သွေးအတွင်းတွေ့ရှိရတဲ့ အဆီအစိုင်အခဲကို ကိုလက်စထရောဟုခေါ်ပြီး ကိုယ်ခန္ဓာအတွက် အတိုင်းအတာတစ်ခုအထိ ကောင်းမွန်လိုအပ်ပါတယ်။ သို့သော်လည်း အင်မတန်လွန်ကဲလာပြီဆိုလျှင်တော့ ကျန်းမာရေးကို ဆိုးကျိုးတွေသက်ရောက်လာစေနိုင်ပါတယ်။

ဒါကြောင့် မိမိကိုယ်ခန္ဓာကို မကောင်းကျိုးမဖြစ်စေဘဲ ကောင်းကျိုးတွေသာပေးစွမ်းနိုင်မယ့် ကိုလက်စထရောအတွက် သောက်သုံးနိုင်မယ့်ဖျော်ရည်လေးကို တင်ဆက်ပေးလိုက်ရပါတယ်။

ပါဝင်ပစ္စည်းများ

နိုကိုဥ – ၁ လုံး

ဒေါက်ခွရွက် – ပန်းကန်လုံးတစ်လုံးခန့်

လက်ဖက်ရည်ကြမ်း (ကျိုပြီးသား) – ၁ ခွက်

အစိမ်းရောင်ပန်းသီး – ၁ လုံး

လိမ္မော်သီး – ၁ လုံး

ဂျင်း – ၁ ဒက်

Flaxseed အမှုန့် – လက်ဖက်ရည်ဇွန်း ၁ ဇွန်း

ပန်းသီးရှာလကာရည် – လက်ဖက်ရည်ဇွန်း ၁ ဇွန်း

ပျားရည် – လက်ဖက်ရည်ဇွန်း ၁ ဇွန်း

ပြင်ဆင်ပုံအဆင့်ဆင့်

၁။ ဒေါက်ခွရွက်များကို ကြိတ်စက်ထဲထည့်ပါ။

၂။ လှီးထားသည့် နိုကိုဥများကိုလည်း ထည့်သွင်းပါ။

၃။ လက်ဖက်ရည်ကြမ်းပေါင်းထည့်ပါ။

၄။ ပျစ်လာသည်အထိ ထည့်မွှေပါ။

၅။ ပြီးလျှင် ဂျင်း ၁ ဒက်ကိုလည်း ထည့်ပေးပါ။

၆။ အစိမ်းရောင်ပန်းသီးကိုလည်း အစိတ်စိတ်လေးတွေလှီးပေးပြီး ထည့်သွင်းပါ။

၇။ အစေ့ထုတ်ထားသည့် လိမ္မော်သီးအမြွှာလေးများကိုလည်း ထည့်ပေးပါ။

၈။ လက်ဖက်ရည်ဇွန်း ၁ ဇွန်းခန့် flaxseed အမှုန့်ကိုလည်း ရောထည့်ပါ။

၉။ ပျားရည်လက်ဖက်ရည်ဇွန်း ၁ ဇွန်းကိုလည်း ရောစပ်ပါ။

၁၀။ စစ်မထုတ်ရသေးသည့် ပန်းသီးရှာလကာရည် လက်ဖက်ရည်ဇွန်းတစ်ဇွန်းကိုလည်း လောင်းထည့်ပါ။

၁၁။ ပျစ်နှစ်လာသည်အထိ နောက်ထပ်တစ်ကြိမ်ကြိတ်ပေးပါ။

အားလုံးပြီးသွားပြီဆိုရင်တော့ အရသာရှိရှိသောက်သုံးနိုင်ပြီဖြစ်ပါတယ်။ တစ်နေ့လျှင် နှစ်ကြိမ်သောက်သုံးပေးနိုင်ပြီး ကျန်ရှိနေသေးသည့် ပမာဏကိုရေခဲသေတ္တာအတွင်းထည့်သိမ်းပြီး ရက်အနည်းငယ်အတွင်း သောက်သုံးပေးပါ။

Credits : Health and Beauty Archives – Fab How