အိုမင်းခြင်းကို ရှောင်လွှဲလို့မရနိုင်သော်လည်း ကြွက်သားဆုံးရှုံးမှုကိုတော့ အဲ့သလိုမဟုတ်ပါဘူး။ ကြွက်သားတွေကို ရိုးရှင်းတဲ့ နည်းလမ်းလေးတစ်ချို့နဲ့ ထိန်းသိမ်းကြရအောင်…
လူတွေဟာ အသက် ၄၀ ကျော်လာတဲ့အခါမှာ ဆယ်စုနှစ်တစ်ခုကို ဖြတ်သန်းတိုင်း သူတို့ရဲ့ ကြွက်သား ၈ ရာခိုင်နှုန်းအထိ ဆုံးရှုံးနိုင်တယ်ဆိုတာ သင်သိခဲ့ပါသလား။ ပြီးတော့ အသက် ၇၀ ကျော်လာတဲ့အခါမှာ ကျဆင်းမှုနှုန်းဟာ ၂ ဆဖြစ်နိုင်ပါတယ်။
အသက်ကြီးလာတဲ့အခါ ကြွက်သားထုထည်ဆုံးရှုံးပြီး အားနည်းလာတဲ့ Sarcopenia ရောဂါဟာ အသက် ၆၀ ကျော်လာတဲ့ လူ (၃) ဦးမှာ (၁) ဦးနီးပါး ခံစားနေရပါတယ်။ ကြွက်သားတွေဟာ နေ့စဉ် ကာယပိုင်းဆိုင်ရာ လုပ်ငန်းတာဝန်တွေဖြစ်တဲ့ ပစ္စည်းတွေ ကောက်ယူတာ၊ တစ်ခုခုကို လှမ်းယူတာ၊ ဗူးဖွင့်တာ၊ ထိုင်ခုံကနေ အထိုင်အထပြုလုပ်တာ စတာတွေသာမက ကျန်းမာတဲ့ ကြွက်သားတွေဟာ ကိုယ်အင်္ဂါ လုပ်ငန်းတာဝန်၊ အရေပြားကျန်းမာရေး၊ ရောဂါမှ ကာကွယ်ထားခြင်းနဲ့ သင့်ရဲ့ဇီဝရုပ်ဖြစ်ပျက်မှုအတွက်ပါ မရှိမဖြစ် အရေးကြီးလှပါတယ်။ တစ်နည်းပြောရရင်တော့ သင့်အသက်အရွယ်မှာ ကြွက်သားထုထည်ထိန်းသိမ်းခြင်းဟာ ပျော်ရွှင်ပြီး ကျန်းမာတဲ့ဘဝတစ်ခုကို ရှည်ကြာစွာနေထိုင်နိုင်ဖို့အတွက် မရှိမဖြစ်ပါပဲဖြစ်ပါတယ်။
Abbott ကုမ္မဏီနဲ့ကြွက်သားကျန်းမာရေးကို အထူးသုတေသနပြုလုပ်ထားသူ Suzette Pereira (Ph.D) မှ “ကြွက်သားဆုံးရှုံးမှုဟာ ကြုံတောင့်ကြုံခဲပြောဆိုကြတဲ့ အိုမင်းခြင်းအချက်ဖြစ်ပါတယ်။ အိုမင်းခြင်းရဲ့ သဘာဝအပိုင်းတစ်ခုအဖြစ် လူတွေက ခွန်အားနဲ့ စွမ်းအင်ဆုံးရှုံးမှုစတဲ့ အိုမင်းခြင်းအကြောင်း၏ လက္ခဏာတွေပါလို့ လက်ခံထားကြပါတယ်။ သို့သော်လည်း ကြွက်သားကျန်းမာရေးဟာ ကျွနု်ပ်တို့ ဘယ်လိုအိုမင်းလာကြမယ်၊ တက်တက်ကြွကြွနေမယ်၊ အမှီအခိုကင်းကင်းနေကြမ်ဆိုတာတွေနဲ့ ကျွနု်ပ်တို့ဟာ မကြာခဏ ဆက်စပ်နေနိုင်ပါတယ်” လို့ရှင်းလင်းထားပါတယ်။
သတင်းကောင်းတစ်ခုကတော့ ဘယ်လိုကြွက်သားဆုံးရှုံးမကိုမဆို ကာကွယ်ဖို့ ဒါမှမဟုတ် နှေးကွေးစေအောင်လို့ သင်ကူညီနိုင်မယ့် မှန်ကန်တဲ့ အဆင့်များရှိနေပါပြီ။ အိုမင်းခြင်းဟာ သဘာဝဖြစ်သော်လည်း ကြွက်သားဆုံးရှုံးမှုဟာ ဖြစ်တတ်တဲ့ သဘောမဖြစ်သင့်ပါဘူး။
သင့်အသက်အရွယ်မှာ သန်မာစွာ နေနိုင်ဖို့နဲ့ နောင်လာမယ့်နှစ်တွေအတွက် ကြွက်သားတွေကို ကျန်းမာအောင်ထိန်းသိမ်းဖို့ အောက်မှာဖော်ပြထားတဲ့ အကြံပေးချက်များနဲ့ စတင်လိုက်ရအောင်..
၁။ ကြွက်သားတွေနဲ့ ခွန်အားကို ထိန်းပေးနိုင်မယ့် သက်လုံကောင်းစေတဲ့ ပုံမှန်လေ့ကျင့်ခန်းတွေ ပြုလုပ်ပါ။
၂။ အဆီနည်းသော အသားများ၊ ကြက်ဥနဲ့ ပဲတို့မှရသော ကောင်းမွန်တဲ့ ပရိုတင်းအရင်းအမြစ်ကို စားသုံးပါ။ အစားအသောက်တိုင်းမှာ ပရိုတင်း ၂၅-၃၀ ဂရမ် ကိုရရှိစေမှာပါ။
၃။ အသီးအရွက်များ၊ အသီးအနှံများ၊ အစေ့အဆံများ၊ ပရိုတင်းများ၊ ကျန်းမာသော အဆီများ၊ ကယ်လ်စီယမ်နဲ့ ဗီတာမင်ဒီ ကဲ့သို့သော အဓိက ဗီတာမင်နဲ့ သတ္တုဓာတ်တို့ပါဝင်တဲ့ မ ျှတသော အစားအစာကို ရွေးချယ်ပါ။
၄။ HMB ကဲ့သို့သော အခြားကြွက်သားကျန်းမာစေမယ့် ပါဝင်ပစ္စည်းများကို သုံးစွဲဖို့ စဉ်းစားပါ။
၅။ အထူးသဖြင့် သင်နေမကောင်းတဲ့အခါ၊ ဆေးရုံတက်ရတဲ့အခါ (ဒါမှမဟုတ်) ခွဲစိတ်ပြီးလို့ ပြန်လည်နလန်ထတဲ့အချိန်မှာ နေမကောင်းခြင်းနဲ့ ဆက်စပ်တဲ့ ကြွက်သားဆုံးရှုံးမှုကို ထိန်းချုပ်နိုင်ဖို့ အာဟာရနဲ့ပတ်သက်ပြီး သင့်ရဲ့ ကျန်းမာရေး စောင့်ရှောက်သူနဲ့ ဆွေးနွေးပါ။
