အသက်ကြီးလာတာနဲ့အမျှ အဆစ်အမြစ်များ နာကျင်ခြင်း၊ ကိုက်ခဲခြင်း တို့ကို ခံစားရလာတတ်ပါတယ်။ အဆစ်အမြစ်ကိုက်ခဲတာနဲ့ပတ်သတ်ပြီး ထိပ်တန်းမှားယွင်နေတဲ့ ယုံကြည်ချက်တစ်ခုက လေ့ကျင့်ခန်း မလုပ်ရဘူးလို့ ထင်နေကြတာပါ။
ပုံမှန်လေ့ကျင့်ခန်းလုပ်တာက ခန္ဓာကိုယ်ရဲ့ ယန္တရားတွေကို အားကောင်းစေတာကြောင့် အဆစ်အမြစ်နာကျင်တာတွေ သက်သာဖို့ ကိုယ်လက်လှုပ်ရှားမှုတွေ မရှိမဖြစ်လိုအပ်ပါတယ်။ လှုပ်ရှားမှုက ရုပ်ပိုင်းဆိုင်ရာ ပြောင်းလဲမှုတွေကို ဖြစ်ပေါ်စေပြီး လေ့ကျင့်ခန်းလုပ်တာက အဆစ်တစ်ဝိုက်နားမှာရှိတဲ့ ကြွက်သားများနဲ့ တစ်ရှူးတွေကို အားကောင်းစေပါတယ်။
Chair Squats
ခြေထောက်နှစ်ချောင်းကိုခွာထားပြီး ကုလားထိုင်အစွန်းမှာ ဖြည်းဖြည်းချင် ထိုင်လိုက်ပါ ။ လက်နှစ်ဘက်ကိုရှေ့ကို ဆန့်ထုတ်ပြီး ဖြည်းဖြည်းချင်းထိုင်လိုက်ပါ။ ထိုင်တဲ့အခါ ဒူးတွေကို ခွာထားပြီး ကျောရိုးကိုဖြောင့်နေအောင် ဆန့်ထားပါ။ ပြီးရင် ပြန်ထလိုက်ပါ။ အထိုင်အထ 10 ကြိမ်ပြန်လုပ်ပါ။
Shallow Lunges
ခြေဖဝါးနှစ်ခုကို အကွာအဝေးခြားပြီး ရပ်လိုက်ပါ။ ညာဘက်ခြေထောက်ကို အရှေ့ သုံးပေခန့် လှမ်းလိုက်ပါ။ ခန္ဓာကိုယ်ကို မတ်မတ်ထားပြီး ဒူးနှစ်ဖက်ကို ကွေးလိုက်ပါ။ အဆင်ပြေသလောက်သာ ကွေးပါ။ ပြီးရင် ပြန်ထလိုက်ပါ။ တစ်ဖက်စီကို 10 ကြိမ်ပြန်လုပ်ပါ။
Heel Raises
ဟန်ချက်ညီအောင် ကုလားထိုင်အမှီကို ကိုင်ထားပြီး ခြေဖဝါးနှစ်ဖက်ကို အကွာအဝေးခြား ဒူးကို ဖြောင့်အောင်ထားပြီး ရပ်လိုက်ပါ။ ပြီးရင် ကိုယ်အလေးချိန်ကို ခြေဖဝါးပေါ် ရွှေ့ပြီး ခြေဖျားထောက်လိုက်ပါ။ 10 ကြိမ်ပြန်လုပ်ပါ။
Bridges
ကြမ်းပြင်ပေါ် ပက်လက်လှန် ဒူးထောင်ပြီး လှဲလိုက်ပါ။ အသက်ရှုသွင်းပါ။ အသက်ရှုသွင်းပြီးတာနဲ့ တင်ပါးကို ဖြည်းဖြည်းချင်း ကြွပါ။ ဒူး ၊ တင်ပါးနဲ့ ပခုံးများ တဖြောင့်တည်းဖြစ်ပါစေ။ ပြီးရင် တင်ပါးကို ဖြည်းဖြည်းချင်း ပြန်ချပါ။ ငါးကြိမ်မှ 10 ကြိမ်ပြန်လုပ်ပါ။
