ရှာလကာရည်ဆိုတာ အသီးတွေကနေ အချိန်ကြာမြင့်စွာ အချဉ်ဖောက်ပြီးပြုလုပ်ထားတာကြောင့် ခန္ဓာကိုယ်အတွက် အသုံးဝင်တဲ့ အာဟာရတွေနဲ့ Antioxidants များစွာပါဝင်ပါတယ်။
ပန်းသီးရှာလကာရည် စားပွဲတင်ဇွန်း ၁ဇွန်းကို ဒီအတိုင်းသောက်ပေးသင့်ပါတယ်။ အကယ်၍ ပြင်းလို့ မသောက်နိုင်ရင် ရေတစ်ခွက်နဲ့ရောပြီးသောက်ပေးသင့်ပါတယ်။
အစာခြေစနစ်ကို အားကောင်းစေ
ပန်းသီးရှာလကာရည် စားပွဲတင်၁ဇွန်းသောက်ရင် အစာခြေစနစ်ကိုကောင်းစေပြီး ဗိုက်ပွ၊လေပွတာနဲ့ အချဉ်ဓာတ်တွေ အပေါ်ဆန်တက်ခြင်း (Heart Burn) ကိုလည်း သက်သာစေပါတယ်။
ဆီးချိုသမားတွေအတွက်ကောင်း
ပန်းသီးရှာလကာရည်ကို စားပွဲတင်ဇွန်း ၁ ဇွန်းစာစားပေးရင် ရှာလကာရည်ထဲမှာပါဝင်တဲ့ Acetic အက်ဆစ်ဓာတ်တွေက သွေးအတွင်း သကြားဓာတ်ကို လျှော့ချပေးပါတယ်။
ကာဗိုဟိုက်ဒရိုတ်စုစေတဲ့ အင်ဇိုင်းတွေလျှော့စေပြီး သွေးအတွင်း ကလူးကို့စ်ဓာတ်တွေစုပုံလာတာကို ကာကွယ်ပေးပါတယ်။
နှလုံးနဲ့ပတ်သက်တဲ့ရောဂါတွေ ကာကွယ်ပေး
ပန်းသီး ရှာလကာရည်မှာ Chlorogenic အက်ဆစ်ဓာတ်တွေပါဝင်တာကြောင့် သွေးအတွင်းမကောင်းတဲ့ ကိုလက်စထရောဓာတ်ကို လျှော့ချပေးပါတယ်။
သွေးအတွင်းကိုလက်ထစရောဓာတ်တွေမြင့်မားနေရင် နေ့စဉ် ပန်းသီးရှာလကာရည် ၁ ဇွန်းကို စားပေးသင့်ပါတယ်။
ကျောက်ကပ်ကို သန့်စင်ပေး
ကျောက်ကပ်မှာ ပိုးဝင်တာတို့ ကျောက်ကပ်မှာ ကျောက်တည်တာတို့ဖြစ်နေရင် ပန်းသီးရှာလကာရည် စားပွဲတင်ဇွန်း ၁ ဇွန်းကို စားပေးသင့်ပါတယ်။ ဒါပေမယ့် တတ်ကျွမ်းတဲ့ဆရာဝန်ကို ပြသသင့်ပါတယ်။
နှာစေးနှာခေါင်းပိတ်တာ သက်သာ
ပန်းသီးရှာလကာရည်မှာ ဘက်တီးရီးယား ပိုးမွှားတွေ မဝင်အောင် လုပ်ဆောင်ပေးပါတယ်။ နှာခေါင်းထဲက အကျိအချွဲတွေကိုလည်း လျော့ပါးအောင် ကူညီပေးပါတယ်။ လည်ပင်းနာတာ၊ အားသီးရောင်တာတို့ကိုလည်း ပျောက်ကင်းနိုင်ပါတယ်။
ကိုယ်အလေးချိန် လျှော့ချပေး
ပန်းသီးရှာလကာရည်မှာ ဗီတာမင် B6 နဲ့ Lecithin ဓာတ်တွေပါဝင်တာကြောင့် ကိုယ်အလေးချိန် လျှော့ချပေးနိုင်ပါတယ်။
