အများအားဖြင့် ပထမဆုံးရင်သွေးလေးကို အသက် ၂၀ အရွယ်ပတ်ဝန်းကျင်မှာ မွေးလေ့ရှိပါတယ်။ ဘာလို့လဲဆိုတော့ အသက် ၂၀ ဝန်းကျင်အရွယ်မှာ သင်ဟာ ပိုပြီးခံနိုင်ရည်ရှိတယ်လိ့ ယူဆထားလို့ပါ။ ဒါမှမဟုတ်ရင်လည်း ကလေးတစ်ယောက်ကို ပြုစုပျိုးထောင်ဖို့ အချိန်တွေအများကြီးလိုအပ်တယ်လို့ ခံယူထားကြတာလည်း ပါမယ်ထင်ပါတယ်။

သုတေသီတွေကတော့ မိခင်ဖြစ်သူ အသက် ၃၀ ကျော်ပတ်ဝန်းကျင်လောက်မှာ မွေးတဲ့ကလေးတွေက ပိုပြီး တော်ကြသလို ဉာဏ်ရည်ပိုထက်မြတ်တဲ့ ကလေးတွေ ရလာနိုင်တယ်လို့ ဆိုလိုက်ပါတယ်။

စာဖတ်သူတို့ မိသားစုဝင်ထဲကိုကြည့်ကြည့်ပါ။ အကြီးဆုံးကလေးတွေထက် အသက် ၃၀ ကျော်ကျော်မှာ မွေးထားတဲ့ အငယ်လေးတွေက ပိုပြီး လည်ကြတယ်။ ဉာဏ်ရည်ထက်မြတ်ကြတာကိုတွေ့ဖူးကြမှာပါ။ အများအားဖြင့်ပေါ့လေ။

ပတ်ဝန်းကျင်မှာကြည့်လိုက်ရင်လည်း အဲဒီသီအိုရီ လေ့လာတွေ့ရှိချက်ဟာ ဟုတ်မှန်တယ်လို့ ထောက်ခံပေးလျက်ရှိနေပါတယ်။

ဘာလို့ အသက် ၃၀ ကျော်ကျော် ၃၀ ဝန်းကျင်မှာ ကလေးမွေးပေးသင့်လဲဆိုရင် အဲဒီအသက်အရွယ်မှာဆို အမျိုးသမီးတွေဟာ ပိုပြီး ဘဝအကြောင်းနားလည်လာတယ်။ အိမ်ထောင်သက်လည်းနည်းနည်းရှိပြီ (သို့) အလုပ်လုပ်တာလည်း ကြာပြီဆိုတော့ ဝင်ငွေတေါပိုကောင်းလာတယ်။ အရင် အသက် ၂၀ ဝန်းကျင် အရွယ်ကထက်ပိုပြီး ကျန်းမာရေးကိုဂရုစိုက်လာကြတယ်။ ပိုပြီးရင့်ကျက်တည်ငြိမ်လာကြပါတယ်။

မိခင် (သို့) မိဘတွေကိုကြည့်ပြီး သူ့ကလေး ဘယ်လိုပုံမျိုးဖြစ်လာမယ်။ ဘယ်လိုအပြုအမူမျိုးတွေရှိလာမယ်ဆိုတာကို လူကြီးတွေက ကြိုပြီး သိနေတတ်ကြပါတယ်။

မွေးလာမယ့် ကလေးရဲ့ ဉာဏ်ရည်ဖွံ့ဖြိုးထက်မြတ်မှုဟာ မိဘတွေအပေါ် ရာနှုန်းပြည့်မူတည်ပါတယ်။ အိမ်ထောင်လည်းကျပြီ အနာဂတ်မိသားစုဘဝလေးအတွက် အစီစဉ်ဆွဲကြတဲ့အခါ ကလေးမွေးမယ့် အစီစဉ်လည်း ပါလာမှာပါနော်။ စာဖတ်သူတို့ကော ဘယ်အရွယ်လောက်မှာ ကလေးယူမယ် စဉ်းစားထားလဲ။