နှုတ်ခမ်းပေါ်မှာ၊ နှုတ်ခမ်းနားမှာပေါက်တဲ့ ဝက်ခြံတွေက ဖြစ်လေ့ဖြစ်ထရှိတဲ့ ဝက်ခြံတွေ မဟုတ်သလို ကြည့်ရတာလည်း ရုပ်ဆိုးပါတယ်။ တခါတရံလည်း ဝက်ခြံတွေက အရမ်းနာတတ်ပါတယ်။ နှုတ်ခမ်းက ခန္ဓာကိုယ်တစ်ခုလုံးမှာဆိုရင် လှုပ်ရှားရအများဆုံးနဲ့ အထိအခိုက်အလွယ်ဆုံး နေရာပါဘဲ။
ဒါကြောင့် နှုတ်ခမ်းမှာ ဝက်ခြံပေါက်ပြီး နာနေရင် စကားပြောရတာရော၊ အစားအသောက်စားတဲ့နေရာမှာပါ အခက်အခဲတွေ့မှာ ဖြစ်ပါတယ်။
အရည်အသွေးမကောင်းတဲ့ နှုတ်ခမ်းနီနဲ့ မိတ်ကပ်ကြောင့်
အရည်အသွေးမကောင်းတဲ့ နှုတ်ခမ်းနီ နဲ့ မိတ်ကပ်များမှာပါဝင်တဲ့ ပါဝင်ပစ္စည်းတွေက အရေပြားပေါ်မှာရှိတဲ့ ချွေးပေါက်တွေကို ပိတ်စေတာကြောင့် ဝက်ခြံတွေ ဖြစ်စေပါတယ်။ အဲ့ဒီအပြင် အန္တရာယ်ရှိတဲ့ ဓာတုပစ္စည်းတွေကြောင့်လည်း ဝက်ခြံတွေဖြစ်စေပါတယ်။
ဟော်မှုန်း မညီမျှ
ဟော်မှုန်း မညီမျှမှုကလည်း ဝက်ခြံတွေ ဖြစ်ပေါ်စေပါတယ်။ အထူးသဖြင့် ကိုယ်ဝန်ဆောင် အမျိုးသမီးတွေနဲ့ ဆယ်ကျော်သက်တွေမှာ ဖြစ်လေ့ရှိပါတယ်။
အသားအရေ
သာမန်အားဖြင့် အဆီများတဲ့ အသားအရေရှိတဲ့သူတွေက နှုတ်ခမ်းပေါ်မှာ ဝက်ခြံပေါက်လေ့ရှိပါတယ်။
သက်တမ်းကုန်နေတဲ့ နှုတ်ခမ်း နီ
သက်တမ်း ကုန်နေတဲ့ နှုတ်ခမ်းနီတွေက နှုတ်ခမ်းပေါ်မှာ ဘက်တီးရီးယား ပိုးမွှားတွေဖြစ်ပေါ်စေပြီး ဝက်ခြံတွေ ဖြစ်စေပါတယ်။
စိတ်ဖိစီးမှုများခြင်း
စိတ်ဖိစီးမှုများခြင်းက နှုတ်ခမ်းပေါ်မှာ ဝက်ခြံပေါက်တာတွေ အပါအဝင် ဝက်ခြံတွေ ဖြစ်ပေါ်စေပါတယ်။
တစ်ကိုယ်ရည် သန့်ရှင်းရေး
အဆီများတဲ့ အစားအစာတွေကို စားပြီးနောက် ပါးစပ်နဲ့ နှုတ်ခမ်းကို သေချာ မဆေးကြောလျှင် ဆီတွေက ချွေးပေါက်တွေထဲဝင်ပြီး ဝက်ခြံဖြစ်စေပါတယ်။
လိင်ဆက်ဆံရာမှ ကူးတဲ့ ရောဂါများ
လိင်ဆက်ဆံရာမှ ကူးတဲ့ ရောဂါတချို့က နှုတ်ခမ်း တစ်ဝှက်မှာ ရေယုန်တွေ ပေါက်လေ့ရှိပြီး အဲ့ဒီ အဖုအပိတ်တွေကလည်း နာကျင်လေ့ရှိပါတယ်။
