ဒီကနေ့ခေတ်မှာ စိတ်ဖိစီးမှုတွေ သဘာဝပတ်ဝန်းကျင် လေထုညစ်ညမ်းမှုတွေကြောင့် အသားအရေကို ပိုပြီး ကျန်းမာလှပအောင် ထိန်းသိမ်းဖို့ လိုအပ်လာပါပြီ။ စိတ်ဖိစီးမှုများတာဟာလည်း သင့်အသားအရေကို အိုမင်းရင့်ရော်စေပါတယ်။ ဒါ့အပြင် သဘာဝပတ်ဝန်းကျင်နဲ့ လေထုညစ်ညမ်းမှုတွေ ကလည်း သင့်အသားအရေကို အိုမင်းရင့်ရော်စေပါတယ်။
ဒါကြောင့် မိမိအိမ်မှာပဲ အလွယ်တကူ ပြုလုပ်ပေးလို့ရမယ့် နည်းလမ်း ၃ သွယ်ကို မျှဝေပေးချင်ပါတယ်။
အသားအရေ ကြည်လင်သန့်စင်စေဖို့ အဆိပ်အတောက်ဖယ်ရှားပေးမယ့် ဖျော်ရည်
ပါဝင်ပစ္စည်း
ရေ ၂ လီတာ၊ သခွားသီး ၁ လုံး၊ သံပုယိုသီး ၁ လုံး၊ ပူစီနံ လက်တစ်စုပ်စာ လိုပါမယ်။
ပြုလုပ်နည်း
အရင်ဆုံး သခွားသီးကို ပါးပါးလှီးလိုက်ပြီး ခွက်ထဲထည့်လိုက်ပါ။ ပြီးရင် သံပုယိုသီးကိုလည်း ပါးပါးလှီးပြီး ခွက်ထဲထပ်ထည့်ပါ။ ပြီးရင် ပူစီနံ ထည့်လိုက်ပါ။အဲဒီနောက် ရေ ၂ လီတာကို ထည့်လိုက်ပါ။ အဲဒါကို ရေခဲသေတ္တာထဲမှာထည့်ထားပါ။တစ်ရက်လောက် ထားထားပြီး သောက်ပေးပါ။ နေ့စဉ်သောက်ပေးခြင်းဖြင့် သင့်ခန္ဓာကိုယ်အတွင်းက အဆိပ်အတောက်တွေကိုဖယ်ရှားပေးပြီး အဆီကျရုံသာမက အသားအရေကို ကြည်လင်လာစေမှာဖြစ်ပါတယ်။
အုန်းဆီသုံးမယ်
အုန်းဆီနဲ့ ဝါဂွမ်းလိုပါမယ်။ အုန်းဆီကို ထည့်လိုက်ပါ။ အခဲဆိုရင် အရည်ပျော်သွားအောင် အပူပေးလိုက်ပါ။ ပြီးရင် ဝါဂွမ်းစနစ်လိုက်ပြီး သင့်မျက်နှာပေါ်မှာလိမ်းပေးပါ။ ၅ မိနစ် ၆ မိနစ်လောက် နှိပ်နယ်ပေးပါ။ ပြီးရင် ၂ မိနစ် ၃ မိနစ်လော်ကထားပါ။ အဲဒီနောက် ဝါဂွမ်းစအသစ်ကို ရေအနည်းငယ်စွတ်ပြီး အုန်းဆီတွေကို ဖြည်းဖြည်းချင်း ဖယ်ရှားလိုက်ပါ။ ပြီးရင် မျက်နှာသစ်ပေးပါ။ နေ့တိုင်း ပြုလုပ်ပေးနိုင်ပါတယ်။
Green Tea
Green Tea အိတ် ၁ ထုပ်၊ ရေနွေးပူပူ ၁ ခွက်၊ ပျားရည် အနည်းငယ်၊ သံပုယိုရည် အနည်းငယ် လိုအပ်ပါတယ်။
အရင်ဆုံး ရေနွေးပူပူထဲကို Green Tea ထုပ်ထည့်လိုက်ပါ။ ပြီးရင် မိနစ်အနည်းငယ်လောက်ထားပါ။ အဲဒီနောက် Green Tea ထုပ်ကိုဖယ်လိုက်ပြီး သံပုယိုရည်နည်းနည်းနဲ့ ပျားရည်နည်းနည်းညှစ်ထည့်ပါ။ အရသာအတွက်ထည့်တာဖြစ်ပါတယ်။ ပူပူလေးသောက်ပေးပါ။ တစ်နေ့ကို ၂ ခွက် ၃ ခွက်လောက်သောက်နိုင်ပါတယ်။ အသားအရေကိုလည်းလှစေမှာဖြစ်သလို ဝိတ်လည်းကျစေမှာပါ။
