မလှချင်တဲ့သူဆိုတာမရှိပါဘူး။ လှတယ်ဆိုတာ မိတ်ကပ်လိမ်းပြီးလှတာထက် သဘာဝအသားအရေလေး ကြည်ပြီးလှနေဖို့လိုပါတယ်။ ဒါမှ ဘာလိမ်းလိမ်းအဆင်ပြေသလို သင့်ကိုယ်သင်လည်း ယုံကြည်မှုအပြည့်ရှိစေမှာဖြစ်ပါတယ်။
၁။ ၄-၂-၄ နည်းလမ်းကို ကျင့်သုံးပါ
မျက်နှာသစ်တဲ့အခါ အရင်ဆုံး မျက်နှာပေါ်မှာ အဆီတမျိုးမျိုးကို ဥပမာ အုန်းဆီကို လိမ်းပေးပြီး ၄ မိနစ်လောက် ပွတ်ပေးပါ။ ပြီးရင် ၂ မိနစ်လောက် မျက်နှာသစ်ဆေးနဲ့ ပွတ်ပေးပါ။ အဲဒီနောက် ၄ မိနစ်လောက် အချိန်ယူပြီး မျက်နှာကို ရေနဲ့ ဆေးချလိုက်ပါ။
၂။ တစ်ပတ်ကို တစ်ခါ မျက်နှာပေါင်းတင်သင့်ပါတယ်။
မျက်နှာကို တစ်ပတ်တစ်ခါလောက် အနည်းဆုံး ပေါင်းတင်သင့်ပါတယ်။ သဘာဝအတိုင်း ပေါင်းတင်တာပဲဖြစ်ဖြစ် ပေါင်းတင်ခရင်မ်ဝယ်ပြီး ပေါင်းတင်တာပဲဖြစ်ဖြစ် လုပ်ပေးနိုင်ပါတယ်။
၃။ နေရောင်ခြည်ဒဏ်ကနေ အသားအရေကို ကာကွယ်ရအောင်
မျက်နှာကို နေရောင်ထိတွေ့မှု အသားအရေကို နေလောင်ခြင်းကနေ ကာကွယ်သင့်ပါတယ်။ နေပူထဲမှာ ဦးထုပ်ဆောင်းတာ မျက်မှန်တပ်တာမျိုး လုပ်ပေးသင့်ပါတယ်။ SPF ပါဝင်တဲ့ ခရင်မ်လိမ်းပေးပါ။
၄။ ဆန်ဆေးရည်သုံးမယ်
ဆန်ဆေးရည်နဲ့ သင့်အသားအရေကိုဖြစ်စေ ဆံကေသာအတွက်ဖြစ်စေ အသုံးပြုနိုင်ပါတယ်။ သင့်မျက်နှာကို ဆန်ဆေးရည်နဲ့ ပုံမှန်မျက်နှာသစ်ပေးခြင်းပြီး အသားအရေကို နူးညံ့ချောမွတ်စေမှာဖြစ်ပြီး အသားအရေကိုလည်း ဖြူဝင်းလာစေမှာပါ။ ဆံကေသာကိုလည်း နက်မှောင်သန်စွမ်းစေပါတယ်။
၅။ အသားအရေကို ချေးချွတ်ပေးပါ
သင့်တစ်ကိုယ်လံးကို တစ်ပတ် ၁ ခါ ၊ ၂ ပတ် ၁ ခါလောက်တော့ ချေးချွတ်ပေးသင့်ပါတယ်။ သကြားနဲ့ ဒိန်ချဉ် (သို့) သကြားနဲ့ ပျားရည်ရောပြီး ရေမချိုးခင် တကိုယ်လုံးအနှံ့ကိုလိမ်းပေးထားပါ။ ပြီးရင် ၅ မိနစ်လောက်ထားပြီး ရေဆေးချလိုက်ပါ။ ပြီရင် ခရမ်းချဉ်သီးကို အရည်ညှစ်ပြီး မျက်နှာကို ဖြစ်စေ တကိုယ်လုံးက အသားအရေကိုဖြစ်စေ ပွတ်တိုက်ပေးပါ။ ပြီးရင် ခဏထားပြီး ရေဆေးချပါ။
၆။ အဆီသုံးပါ
အုန်းဆီ၊ ထောပတ်ဆီကို အသားအရေအလှအတွက် အသုံးပြုနိုင်ပါတယ်။ သံလွင်ဆီလည်းရပါတယ်။ ဒါပေမယ့် အဆီပြန်တဲ့သူတွေကတော့ အဆီမသုံးပါနဲ့။
