ဝါညစ်နေတဲ့ သွားတွေကို အရင်လိုဖြူဖွေးလာစေဖို့အတွက် နှစ်မိနစ်ပဲအချိန်ပေးရအောင်

အချိန်ကြာလာတာနဲ့အမျှ သွားတွေအဝါရောင်ပြောင်းလာခြင်းက သဘာဝဖြစ်ပြီး ခံတွင်းသန့်ရှင်းမှုမရှိတာလို့ကြောင့်တော့ အမြဲတမ်းပြောနေလို့မရပါဘူး။ အချိုဓာတ်နှင့် အချဉ်ဓာတ်ရှိတဲ့ အစားအစာတွေက သွားတွေကို ဝါထေးလာစေနိုင်ပြီး ဆေးလိပ်သောက်ခြင်း၊ ကော်ဖီအများကြီးသောက်ခြင်းတို့ကလည်း သင့်ရဲ့အပြုံးလေးတွေကို အရောင်မှေးမှိန်သွားစေနိုင်ပါတယ်။

ဒါကြောင့် လူအများကြား သွားလာရတဲ့အခါမှာ ရှက်ရွံ့နေခြင်းမျိုးမဖြစ်ရအောင် နှစ်မိနစ်အချိန်ပေးရုံနဲ့ သွားလေးတွေဖြူဖွေးလာစေဖို့ နည်းလမ်းကောင်းလေးတွေကို ဖော်ပြပေးလိုက်ရပါတယ်။

နည်းလမ်း (၁) – မုန့်ဖုတ်ဆိုဒါ

ကြမ်းတမ်းတဲ့အထိအတွေ့ရှိတဲ့ မုန့်ဖုတ်ဆိုဒါက သွားအတွင်းအညစ်အကြေးတွေ စုပုံလာတာကို သန့်ရှင်းပေးနိုင်ပြီး သွားကြွေရည်ပေါ်မှ အစွန်းအထင်းတွေကို ဖယ်ရှားပေးပါတယ်။

မုန့်ဖုတ်ဆိုဒါနှင့် သံပုယိုရည်

မုန့်ဖုတ်ဆိုဒါအနည်းငယ်ထည့်ထားသည့် ပန်းကန်လုံးထဲကို သံပုယိုသီးတခြမ်း အရည်ညှစ်ထည့်ပါ။ ရောသမအောင် မွှေပြီးရင် အမြှုပ်ထွက်တာငြိမ်အောင်ထားလိုက်ပါ။ ရလာတဲ့အနှစ်ကို သွားတိုက်တံပေါ်တင်ပြီး သွားတစ်ခုလုံးနှံ့အောင် ဖြည်းဖြည်းချင်းပွတ်ပေးပါ။ ၁ မိနစ်ထားပြီးရင် ပါးစပ်သေချာကျင်းလိုက်ပါ။ ရလဒ်ကောင်းတွေအတွက် တပတ်လျှင် တစ်ကြိမ်ကို တစ်လပြုလုပ်ပေးပါ။

မုန့်ဖုတ်ဆိုဒါနှင့် ပန်းသီးရှာလကာရည်

ပန်းကန်လုံးထဲတွင် မုန့်ဖုတ်ဆိုဒါနှင့် ပန်းသီးရှာလကာရည်တို့ကို နှံ့အောင်မွှေပေးပြီး သွားကိုဖြည်းဖြည်းချင်းတိုက်ပေးကာ သေချာပလုတ်ကျင်းပစ်ပါ။ တပတ်လျှင် တစ်ကြိမ်ကို စိတ်ရှည်ရှည်နှင့် တစ်လ သို့မဟုတ် နှစ်လလုပ်ပေးဖို့လိုအပ်ပါတယ်။

နည်းလမ်း (၂) ငှက်ပျောခွံ