ကွန်ပြူတာအကြည့်များတဲ့သူတွေနဲ့ ဖုန်းအကြည့်များတဲ့သူတွေ၊ အာရုံစိုက်ပြီးအလုပ်လုပ်ရတဲ့သူတွေဟာ မျက်စိအားနည်းလာတတ်ပါတယ်။ လူတစ်ယောက်မှာ မျက်စိက အရမ်းကို အရေးကြီးတဲ့ အစိတ်အပိုင်းတစ်ခုပါ။ ဒါကြောင့် မျက်စိကျန်းမာရေးအတွက် လူတိုင်းလုပ်ပေးသင့်တဲ့ မျက်စိလေ့ကျင့်ခန်း (၈) မျိုးကို မျှဝေပေးလိုက်ပါတယ်။
ပစ္စည်းတစ်ခုကို မျက်လုံးနဲ့ ၁၀ လက်မအကွာအဝေးမှာထားပြီး ထိုင်ပြီးတော့ပဲဖြစ်ဖြစ်၊ မတ်တပ်ရပ်ပြီးတော့ပဲဖြစ်ဖြစ် ၁၀ စက္ကန့် (သို့) ၁၅ စက္ကန့် စိုက်ကြည့်ပေးပါ။ ပစ္စည်းတစ်ခုကို မျက်လုံးနဲ့ ၁၀ ပေ (သို့) ၂၀ ပေ အကွာအဝေးမှာထားပြီး ၁၀ စက္ကန့် (သို့) ၁၅ စက္ကန့် စိုက်ကြည့်ပေးပါ။ နောက်ဆုံးအနေနဲ့ အဝေးမှာရှိတဲ့ သစ်ပင်ကို ၁၀ စက္ကန့် (သို့) ၁၅ စက္ကန့်လောက် စိုက်ကြည့်ပေးပါ။
မျက်လုံးကို ထောင့်ကပ်ပြီး ပုံမှာပြထားတဲ့အတိုင်း ဘယ်ဘက်ကို ၅ စက္ကန့်၊ ညာဘက်ကို ၅ စက္ကန့် ကြည့်ပေးရပါမယ်။ ဒီလေ့ကျင့်ခန်းကိုတော့ ၅ ကြိမ်ပြုလုပ်ပေးပါ။
မျက်လုံးကို ပုံမှာပြထားတဲ့အတိုင်း အပေါ်ကြည့်လိုက်၊ အောက်ကြည့်လိုက်နဲ့ ၅ ကြိမ်ပြုလုပ်ပေးပါ။
မျက်လုံးကို ပုံမှာပြထားတဲ့အတိုင်း ထောင့်ကပ်ကြည့်ပြီး ဘယ်၊ ညာ ၅ ကြိမ်စီ ကြည့်ပေးရပါမယ်။
မျက်လုံးကို ပုံမှာပြထားတဲ့အတိုင်း အောက်ကနေစပြီး စက်ဝိုင်းပုံစံ မျက်ဆံကိုရွှေ့ကာ မျက်စိကစားပေးရပါမယ်။ ဒီလေ့ကျင့်ခန်းကိုတော့ ၁၀ ကြိမ်ပြုလုပ်ပေးရပါမယ်။
မျက်လုံးကို ဖြေးဖြေးချင်းစီ ပုတ်ခတ်ပုတ်ခတ်လုပ်ပေးရပါမယ်။ ဒီလေ့ကျင့်ခန်းကိုတော့ ၁၀ ကြိမ် (သို့) ၁၅ ကြိမ်ပြုလုပ်ပေးရပါမယ်။
လက်ဖဝါးနှစ်ဖက်ကို ပူသွားအောင် ပွတ်ပြီး မျက်လုံးနှစ်ဖက်မှာ ၅ မိနစ် ကပ်ပေးရပါမယ်။
ကွန်ပြူတာအမြဲကြည့်နေရတဲ့သူတွေအနေနဲ့ မျက်လုံးနဲ့ ပေ ၂၀ အကွာမှာရှိတဲ့ အစိမ်းရောင်သစ်ပင်တွေကို စက္ကန့်၂၀ လောက် ကြည့်ပေးရပါမယ်။ တစ်နေ့ကို မိနစ်နှစ်ဆယ်လောက် ကြည့်ကြည့်ပေးရပါမယ်။ နေ့တိုင်းကြည့်ပေးဖို့လည်း မမေ့ပါနဲ့။
Photo Source: www.brightside.me.com
