Vaseline ဆိုတာတော့ လူတိုင်းသိပြီးသားဖြစ်မှာပါ။ အလှအပရေးရာအတွက်တင်မကပဲ ဘက်စုံအသုံးဝင်တဲ့အရာတစ်ခုပါ။ ဒါ့အပြင် ခြေဖနောင့်ကွဲလို့စိတ်ညစ်နေတဲ့သူတွေအတွက်လည်း Vaseline က ကူညီပေးနိုင်ပါတယ်။ ခြေဖနောင့်ကွဲတာတွေက အရမ်းကြည့်ရဆိုးစေပါတယ်။ ပျောက်အောင်လုပ်လို့ရတဲ့ သဘာဝနည်းလမ်းတွေလည်း အများကြီးရှိနေတာဆိုတော့ မလုပ်ပဲမနေပါနဲ့။ စမ်းလုပ်ကြည့်ပါ။ ဒီလိုခြေဖနောင့်ကွဲတာကို သက်သာစေမယ့် အိမ်တွင်းဖြစ်သဘာဝနည်းလမ်းတွေ အများကြီးထဲကမှ Vaseline နဲ့ကုသနည်းလေးကို ပြောပြပေးလိုက်ပါတယ်။
လုပ်ရမယ့်ပုံစံကတော့ ညအိပ်ခါနီးမှာ ခြေဖနောင့်နဲ့ ခြေဖဝါးကို ရေနွေးနဲ့ မိနစ် ၂၀ လောက် အရင်စိမ်ထားပေးရပါမယ်။ အချိန်ပြည့်ရင်တော့ ခြေထောက်ကို ရေပြောင်သွားအောင် အဝတ်တစ်ခုနဲ့ အသာလေးသုတ်ပေးရပါမယ်။
ခွက်တစ်ခုထဲကို သံပုရာရည် (သို့) သံပယိုရည် – ၃ စက်လောက်ထည့်ပြီး Vaseline – လက်ဖက်ရည်ဇွန်း ၁ ဇွန်းထည့်ကာ မွှေပေးပါ။ ပြီးရင်တော့ ခြေဖနောင့်ကွဲနေတဲ့နေရာတွေမှာ ပွတ်လိမ်းပေးရပါမယ်။ သေချာပွတ်လိမ်းပြီးပြီဆိုရင်တော့ ခြေအိတ်ဝတ်ပြီး ညအိပ်လို့ရပါပြီ။
မနက်မိုးလင်းတာနဲ့ ခြေအိတ်ချွတ်ပြီး ရေနွေးနဲ့ခြေထောက်ကိုဆေးပေးပါ။ ဒီနည်းလမ်းအတိုင်း တစ်ရက်ခြားတစ်ခါလောက်လုပ်ပေးမယ်ဆိုရင်တော့ ၃ ကြိမ်လောက်လုပ်ပြီးတာနဲ့ သိသိသာသာကို ခြေဖနောင့်ကွဲတာတွေ သက်သာပြီး လှပတဲ့ခြေထောက်လေးကို ရရှိလာမှာပါ။
Photo Source: www.brightside.me
