လေ့ကျင့်ခန်းလုပ်နေတဲ့သူတွေအတွက် ခါးနာလို့ ၊ ဒဏ်ဖြစ်ထားလို့ဆိုပြီး ဒီနေရာမှာ အစားထိုးလို့ရတဲ့ လေ့ကျင့်ခန်းကို ရှာဖွေနေလား။
ဒါဆိုရင်တော့ အစားထိုးလုပ်ပေးလို့ရတဲ့ လေ့ကျင့်ခန်းတွေကို မျှဝေပေးမယ်နော်။
၁။ ခါးသွယ်စေတဲ့လေ့ကျင့်ခန်း
အိပ်ထမတင် လေ့ကျင့်ခန်းက ထိရောက်ပေမယ့် ခါးနာတာနဲ့ လည်ပင်းညောင်းတာမျိုး ဖြစ်ပေါ်စေပါတယ်။ ဒါ့ကြောင့် ဒုတိယပုံမှာပြထားတဲ့ လေ့ကျင့်ခန်းကို အစားထိုးလုပ်ပေးနိုင်ပါတယ်။ အရင်ဆုံး ဒူးနှစ်ဖက်နဲ့ လက်တစ်ဒေါင်နှစ်ဖက် ထောက်ထားပြီး နေပေးပါ။ ပြီးရင် ညာဖက်ဒူးကို အနောက်ဖက် တန်းတန်းဆန့်ပေးပြီး ဘယ်ဖက်လက်ကို အရှေ့တန်းတန်းမြောက်ပေးပါ။ အဲဒီအတိုင်း ၅ စက္ကန့်ကနေ ၁၀ စက္ကန့်ထိနေပါ။ ပြီးရင်နောက်တစ်ဖက်ပြောင်းပါ။ ဝမ်းဗိုက်၊ ပေါင်ရင်းနားနဲ့ တင်သားက အဆီတွေကိုကျစေပြီး ကြွက်သားတွေကို သန်မာစေပါတယ်။
၂။ လက်မောင်းအတွက်
ထိုင်ခုံတစ်ခုကို နောက်မှထားပြီး လေ့ကျင့်ခန်းလုပ်ပေးတာဟာ အခန့်မသင့်ရင် ထိခိုက်ဒဏ်ရာရတာမျိုးဖြစ်နိုင်ပါတယ်။ ဒါ့ကြောင့် ဒုတိယပုံမှာ ပြထားသလို လုပ်ပေးနိုင်ပါတယ်။ လက်နှစ်ဖက်ကို ကြမ်းပြင်မှာထောက်ထားပြီး ဒူးနှစ်ဖက်ကိုလည်း ထောက်ထားပါ။ ပြီးရင် ခါးနဲ့တင်ကို မတ်မတ်ထားပါ။မျက်လုံးက ကြမ်းပြင်ကိုကြည့်ပေးပါ။
၃။ ခါးဘေးကအဆီကျဖို့
ခါးဘေးကအဆီတွေကျဖို့အတွက် အိပ်ထမတင်လုပ်ပေးမယ့်အစား Side Plank ထောက်ပေးတာမျိုးကို စားထိုးလုပ်ပေးနိုင်ပါတယ်။ အခုပုံမှာပြထားသလို ထောက်ထားပေးပြီး ကိုယ်နေနိုင်သလောက်နေပေးပါ။ ပြီးရင်နောက်တစ်ဖက် ပြောင်းလုပ်ပေးပါ။ ဝမ်းဗိုက်ကအဆီကျစေပြီး ကျောရိုးနာကျင်ခြင်းကနေ ကာကွယ်ပေးနိုင်ပါတယ်။
၄။ အလေးတုံးနဲ့ ခန္ဓာကိုယ်ရှေ့ကိုင်းပေးခြင်း
အလေးတုံးနဲ့ ပထမပုံမှာပြထားသလို လေ့ကျင့်ခန်းလုပ်ပေးတာဟာ ကျောရိုးနာတာမျိုးဖြစ်စေပါတယ်။ ဘောလုံးသေးသေးလေးကို ကိုင်ပြီး ခြေထောက်နှစ်ဖက်ကို ဘေးနည်းနည်းကားကာ အခုပုံမှာပြထားသလို လုပ်ပေးနိုင်ပါတယ်။
၅။ ပေါင်ရင်းနားက အဆီကျစေဖို့
ပေါင်ရင်းနားက အဆီကျစေပြီး အခုပုံမှာပြထားတဲ့ ကိရိယာသုံးမယ့်အစား ခုံအမြင့်တစ်ခုပေါ်မှာ ခပ်မြန်မြန်လေး တက်လိုက် ဆင်းလိုက် လုပ်ပေးနိုင် ပါတယ်။
၆။ လက်မောင်းနောက်ကအဆီကျစေဖို့
လက်မောင်းနောက်က အဆီကျစေဖို့အတွက် ဒိုက်ထိုးနိုင်ပါတယ်။ ဒိုက်ထိုးတဲ့လေ့ကျင့်ခန်းကိုမှ လက်နှစ်ဖက်ကို ရှေ့မှာစုထားပြီး ဒူးကို ကြမ်းပြင်နဲ့ ထိထားပါ။ ပြီးမှ လက်နှစ်ဖက်ကို အောက်ဖက်တွန်းလိုက် အပေါ်တက်လိုက် လုပ်ပေးပါ။
