ကိုယ်ကအခြားသူတွေနဲ့ယှဉ်ရင် အနည်းငယ်ဝနေတာဖြစ်ဖြစ်၊ မသွားတာကြာလို့ ပြန်သွားဖို့စီစဉ်နေတာဖြစ်ဖြစ် အားလုံးအနေနဲ့ကတော့ Gym သွားမယ်ဆိုရင် အတွေးပေါင်းစုံ ခေါင်းထဲရောက်လာကြတာပါပဲ။
ငါနဲ့အဆင်ပြေပါ့မလား၊ ငါလုပ်နိုင်ပါ့မလား စတဲ့မေးခွန်းအစုံအလင်ကို မဖြေခင်မှာ အခုဖော်ပြပေးသွားမယ့် အချက်လေးတွေကို အရင်ဆုံး ဖတ်ကြည့်လိုက်ပါ။
ဘယ်သူမှသင့်ကို မဝေဖန်ပါဘူး
Source: Muscle & Fitness
ငါရောက်သွားတဲ့အခါ ငါ့ကိုဝိုင်းကြည့်မလားမသိဘူး၊ ငါဆော့တာက သူများတွေအမြင်မှာ တမျိုးကြီးဖြစ်မလားမသိဘူးဆိုတဲ့ အတွေးတွေက Gym ကိုသွားမယ့် ပထမဆုံးရက်မှာကတည်းက ခေါင်းထဲမှာ စုပြုံနေပါပြီ။ ဒါပေမယ့်မပူပါနဲ့။ ဒီလိုကိစ္စမျိုးတွေ ဘယ်တော့မှမဖြစ်ပါဘူး။ Gym မှာဆော့နေတဲ့ လူတိုင်းက သူတို့ဘာသာသူတို့ အလုပ်ရှုပ်နေကြမှာဖြစ်ပြီး ကိုယ့်ကိုတောင် အာရုံစိုက်မိမှာမဟုတ်ပါဘူး။
Gym နဲ့ လိုက်လျောညီထွေမှုရှိအောင်နေပါ
Source: shutterstock.com
လေ့ကျင့်ခန်းလုပ်ခြင်းက ခန္ဓာကိုယ်လှစေဖို့၊ ကျန်းမာစေဖို့အတွက်လုပ်တာဖြစ်ပေမယ့် ကိုယ်နဲ့အတူတူ တစ်နေရာတည်းမှာ အားကစားလုပ်နေသူတွေကိုလည်း လေးစားသမှုရှိရပါမယ်။ Gym က သတ်မှတ်ထားတဲ့ စည်းမျဉ်းစည်းကမ်းတွေကို သိအောင်လုပ်ပြီး လိုက်နာခြင်းဖြင့် ကိုယ့်ရဲ့အသွင်အပြင်ကို ကောင်းအောင်ပြုလုပ်နိုင်ပါတယ်။ ခန္ဓာကိုယ်မလှလို့ဆိုပြီး ဘယ်သူမှမကဲ့ရဲ့ပေမယ့် စာရိတ္တမကောင်းရင်တော့ လူအများရဲ့ မျက်စိစပါးမွှေးစူးရာဖြစ်နိုင်ပါတယ်။
ကိုယ်ဝါသနာပါတာကို ရွေးပြီးပြုလုပ်ပါ
Source: muscleandfitness.com
အခုမှစပြီး Gym ကစားတဲ့အချိန်မှာ ကိုယ်မနိုင်တဲ့လေ့ကျင့်ခန်းတွေကစပြီးမလုပ်ဘဲ ပေါ့ပေါ့ပါးပါးလေးတွေကို အရင်ရွေးလုပ်ပါ။ ကိုယ်မနိုင်တာကို လုပ်မိမယ်ဆိုရင် ခန္ဓာကိုယ်ပင်ပန်းနွမ်းနယ်ပြီး လိုချင်တဲ့ ပန်းတိုင်ကိုလည်း အရောက်လှမ်းနိုင်မှာမဟုတ်ပါဘူး။ ဒါ့အပြင် ကိုယ်ဝါသနာပါရာကို မလုပ်ဘူးဆိုရင်တော့ မကာခင်မှာ စိတ်မပါတော့ဘဲ Gym သွားချင်စိတ်ပါ ပျောက်သွားမှာပါ။
စိတ်ရှည်သည်းခံပါ
Source: skinnyms.com
ဘယ်အရာမှ လွယ်လွယ်မရဘူးဆိုတာကို လူတိုင်းသိမှာပါ။ တစ်ရက်နှစ်ရက် လေ့ကျင့်ခန်းလုပ်ရုံနဲ့ ဘယ်လိုရလဒ်ကောင်းမျိုးမှ ရမှာမဟုတ်ပါဘူး။ သေသေချာချာ အားစိုက်ပြီး မှန်မှန်လုပ်သွားမယ်ဆိုရင်တော့ စိတ်ကျေနပ်စရာ ရလဒ်ကောင်းများကို ပိုင်ဆိုင်နိုင်မှာပါ။
Credit: www.artofmanliness.com
