အသက်ကြီးသွားပေမယ့်လည်း ရုပ်ရှင်ထဲမှာရော အပြင် လောကမှာပါ ချောမောလှပအောင်မြင်နေတဲ့ ဟောလိဝုဒ်သရုပ်ဆောင်များရဲ့ နေထိုင်စားသောက်ပုံစံကို ဝေမျှချင်ပါတယ်။
Halle Berry
Halle Berry က အသက် ၄၉ နှစ်ရှိပေမယ့် အခုအထိ နုပျိုလှပနေတုန်းပါဘဲ။ တစ်နေ့ကို ၈ နာရီအိပ်ပြီး မနက်တိုင်း အသီးဖျော်ရည်တစ်ခုခု သောက်လေ့ရှိပါတယ်။
တစ်နေ့ကို ၄၅ မိနစ် လေ့ကျင့်ခန်းလုပ်ပြီး အသင့်စား အစားအစာတွေ၊ သကြားလုံးတွေမစားပါဘူး။
Sandra Bullock
Sandra Bullock က အသက် ၅၁ နှစ်ရှိနေပေမယ့် မထင်ရလောက်အောင် လှပနေတုန်းပါဘဲ။
ဟင်းသီးဟင်းရွက်၊ ထမင်း နဲ့ အသီးဖျော်ရည်တို့ကို အဓိက စားသုံးပါတယ်။
ဗီတာမင်စီနဲ့ Spinach အရွက်တို့ကနေ ပြုလုပ်ထားတဲ့ မျက်နှာလိမ်းခရင်မ်ကို သုံးပါတယ်။
အားကစားအနေနဲ့ လက်ဝှေ့ နဲ့ Jogging လုပ်ပါတယ်။
Keanu Reeves
Keanu Reeves က အသက် ၅၁ နှစ်ရှိနေပါပြီ။ သူ့ရုပ်ရည်ကတော့ အသက်အရွယ်နဲ့ မလိုက်လောက်အောင် နုပျိုပါတယ်။
ဟင်းသီးဟင်းရွက်တွေနဲ့ အသားကို အချိုးကျမျှတအောင် စားပါတယ်။
ဝိတ်ကစားပြီး မြင်းစီးတာ နဲ့ နှင်းလျှောစီး ပါတယ်။
Julia Roberts
Julia Roberts က အသက် ၄၈ နှစ်ရှိပါပြီ။ မနက်စာကို အများကြီးစားပြီး နေ့လည်စာကို ဗိုက်ပြည့်ရုံစားကာ ညစာကိုတော့ အနည်းငယ်ဘဲ စားပါတယ်။
စကိတ်စီးတာကို ကြိုက်နှစ်သက်သူဖြစ်ပါတယ်။
Cate Blanchett
Cate Blanchett က အသက် ၄၇ နှစ်ရှိနေပါပြီ။ မင်းသမီးဖြစ်ပေမယ့် အလှကုန်ပစ္စည်းတွေကို အကန့်အသတ်နဲ့သာ သုံးပါတယ်။
အနှိပ်ခန်း (Massages) ပုံမှန်သွားလေ့ရှိပြီး တစ်ပတ်ကို ၂ ကြိမ်လောက် Sauna သွားလေ့ရှိပါတယ်။
George Clooney
George Clooney က အသက် ၅၅ နှစ်ရှိပါပြီ။ ကယ်လိုရီနည်းတဲ့ အစားအစာတွေကို အနည်းငယ်ဘဲ စားပါတယ်။ အရက်သေစာမသောက်ဘဲ ယောဂဆော့ပါတယ်။
Jared Leto
Jared Leto က အသက် ၄၄ နှစ်ရှိပြီး သက်သတ်လွတ်စားသူဖြစ်ပါတယ်။ ယောဂဆော့ပြီး စက်ဘီးစီးတာ ကြိုက်နှစ်သက်သူဖြစ်ပါတယ်။
Charlize Theron
Charlize Theron က အသက် ၄၀ ရှိပါပြီ။ ဟင်းသီးဟင်းရွက်အစိမ်းတွေကို ကြိုက်နှစ်သက်သူဖြစ်ပြီး ယောဂဆော့ကာ ဂေါက်ကစားပါတယ်။ ခွေးလေးနဲ့အတူ လမ်းလျှောက်ထွက်လေ့ရှိပါတယ်။
