လတ်ဆတ်တဲ့ ဂျင်းမုန်လာဥနီဖျော်ရည်မှာ ကင်ဆာဆန့်ကျင်ပစ္စည်းတွေ ရောင်ရမ်းမှုကို ဆန့်ကျင်တဲ့ ဂုဏ်သတ္တိတွေ၊ Antioxidant တွေပါဝင်ပြီး ကင်ဆာရောဂါဖြစ်ပွားမှုကို လျှော့ချပေးနိုင်ပါတယ်။
သားအိမ် အူမကြီး အဆုတ် ရင်သား အရေပြား ဆီးကြိတ်နဲ့ သရက်ရွက်ကင်ဆာဖြစ်ပွားမှုကို လျှော့ချပေးနိုင်ပါတယ်။ ဒါတင်မကသေးပါဘူး။ နှလုံးသွေးကြောဆိုင်ရာ ကျန်းမာရေးကိုလည်းကောင်းမွန်စေတဲ့အပြင် ကိုယ်ခံအားစနစ်ကိုကောင်းမွန်စေပါတယ်။
အသားအရေကို ကျန်းမာစိုပြေစေပါတယ်။ ဆီးချို ဖြစ်ပွားမှုကိုလည်း လျှော့ချပေးနိုင်ပြီး ဆီးချိုပမာဏကိုလည်း ထိန်းထားပေးနိုင်ပါတယ်။ အစာချေစနစ်ကိုလည်းကောင်းမွန်စေလို့ လတ်ဆတ်ပြီး အရသာရှိတဲ့ ဂျင်း မုန်လာဥနီဖျော်ရည်ပြုလုပ်နည်းကို မျှဝေပေးလိုက်ပါတယ်။
ပါဝင်ပစ္စည်း
မုန်လာဥနီ ၄ ဥ ကနေ ၅ ဥထိ
ဂျင်း ၁/၂ လက်မ
သံပုရာသီး တစ်ခြမ်း
သစ်ကြမ်းပိုးခေါက် (လိုအပ်မှသာထည့်ရန်)
ဆား (လိုအပ်မှထည့်ရန်)
ပြုလုပ်နည်း
အရင်ဆုံး မုန်လာဥနီကို အခွန်ခွာပြီး ရေဆေးကာ ခြောက်အောင်ထားပါ။
ဂျင်းကို အခွံနွှာပြီး ရေဆေးပါ။
မုန်လာဥနီကို ဖျော်စက်ထဲထည့်ပြီး ဖျော်ပေးပါ။ ဂျင်းကိုလည်း ဖျော်စက်ထဲထည့်ပြီးဖျော်ပေးပါ။
ပြီးရင် ခွက်တစ်လုံးထဲပြောင်းထည့်ပါ။သံပုရာသီးကို အရည်ညှစ်ပါ။
ဆားနည်းနည်း (သို့) သစ်ကြမ်းပိုေးခါက်မှုန့် နည်းနည်း ထည့်ပါ။ (အရသာကောင်းဖို့အတွက်ဖြစ်ပါတယ်။)
