ပေါင်ရင်းနားမှာ အဆီတွေစုနေတာဟာ အလှပကြိုက်တဲ့သူ၊ ဘောင်းဘီဝတ်တတ်တဲ့သူတွေအဖို့တော့ စိတ်ညစ်စရာပါ။ အဲဒီကအဆီတွေကျဖို့အတွက် တကယ်တော့မဖြစ်နိုင်တာမဟုတ်ပါဘူးနော်။

၁။ လေ့ကျင့်ခန်းလုပ်ပါ။

ခန္ဓာကိုယ်တစ်ခုလုံးကအဆီတွေကျစေဖို့အတွက် လေ့ကျင့်ခန်း လုပ်ပေးရပါမယ်။ ကယ်လိုရီလောင်ကျွမ်းစေတဲ့ လေ့ကျင့်ခန်ကို ရွေးချယ်လုပ်ပါ။ ဥပမာ- စက်ဘီးနှင်းခြင်း၊ ပြေးခြင်းနဲ့ ကြိုးခုန်ခြင်းတို့ကိုလုပ်ပေးပါ။

၂။ တောင်တက်ပါ

တောင်တက်တာ၊ လှေကာထစ်နဲ့တက်တာ၊ အပေါ်ကိုပြေးတက်တာမျိုးလုပ်ပေးပါ။ အဲဒီလိုလုပ်ပေးတာဟာ ကယ်လိုရီပိုကျစေပြီး ပေါင်ရင်းနားက အဆီတွေကျစေပါတယ်။

၃။ အာဟာရဓာတ်သင့်တင့်မျှတအောင်စားပါ

အာဟာရဓာတ်သင့်တင့်မျှတအောင်စားသုံးဖို့လိုပါတယ်။ အစာမစားဘဲမနေသင့်ပါဘူး။ သကြားပါဝင်တဲ့အစားအစာ ရှောင်ပေးပါ။

သင်စားမယ့် ပန်းကန်တစ်ဝက်လောက်ကို အသီးအရွက်ထည့်ပါ။ ကျန်တဲ့တစ်ဝက်ရဲ့ တစ်ခြမ်းကို ဆဲလ်မွန်ငါး (သို့) ကြက်သား နဲ့ ကျန်တဲ့တစ်ခြမ်းကို ထမင်းထည့်စားပါ။ ပရိုတင်းဓာတ် (အသားဓာတ်) ာ သင့်ခန္ဓာကိုယ်ကို အားအင်ပေးစွမ်းနိုင်ပြီး ကြွက်သားတွေကို သန်မာစေမှာဖြစ်ပါတယ်။

၄။ ပေါင်ရင်းနားကအဆီတွေကျစေတဲ့ လေ့ကျင့်ခန်းလုပ်ပေးပါ။

အခုပုံမှာပြထားသလို ပေါင်ရင်းနားက အဆီတွေကျစေတဲ့ လေ့ကျင့်ခန်းကိုလုပ်ပေးသင့်ပါတယ်။

၅။ ရေများများသောက်ပါ

ဒါကတော့ မပါမဖြစ်ပါပဲနော်။ ရေများများသောက်ပါ။ အချိုရည်အစား ရေသောက်ပါ။ ရေသောက်ပေးတာဟာ သင့်အသားအရေကို စိုပြေစေရုံသာမက ကိုယ်အလေးချိန်လျှော့ချဖို့လည်း အကူအညီပေးနိုင်ပါတယ်။ ထမင်းမစားခင်မှာ ရေသောက်ပေးတာမျိုးလုပ်ပေးသင့်ပါတယ်။