ကိုယ်ဝန်ဆောင်မိခင်များက မိမိကိုယ်တိုင်အတွက်ရော ဗိုက်ထဲက ကလေးလေးအတွက်ပါ နှစ်ဆပိုမိုစားသုံးပေးသင့်ပြီး ကျန်းမာရေးကိုလည်း ပိုဂရုစိုက်သင့်ပါတယ်။ ဒါမှ ကလေးရော မိခင်ပါ ကျန်းမာနေမှာပါ။
ဒါဆိုရင် ကိုယ်ဝန်ဆောင်ချိန်မှာ အခု ဖော်ပြပေးမဲ့ အခြေခံအချက် ၆ ချက်ကို လိုက်နာပေးဖို့လိုမယ်နော်။
၁။ မနက်စာ မမေ့ပါနဲ့
Photo Source: wwww.thebump.com
အရင်တုန်းကတော့ အချိန်မရလို့ မနက်စာ မစားဖြစ်ချိန်အချိန်တွေ ရှိမှာပေါ့နော်။ ဒါပေမဲ့ ကိုယ်ဝန်ဆောင်ချိန်မှာတော့ မနက်စာကို မဖြစ်မနေ စားသုံးသင့်ပါတယ်။ အာဟာရပြည့်ဝတဲ့အစားအစာများကို ရွေးချယ်စားသုံးသင့်ပါတယ်။
၂။ အမျှင်ဓာတ်ကြွယ်ဝသော အစားအစာများစားပါ
Photo Source: www.insajderi.com
မုန်လာဥနီ၊ ငှက်ပျောသီး၊ ဖရဲသီး စတဲ့ အမျှင်ဓာတ်ကြွယ်ဝသော သစ်သီးဝလံ၊ ဟင်းသီးဟင်းရွက်များကို စားသုံးပေးပါ။ ပဲတောင့်ရှည်၊ ပဲအမျိုးမျိုးနဲ့ အစေ့အဆံများကိုလည်း စားသုံးပေးပါ။
၃။ ကျန်းမာရေးနဲ့ ညီညွှတ်သော သရေစာ စားသုံးပါ
Photo Source: www.shop.com.mm
သရေစာ စားသုံးရာမှာလည်း လေနဲ့ဖောင်းပွထားတဲ့ သရေစာမုန့်ထုပ်များကိုရှောင်ကြဉ်ပြီး သဘာဝအစားအစာများကို စားသုံးပါ။ ဥပမာ- အဆီမပါတဲ့ ဒိနန်ချဉ်ကို သစ်သီးနဲ့တွဲစားသုံးခြင်းမျိုး ပြုလုပ်နိုင်ပါတယ်။
၄။ ဗီတာမင်၊ သံဓာတ်နဲ့ ဖောလစ်အက်စစ်များကို နေ့စဉ်မှီဝဲပါ
Photo Source: www.clinicaladvisor.com
သံဓာတ်က ကိုယ်ဝန်ဆောင်မိခင်ရဲ့ ခန္ဓာကိုယ်ထဲက သွေးတွေကို ကောင်းမွန်စွာ လှည့်ပတ်စီးဆင်းနိုင်ဖို့ ကူညီပေးပြီး ဖောလစ်အက်စစ်ကတော့ ကလေးမီးဖွားရာမှာ ကူညီပေးပါလိမ့်မယ်။
၅။ မကျက်တကျက်အသား၊ ငါးများစားသုံးခြင်းကို ရှောင်ကြဉ်ပါ
Photo Source: www.bundoo.com
အသား၊ ငါးများကို မကျက်တကျက်ချက်စားတဲ့အခါ အသားထဲက ဘက်တီးရီးယားပိုတွေက ဗိုက်ထဲက ကလေးကို ထိခိုက်နိုင်ပါတယ်။ အထူးသဖြင့် ဆူရှီတို့ ငါးအသားလွှာတို့ကို အစိမ်းစားခြင်းမှ ရှောင်ကြဉ်ပါ။
၆။ အရက်သေစာရှောင်ကြဉ်ပါ၊ ကာဖိန်းဓာတ် သောက်သုံးမှု လျော့ချပါ
Photo Source: addictionunscripted.com
ကော်ဖီတို့ လက်ဖက်ရေတို့သောက်ချင်တယ်ဆိုရင် ကာဖိန်းဓာတ်မပါတဲ့ ကော်ဖီ၊ လက်ဖက်ရည်များကိုသာ ရွေးချယ်သောက်သုံးသင့်ပါတယ်။ အရက်ရှောင်ကြဉ်ဖို့ကတော့ မဖြစ်မနေကို ပြုလုပ်သင့်တာပါ။
