အခုဆိုရင် ကျန်းမာရေးအတွက်ရော အလှပအတွက်ပါ လူတိုင်းနီးပါး ကိုယ်လက်လေ့ကျင့်ခန်းလုပ်လာကြတာတွေ့ရပါတယ်။ Gym ကို တကူးတကသွားဖို့ အချိန်မပေးနိုင်ရင်တောင် မိမိအိမ်မှာ ၅ မိနစ်လောက်အချိန်ပေးပြီး လေ့ကျင့်ခန်းလုပ်လိုက်ရအောင်နော်။
၁။ အရင်ဆုံးမတ်တပ်အနေအထားနေပြီး အခုပုံမှာပြထားသလို ကြမ်းပြင်ပေါ် လက်ထောက်ကာ နေပေးပါ။ အဲဒီအတိုင်း စက္ကန့် ၃၀ လောက်နေပေးပါ။
၂။ အရင်ဆုံး ကျောလှဲနေပါ။ ပြီးရင် ခြေထောက်နှစ်ဖက်ကို တန်းတန်းဆန့်ပြီး ကြမ်းပြင်ပေါ်အနည်းငယ်မြောက်ထားပါ။ ပြီးရင် အပေါ်ကို မြောက်နိုင်သလောက်မြောက်ပေးပြီး ကြမ်းပြင်မထိအောင် ပြန်ချပေးပါ။ စက္ကန့် ၃၀လုပ်ပေးရပါမယ်။
၃။ Superman လိုမျိုး နေပေးရပါမမယ်။ ခန္ဓာကိုယ်မှောက်နေပြီး လက်နှစ်ဖက်ကို အရှေ့မြောက် ခြေထောက်နှစ်ဖက်ကို အနောက်မြောက်ပြီး နေပေးပါ။ ပြီးရင် ပြန်ချပေးပါ။ စက္ကန့် ၃၀ ထိနေပေးရမှာဖြစ်ပါတယ်။
၄။ အရင်ဆုံး ခန္ဓာကိုယ်တစ်ဝက်ထိထိုင်ပြီး အပေါ်အမြင့်ခုန်ပေးရပါမယ်။ အဲဒီအတိုင်း ခပ်မြန်မြန်လေးလုပ်ပေးပါ။ စက္ကန့် ၃၀ လုပ်ပေးရပါမယ်။
၅။ အရင်ဆုံး ဒိုက်ထိုးမျိုးခန္ဓာကိုယ်ကို မှောက်လျက်နေထားပြီး ခြေထောက်တစ်ဖက်ကို ကွေထားပေးထားရပါမယ်။ ပြီးရင် ပြန်ထပြီး ခြေတပေါင်တည်းနဲ့ အမြင့်ခုန်ပေးပါ။ အဲဒီလေ့ကျင့်ခန်းကို ၁ မိနစ်လုပ်ပေးပါ။
၆။ အခုပုံမှာပြထားသလို လက်နှစ်ဖက်နဲ့ ခြေထောက်နှစ်ဖက်ထောက်ထားပါ။ ပြီးရင် ခြေထောက်တစ်ဖက်ကို ရင်ဘတ်နားထိအောင် မြောက်ပေးပါ။ ပြီးရင်ပြန်ချပြီး နောက်တစ်ဖက်ပြောင်းပါ။ စက္ကန့် ၃၀ လုပ်ပေးရပါမယ်။
၇။ ပေါင်ရင်းနားနဲ့ ဝမ်းဗိုက်ကအဆီတွေ ကျစေဖို့အတွက် ခန္ဓာကိုယ်အပေါ်ပိုင်းကိုမတ်မတ်ထားပြီး ခြေထောက်တစ်ဖက်ချင်းဆီကို မြင့်နိုင်သလောက် မြင့်မြင့် မြောကပေးရပါမယ်။ ၁ မိနစ် ဆက်တိုက် ခပ်မြန်မြန်လေးလုပ်ပေးပါ။
၈။ ကြိုးခုန်တဲ့လေ့ကျင့်ခန်းကို စက္ကန့် ၃၀ လုပ်ပေးရပါမယ်။ ကြိုးခုန်တာဟာ ခန္ဓာကိုယ်တစ်ခုလုံးက အဆီကိုကျစေပြီး သင့်ကို ပေါ့ပါးလန်းဆန်းစေပါတယ်။
ဒီလေ့ကျင့်ခန်းတွေအားလုံးကို မနက်ပိုင်းမှာလုပ်ပေးတာ အကောင်းဆုံးပါပဲ။ အစာအစားခင်လုပ်ပေးပါ။ လေ့ကျင့်ခန်းမလုပ်ခင် ၁ နာရီလောက်အလို ရေ၂ ခွက်လောက်သောက်ပေးပါ။
