အသားအရေညီညာပြီး စိုပြေစေဖို့က ကြီးမားတဲ့ စိန်ခေါ်မှုတစ်ရပ်ပါပဲ။ ဓါတုပစ္စည်းတွေမသုံးဘဲ သဘာဝပစ္စည်းတွေနဲ့ လုပ်လို့ရမယ်ဆိုရင် လူတိုင်းလည်း လုပ်ချင်ကြမယ်လို့ မျှော်လင့်ပါတယ်။
ပါဝင်ပစ္စည်း
ပြောင်းဖူးကော်မှုန့် (Cornflour) စားပွဲတင်ဇွန်း ၂ ဇွန်း
လိမ္မော်ရည် လက်ဖက်ရည်ဇွန်း ၃ ဇွန်း
ပျားရည် လက်ဖက်ရည်ဇွန်း ၂ ဇွန်း
သံပုယိုသီး တစ်ခြမ်း (သို့) သံပုရာသီး တစ်ခြမ်း
လက်ချောင်းခြေချောင်းလေးတွေကိုပါ လုပ်ချင်ရင်။ ပါဝင်ပစ္စည်းတွေကို ၂ ဆလုပ်ပါ။
ပြုလုပ်နည်း
ပါဝင်ပစ္စည်းအားလုံးကိုရောပြီး သေချာမွှေလိုက်ပါ။ ရလာတဲ့ အနှစ်က အရမ်းအရေကြဲနေရင် ပြောင်းဖူးကော်မှုန့် နည်းနည်းထပ်ထည့်ပါ။ ပျစ်ပျစ်လေး ဖြစ်အောင်ဖျော်ရမှာဖြစ်ပါတယ်။
ပြီးရင်တော့ Make-up Brush အသန့်တစ်ခုနှစ်ပြီး မျက်နှာ နဲ့ လက်ချောင်းခြေချောင်းလေးတွေကို လိမ်းပေးပါ။ ၂ မိနစ်လောက်ထားပါ။ ပြီးရင် ကျန်တဲ့ အနှစ်တွေကို ကုန်အောင်ထပ်လိမ်းပြီး မိနစ် ၂၀ လောက်ထားပါ။
အဲဒီနောက် ဝါဂွမ်းစကို ရေအေးထဲ နစ်ပြီး စောစောကလိမ်းထားတဲ့အနှစ်တွေကို သုတ်ပေးပါ။ ပြီးရင်ရေအေးနဲ့ ဆေးချပါ။
၃ ရက်ကို ၁ ကြိမ်လုပ်ပါ။ တစ်လတိတိလုပ်ပေးပါ။
