ရာသီအကူးအပြောင်းကာလတွေမှာဆိုရင် အအေးမိ နှာစေး ဖျားနှာခြင်းတွေဖြစ်တတ်ပါတယ်။ နွေကနေ မိုးအကူး၊ မိုးကနေ ဆောင်းအကူး ၊ ဆောင်းကနေ နွေအကူးတွေမှာ သင့်ကျန်းမာရေးကို ပိုပြီးဂရုစိုက်ဖို့လိုအပ်ပါတယ်။
ကိုယ်ခံအားနည်းတဲ့အခါ တခြားသူဆီကလည်း ရောဂါပိုးတွေ ကူးစက်လာနိုင်ပါတယ်။ အအေးမိ နှာစေး ဖျားနာခြင်းကို သက်သာစေမယ့် သဘာဝဆေးနည်းကို မျှဝေပေးချင်ပါတယ်။
ပျားရည်
ပျားရည်ဟာ ဘက်တီးရီးယားပိုးတွေကို သေစေနိုင်တဲ့ ဂုဏ်သတ္တိတွေပါဝင်ပြီး သင့်ကို ကိုယ်ခံအားကောင်းမွန်စေပါတယ်။ ပိုတက်ဆီယမ်နဲ့ မဂ္ဂနီဆီယမ်ဓာတ်တွေလည်းပါဝင်လို့ သင့်ခန္ဓာကိုယ်ရဲ့ Microorganism အတွက်ကောင်းမွန်ပါတယ်။
ရောင်ရမ်းမှုကို သက်သာစေတဲ့ ဂုဏ်သတ္တိတွေလည်းပါဝင်ပြီး ချောင်းဆိုးတာကိုသက်သာစေသလို လည်ပင်းနာတာကိုပါ သက်သာစေပါတယ်။
ဂျင်း
ဂျင်းကလည်း ရောင်ရမ်းမှုကိုသက်သာစေတဲ့ဂုဏ်သတ္တိပါဝင်ပြီး အအေးမိဖျားနာကို သက်သာစေပါတယ်။ ဘက်တီးရီးယားပိုးတွေကိုသေစေနိုင်ပါတယ်။ Antioxidant တွေပါဝင်လို့လည်း သင့်ခန္ဓာကိုယ်ကဆဲလ်တွေ ထိခိုက်ပျက်စီးခြင်းကနေ ကာကွယ်ပေးပါတယ်။
ဘယ်လိုလုပ်မလဲ
ဂျင်း အသေး ၁ ခု
ပျားရည် တစ်ခွက်
ပြင်ဆင်ခြင်း
ဂျင်းကို အခွံနွှာပြီး အတုံးသေးသေးလေးတွေ လှီးလိုက်ပါ။ ပြီးရင် အဖုံးပါတဲ့ ဘူး (သို့) ခွက်ထဲထည့်လိုက်ပြီး ပျားရည် တစ်ခွက် ထည့်ပါ။ အဲဒီနောက် နည်းနည်းအေးပြီး မှောင်တဲ့နေရာမှာ ၄၈ နာရီထားပါ။ ၄၈ နာရီပြည့်ရင် သောက်လို့ရပါပြီ။
တစ်ရက်ကို တစ်ခါသောက် စားပွဲတင်ဇွန်း ၁ ဇွန်းနဲ့ (၃) ကြိမ် (သို့) ၄ ကြိမ်သောက်နိုင်ပါတယ်။
ကိုယ်ခံအားစနစ်ကောင်းမွန်စေဖို့ဆိုရင် နေ့တိုင်း မနက်စာမစားခင် စားပွဲတင်ဇွန်း ၁ ဇွန်းသောက်ပေးပါ။
ရေနွေးနဲ့ရောပြီး သံပုယိုရည်အနည်းငယ်ထည့်ပြီးတော့လည်း သောက်သုံးနိုင်ပါတယ်။
အအေးမိဖျားနှာခြင်းကို သက်သာပျောက်ကင်းစေမှာပါ။
