မင်္ဂလာပါနော်။ တချို့အသားအရေကို တစ်နေရာမှာ ဖြူလိုက် မည်းလိုက်ဖြစ်ပြီး မျက်နှာပေါ်မှာတောင် အသားအရေမညီတာမျိုးဖြစ်တတ်ပါတယ်။
ညိုရင်လည်း အားလုံးညိုတာညီနေမှ ကြည့်လို့လှတယ်၊ဖြူရင်လည်း အားလုံးဖြူနေမှ လှတယ်ဆိုတာ ပျိုမေတို့လည်း လက်ခံမယ်ထင်ပါတယ်။ အသားအရေမညီမညာဖြစ်နေတာကို ဖြေရှင်းပေးဖို့အတွက် နည်းလမ်းကောင်းတစ်ခုကို မျှေပေးမယ်နော်။
ခရမ်းချဉ်သီးနဲ့ သံပုရာသီး (သို့) သံပုယိုသီး
ခရမ်းချဉ်သီးမှာပါဝင်တဲ့ Antioxidant ကြောင့် ချွေးပေါက်ကျဉ်းစေပြီး အသားအရေကို ဖြူဝင်းစေဖို့အကူအညီပေးပါတယ်။
ခရမ်းချဉ်သီးအမှည့်ကို ဇွန်း ဒါမှမဟုတ် လက်ကိုသုံးပြီး အရည်ထွက်အောင်ညှစ်လိုက်ပါ။ ကြိတ်လိုက်လည်းရပါတယ်။
ပြီးရင် သံပုရာသီးကိုအရည်ညှစ်ပြီးထည့်ပါ။
အဲဒီနောက် မျက်နှာပေါ်မှာလိမ်းပေးပြီး ခြောက်အောင်ထားပါ။ (မိနစ် ၂၀ လောက်တော့ကြာပါလိမ့်မယ်။)
ပြီးရင် ရေအေးအေးနဲ့ မျက်နှာသစ်ပါ။ တစ်ပတ်ကို ၃ ကြိမ်လုပ်ပေးပါ။ ၁ လလောက်ဆိုရင် သိသာလာမှာဖြစ်ပါတယ်။
ခရမ်းချဉ်သီး
ခရမ်းချဉ်သီးအစိမ်းကိုပဲဖြစ်ဖြစ် အမှည့်ကိုပဲဖြစ်ဖြစ် ပါးပါးလှီးပြီး မျက်နှာပေါ်မှာကပ်ပေးနိုင်ပါတယ်။
ဒါမှမဟုတ်လည်း ကြိတ်ပြီး မျက်နှာပေါ်မှာလိမ်းပေးပါ။ ခြောက်အောင်ထားပြီးမျက်နှာ သစ်ပါ။အသားအရေစိုပြေပြီး ဖြူဝင်းစေမှာဖြစ်ပါတယ်။ တစ်ပတ်ကို ၃ ကြိမ်လုပ်နိုင်ပါတယ်။
သံပုရာသီး (သို့) သံပုယိုသီး
သံပုရာသီး (သို့) သံပုယိုသီးကို အရည်ညှစ်ပြီး မျက်နှာပေါ်မှာဒီအတိုင်းလိမ်းပေးလို့ရပါတယ်။ တစ်ပတ် ၁ ခါ ၂ ခါလောက်ပဲလုပ်ပါ။
