သံပုရာသီးကတော့ အိမ်တိုင်းမှာ တွေ့ရလေ့ရှိတဲ့ အသီးတစ်မျိုးပါပဲ။ ကျန်းမာရေးအတွက် အလှအပအတွက် နည်းလမ်းအမျိုးမျိုးနဲ့ အသုံးပြုကြပါတယ်။ ဘာပဲဖြစ်ဖြစ် သံပုရာသီးက ကျန်းမာစေတဲ့ အစားအစာတစ်မျိုးဖြစ်လို့ ရောင်းအားအကောင်းဆုံး အသီးတစ်မျိုးလည်းဖြစ်ပါတယ်။
အဆစ်နာတာကို ကာကွယ်ပေးတယ်
Antioxidant တွေကြွယ်ဝစွာပါဝင်ပြီးတော့ ဘက်တီးရီးယားတွေကို ကာကွယ်ပေးနိုင်ပါတယ်။ ဗီတာမင် C လည်းကြွယ်ဝစွာပါဝင်ပါတယ်။ ဒါ့ကြောင့်လည်း ရောင်ရမ်းမှုကို ဖြစ်စေတဲ့ ဆဲလ်တွေကို သေစေနိုင်ပြီး ရောင်ရမ်းနာကျင်တာတွေကို သက်သာစေပါတယ်။
အအေးမိ ဖျားနာခြင်းကို သက်သာစေခြင်း
ဗီတာမင် C ပါဝင်လို့ အအေးမိဖျားနာတာတွေကိုသက်သာစေပါတယ်။ ဗီတာမင် C ကိုစားပေးတာဟာ အအေးမိဖျားနာတာကို ၅၀ %ထိလျှော့ချနိုင်ပါတယ်။
ကာလဝမ်းရောဂါကိုကာကွယ်ပေးခြင်း
ကာလဝမ်းရောဂါဖြစ်ပွားမှုကို ကာကွယ်ပေးနိုင်တဲ့ ဂုဏ်သတ္တိတွေပါဝင်ပါတယ်။ ဗီတာမင် A ပါဝင်ပြီး ဝမ်းရောဂါကိုသက်သာစေပါတယ်။
ကင်ဆာဆဲလ်တွေကို သေစေနိုင်ခြင်း
ကင်ဆာဆဲလ်တွေကို သေစေနိုင်တဲ့ ဂုဏ်သတ္တိတွေပါဝင်ပါတယ်။ အထူးသဖြင့် ခံတွင်းကင်ဆာဆဲလ်တွေကို သေစေနိုင်ပါတယ်။
