အသက်တစ်နှစ်ကြီးလာတာနဲ့အမျှ သင့်အရိုးများက တဖြည်းဖြည်းအားနည်းသထက်နည်းလာပါတယ်၊ ဒါပေမဲ့ သဘာဝအတိုင်း အရိုးများကို ကြံခိုင်သန်မာစေတဲ့နည်းလမ်းများကို သိရှိပြီးတဲ့နောက်မှာတော့ အရိုးများအမြဲတမ်းကျန်းမာနေဖို့အတွက် စိတ်ပူစရာမလိုတော့ပါဘူး။
၁။ ကယ်လစီယမ်ဓာတ် လုံလောက်စွာစားသုံးပါ
လူ့ခန္ဓာကိုယ်ထဲက အရိုးများရဲ့ ၉၉.၅ ရာခိုင်နှုန်းခန့်ဟာ ကယ်လစီယမ်ဓာတ်နဲ့ ဖွဲ့စည်းထားတာပါ။ ကယ်လစီယမ်ဓာတ်လုံလောက်စွာ ရရှိမယ်ဆိုရင် အရိုးပွခြင်းကို ကာကွယ်နိုင်ပါတယ်။ အရိုးများအတွက် လိုအပ်သောကယ်လစီယမ်ဓာတ်ကို ဆော်လမွန်ငါး၊ ငါးသေတ္တာငါး၊ ပဲပိစပ်၊ တို့ဟူး၊ ဒိန်ခဲ၊ နွားနို့၊ ဟင်းနုနွယ်၊ လိမ္မော်ရည်တို့မှ ရရှိနိုင်ပါတယ်။
၂။ ဗီတာမင် ဒီလည်း မမေ့ပါနဲ့
ဗီတာမင် ဒီရဲ့ လုပ်ဆောင်မှုများက အများအပြားပါပဲ၊ အသားအရည်ကိုနေလောင်ဒဏ်မှကာကွယ်ပေးခြင်း၊ ဦးနှောက်လုပ်ဆောင်မှုကို ကူညီပေးခြင်း၊ အရိုးနဲ့သွားများ ကျန်းမာဖို့ရန်အတွက် လိုအပ်တဲ့ကယ်လစီယမ်ဓာတ်ကို စုပ်ယူပေးဖို့ခြင်းတို့ ပြုလုပ်ပါတယ်။ အကယ်၍ သင့်မှာ ကယ်လစီယမ်ဓာတ်လုံလောက်စွာရရှိနေပေမဲ့လည်း ဗီတာမင် ဒီ ပြည့်ဝစွာမရရှိရင် အရိုးပွရောဂါနဲ့ အရိုးပျော့ရောဂါများ ခံစားရနိုင်ပါသေးတယ်။ အဆီဓာတ်ကြွယ်ဝတဲ့ တူနာငါး၊ ဆော်လမွန်ငါး စားသုံးခြင်း၊ နို့နှင့်နို့ထွက်ပစ္စည်းများ စားသုံးခြင်း၊ ဒိန်ခဲ၊ ဥအမျိုးမျိုးစားသုံးခြင်းဖြင့် ဗီတာမင် ဒီ ဓာတ်ကို ဖြည့်ဆည်းပေးနိုင်ပါတယ်။
၃။ အရိုးကျန်းမာဖို့အတွက် လေ့ကျင့်ခန်းပြုလုပ်ပေးပါ
အသက် ၃၀ ကျော်လာတာနဲ့အမျှ အရိုးတွေရဲ့သိပ်သည်းဆက တဖြည်းဖြည်းလျော့ကျလာပါတော့တယ်။ ဒါ့ကြောင့် အရိုးကျန်းမာသန်းစွမ်းမှုကို ဆက်လက်ထိန်းသိမ်းထားနိုင်ဖို့အတွက် ကာယလေ့ကျင့်ခန်းပြုလုပ်ပြီး ကာကွယ်သင့်ပါတယ်။
၄။ ဆေးလိပ်ဖြတ်ပါ
ဆေးလိပ်ထဲမှာပါတဲ့ နီကိုဒင်းဓာတ်က အရိုးသိပ်သည်းဆကို ဆိုးကျိုးတွေပေးပါတယ်။ ဆေးလိပ်သောက်ခြင်းကြောင့် ခြေထောက်ကျိုး၊ လက်ကျိုးလို့ အရိုးတစ်ခုခုဖြစ်တဲ့အခါ ပြန်လည်သက်သာနိုင်မှုနှေးကွေးစေပါတယ်။
၅။ ကာဖိန်းဓာတ်ကို လျော့ချပါ
ကော်ဖီကြိုက်နှစ်သက်သူများအတွက်ကတော့ သတင်းဆိုးတစ်ခုပါပဲ။ ကာဖိန်းဓာတ်က အရိုးသိပ်သည်းဆကို လျော့ကျစေပြီး ကယ်လစီယမ်ဓာတ်ကို စုပ်ယူလိုက်ခြင်းကြောင့် အရိုးကျိုးပဲ့လွယ်စေပါတယ်။
၆။ သင့်အရိုးက Omega-3 လိုအပ်ပါတယ်
Omega-3 ဖက်တိအက်စစ်ဟာဆိုရင် အရိုးသိပ်သည်းဆကို မြှင့်တင်ပေးပြီး အရိုးပွခြင်း၊ အရိုးများရောင်ရမ်းခြင်းကြောင့် ဖြစ်တတ်တဲ့ အဆစ်အမြစ်နာကျင်ခြင်းကို သက်သာစေပါတယ်။ အမျိုးသားများအနေနဲ့ တစ်နေ့ကို Omega-3 ဓာတ် ၁.၆ ဂရမ် မှီဝဲသင့်ပြီး အမျိုးသမီးများကတော့ ၁.၁ ဂရမ်မှီဝဲသင့်ပါတယ်။ Omega-3 ဓာတ်ကိုတော့ မက်ကရယ်ငါး၊ ပင်လယ်စာ အစားအစာ၊ သစ်ကြားသီးနဲ့ ငါးကြီးဆီတို့မှ ရရှိပါတယ်။
၇။ ပရိုတိန်းဓာတ်စားသုံးပါ
ပရိုတိန်းဓာတ်များက အရိုးသိပ်သည်းဆကို မြှင့်တင်ပေးပြီး ကယ်လစီယမ်ဓာတ်နဲ့ ပူးပေါင်းကာ အရိုးကျန်းမာရေးအတွက် ကောင်းစွာ အလုပ်လုပ်ရပါတယ်။ ပရိုတိန်းဓာတ်ပြည့်ဝဖို့အတွက် ပင်လယ်စာ အစားအစာများ၊ ဒိန်ခဲ၊ နွားနို့၊ ပဲအမျိုးမျိုး စသည်တို့မှ ရရှိနိုင်ပါတယ်။
Source: Brightside.me
