကြောင်းကတော့ သင့်ရဲ့လူနေမှုပုံစံ၊ စိတ်ဖိစီးမှုနဲ့ ကိုယ်စားသုံးတဲ့ အစားအစာတွေကြောင့်လည်း ပါဝင်ပါတယ်။ Gym သွားဖို့အတွက်လည်း အချိန်မပေးနိုင်လို့ တကယ်လို့ Gym သွားတဲ့အခါလည်း Personal Trainer မပါလို့ စိတ်မပူပါနဲ့တော့။ MyHealth Myanmar ကနေ ရိုးရှင်းလွယ်ကူတဲ့ ဗိုက်ချပ်လေ့ကျင့်ခန်းကို မျှဝေပေးသွားမယ်နော်။ မောတော့မောမယ်။ လေ့ကျင့်ခန်းလုပ်ပြီးရင်လည်း ဗိုက်ကြောနာနေမယ်နော်။ ဒါပေမယ့် ဘာမှမဖြစ်ပါဘူး။ ဆက်လုပ်ပေးပါ။
တစ်နေ့ကို မိနစ် ၂၀ လောက်အချိန်ပေးပြီး အစားသောက်ကို ဂရုစိုက်ပေးမယ်ဆိုရင် ဝမ်းဗိုက်ချပ်ချပ်ကို အချိန်တိုအတွင်း ပိုင်ဆိုင်နိုင်မှာပါ။
၁။ အရင်ဆုံး ကိုယ်လှဲနေလိုက်ပါ။ ပြီးရင် ခြေထောက်နှစ်ဖက်ကို ကွေးပြီးနေပါ။ လက်နှစ်ဖက်ကို နောက်စေ့နားမြှ ကပ်ထားပေးလိုက်ပါ။ ပြီးရင် အသက်ရှုလိုက်ပြီး ခေါင်းကနေ ခန္ဓာကိုယ်အပေါ်ပိုင်းကို ကြွပေးပါ။ ပြီးရင်အသက်ရှုထုတ်လိုက်ပြီး နဂိုအတိုင်းပြန်နေပါ။ ၁၀ ကြိမ်လုပ်လိုက် ခဏနားလိုက်လုပ်ပေးပါ။ ၅ မိနစ်ကနေ ၈ မိနစ်ကြားလုပ်ပေးရပါမယ်။
၂။ ခန္ဓာကိုယ်ကို လှဲနေပါ။ ပြီးရင် လက်နှစ်ဖက်ကို ခေါင်းနောက်ပစ်ထားပါ။ အသက်ကိုပြင်းပြင်းရှုပြီး ခြေထောက်နှစ်ဖက်ကို မလိုက်တာနဲ့ တပြိုင်တည်း ခန္ဓာကိုယ်အပေါ်ပိုင်းကိုပါ ကြွပေးပါ။ ၁၀ ကြိမ်လုပ်ပြီး ခဏနားပါ။
၃။ ဘောလုံးအသေးတစ်လုံးကို အသုံးပြုရပါမယ်။ ဒါမှမဟုတ်ရင်လည်း ခုံအပုလေးတစ်လုံးကို သုံးပေးနိုင်ပါတယ်။ ဘယ်ဖက်လက်နဲ့ ဘောလုံးကို ကိုင်ထားပေးပါ။ ဘယ်ဖက်ခြေထောက်ကိုကွေးလိုက်ပြီး ညာဖက်ကို အနောက်ဖက်ထားပါ။ ညာဖက်လက်ကို ဦးခေါင်းအပေါ်ကနေထားပြီး ခန္ဓာကိုယ်ကို ဘယ်ဖက်ယိမ်းနိုင်သဘောက်ယိမ်းပေးပါ။ ကိုယ်နေနိုင်သလောက်နေပြီး နဂိုအတိုင်းပြန်နေပါ။ တစ်ဖက်ကို အကြိမ် ၂၀ ဆီလုပ်ပေးပါ။
၄။ ခန္ဓာကိုယ်ကိုလှဲနေပြီး လက်နှစ်ဖက်ကို ခေါင်းနောက်ပစ်ထားပါ။ ခြေထောက်နှစ်ဖက်ကို လေပေါ်နည်းနည်းကြွပါ။ ပြီးရင် ညာဖက်ခြေထောက်ကိုမ ဘယ်ဖက်တဒေါင်ကိုလည်း ကြွလိုက်ပြီး ဒူးခေါင်းနဲ့ တဒေါင်နဲ့ထိနိုင်သလောက်ထိအောင်လုပ်ပါ။ ပြီးရင် နဂိုအတိုင်းပြန်နေပြီး ဘယ်ဖက်ပြောင်းလုပ်ပါ။ ဘယ်ညာတစ်ခေါက်ကို (၁) ကြိမ်လို့မှတ်ပါ။ ၁၀ ကြိမ်လုပ်ပေးရပါမယ်။
၅။ အရင်ဆုံး မှောက်လျက်အနေအထားနေမယ်။ ပြီးရင် ကြမ်းပြင်ကို တဒေါင်နဲ့ ထောက်ပြီး ခန္ဓာကိုယ်ကို ကြွလိုက်မယ်။ ခြေထောက်ကိုလည်း တန်းတန်းဆန့်ထားပြီး ခြေဖဝါးနဲ့ ကြမ်းပြင်ထိထားမယ်။ ခန္ဓာကိုယ်အပေါ်ပိုင်းအောက်ပိုင်းကို တဖြောင့်တည်းထားမယ်။ အသက်ဖြည်းဖြည်းရှုမယ်။ နေနိုင်သလောက်နေပြီး နားမယ်။ ၁၀ ကြိမ်လုပ်မယ်။
၆။ ကျောလှဲနေမယ်။ လက်နှစ်ဖက်ကို ဘေးမှာချထားလိုက်ပါ။ ပြီးရင် ခြေထောက်တစ်ဖက်ကို မတင်လိုက်ပါ။ ပြီးရင် ခြေထောက်တစ်ခုလုံးကို စက်ဝိုင်းပုံစံမျိုး တစ်ပတ်လှည့်ပေးရပါမယ်။ အဲဒီလိုလှည့်နေတဲ့အချိန်မှာ ခန္ဓာကိုယ်အပေါ်ပိုင်းနဲ့ ဝမ်းဗိုက်ကို မတ်မတ်ပဲထားပါ။ တစ်ခါလုပ်ရင် ၆ ပတ်လောက်ပတ်ပေးပြီး နောက်တစ်ဖက်ပြောင်းပါ။ တစ်ဖက်ကို ၆ ကြိမ်လုပ်ပေးပါ။
၇။ အရင်ဆုံး ကျောလှဲနေမယ်။ ပြီးရင် ဒူးနှစ်ဖက်ကို ကြွလိုက်ပြီး လက်နှစ်ဖက်ကို ဒူးနဲ့ထိမယ်။ ပြီးရင် ခြေထောက်ချပြီး လက်ကိုအပေါ်မြှောက်မယ်။ ၁၀ ကြိမ်လုပ်ပေးရပါမယ်။
