လေ့ကျင့်ခန်းလုပ်ခြင်းက ကျန်းမာတဲ့ ဦးနှောက်ကို ရရှိစေပါတယ်။ ဦးနှောက်ရဲ့ ဝေဖန်ပိုင်းခြားနိုင်စွမ်း၊ မှတ်ဉာဏ်တွေကို ကောင်းစေပြီး အာရုံကြောဆိုင်ရာ ရောဂါတွေကိုလည်း ကာကွယ်ပေးပါတယ်။
ဦးနှောက်က ကြွက်သားတွေလိုပါဘဲ နေ့စဉ်နဲ့အမျှ လှုပ်ရှားနေဖို့လိုအပ်ပါတယ်။
စိတ်ဖိစီးမှု၊ တူညီတဲ့ နေ့စဉ်လုပ်ငန်းဆောင်တာတွေ၊ စိတ်ညစ်မှုတွေက ဦးနှောက်ရဲ့ ဆက်သွယ်ဆောင်ရွက်မှုတွေကို အနှောင့်အယှက်ဖြစ်စေကာ ဦးနှောက်ကို ထိခိုက်စေပါတယ်။
ကျန်းမာတဲ့ ဦးနှောက်က အသစ်တွေနေ့စဉ်နဲ့အမျှ လေ့လာသင့်ယူနိုင်ပါတယ်။ ဦးနှောက်ကျန်းမာဖို့အတွက် စိတ်ပိုင်းဆိုင်ရာ အနှောင့်အယှက်ကင်းဖို့လည်းလိုအပ်သလို အောက်စီဂျင်နဲ့ အာဟာရမျှတစွာပါဝင်နိုင်ဖို့လည်း အရေးကြီးပါတယ်။
ဦးနှောက်ကျန်းမာဖို့အတွက် စိတ်ပိုင်းဆိုင်ရာ သက်တောင့်သက်သာ ရှိစေမယ့် အားကစားတွေ လုပ်ဆောင်သင့်
အမေရိကန်ပြည်ထောင်စု မှာရှိတဲ့ Illinois တက္ကသိုလ်က လေ့ကျင့်ခန်းတွေနဲ့ပတ်သက်ပြီး သုတေသနတစ်ခု လုပ်ဆောင်ခဲ့ပါတယ်။
နေ့စဉ် လေ့ကျင့်ခန်းလုပ်ဆောင်သူတွေက မလုပ်ဆောင်သူတွေထက် ဦးနှောက်ပိုကောင်းတယ်ဆိုတာ တွေ့ရှိခဲ့ရပါတယ်။
ဒါက ဦးနှောက်ပိုင်းဆိုင်ရာ ပြဿနာတွေဖြစ်တဲ့ အယ်ဇိုင်းမားရောဂါမျိုးကိုလည်း မဖြစ်ပွားအောင် ကူညီပေးနိုင်ပါတယ်။
အလေးချိန်နဲ့ လမ်းလျှောက်ခြင်း
တစ်နေ့ကို နာရီဝက်လောက် အလေးချိန်နဲ့ လမ်းလျှောက်သင့်ပါတယ်။ အဲ့ဒါကျမှ နှလုံးကအားကောင်းပြီး ဦးနှောက်ကို အောက်စီဂျင်များများရောက်နိုင်တာပါ။
လမ်းလျှောက်ခြင်းဖြင့် ခန္ဓာကိုယ်ထဲမှာရှိနေတဲ့ ဖိအားတွေ၊ စိတ်ဖိစီးမှုတွေကို လျော့ချနိုင်ပါတယ်။
ဦးနှောက်မှတ်ဉာဏ်၊ ကျိုးကြောင်းညီညီဆုံးဖြတ်နိုင်စွမ်းတွေ စဉ်းစားနိုင်စွမ်းတွေ တိုးတက်စေပါတယ်။
ကခုန်ခြင်း
Zumba အကသင်တန်း တက်နေပါသလား။ တက်နေတယ်ဆိုရင် ဆက်ပြီးတက်ပါနော်။
ကခုန်ခြင်းက ကြွက်သားတွေရော ဦးနှောက်ကြွက်သားတွေအတွက်ပါကျန်းမာစေပါတယ်။ ခန္ဓာကိုယ်နဲ့ ဦးနှောက်ဆက်သွယ်မှုတွေကို အားကောင်းစေပြီး ပျော်ရွှင်မှုကို ပိုရစေပါတယ်။
ရေထဲမှာလုပ်လို့ရတဲ့ လေ့ကျင့်ခန်းများ
ဥပမာ ရေကူးတဲ့လေ့ကျင့်ခန်းလိုမျိုးပါ။ ဒီလိုလေ့ကျင့်ခန်းတွေက ကယ်လိုရီတွေကို ပိုပြီး လောင်ကျွမ်းစေပြီး ကျန်းမာတဲ့ဦးနှောက်ရစေပါတယ်။
