အမျိုးသမီးအများစုက အသက် ၃၀ ကျော်လာတဲ့အခါ သူတို့ရဲ့ကိုယ်ခန္ဓာက အရင်ကနဲ့ မတူတော့ဘူးဆိုတာ ခံစားလာကြတယ်။ တချို့အမျိုးသမီးများက ကိုယ်၀န်ဆောင်တဲ့အချိန်ကျရင် ပြောင်းလဲတတ်ပါတယ်။အဲလိုပြောင်းလဲတဲ့အရာတွေမှာ တချို့ကအရေပြားအားနည်းချက်တွေ ဖြစ်ပေါ်လာတတ်တယ်။ ဘာဖြစ်လို့လဲဆိုတော့ သင်အသက် ၃၀ ပြည့်ပြီးနောက်ပိုင်းမှာ သင့်ခန္ဓာကိုယ်ဟာ ရုပ်ပိုင်းဆိုင်ရာပြောင်းလဲမှုကြီးကိုဖြတ်သန်းသွားတာ မဟုတ်ဘဲ အပြောင်းအလဲများစွာကို ဖြတ်သန်းခဲ့ရတဲ့အတွက်ကြောင့်သာ ဖြစ်ပါတယ်။
ဒါပေမယ့်လည်းသိပ်ပြီး စိတ်မပူပါနဲ့။ ဒီဆောင်းပါးမှာ အမျိုးသမီးများ အသက် ၃၀ ကျော်ရင် သင့်ခန္ဓာကိုယ်ကိုဘယ်လိုစောင့်ရှောက်ရမယ်၊ သင့်ဘဝရဲ့ ဒီစိတ်ဝင်စားဖွယ်ကာလကို အပြည့်အဝမွေ့လျော်နိုင်မယ့် စမတ်ကျတဲ့ အကြံဥာဏ်များကို ဝေမျှပေးချင်ပါတယ်။
သင့်ခန္ဓာကိုယ်ကအရင်ကလိုမဟုတ်ဘူးဆိုတာသိသာစေတယ်။အသက် ၃၀ မှစပြီး သင်ရဲ့ ဇီဝဖြစ်ပျက်မှုစတင်ပါတယ်။ဒုတိယအကြိမ်သင့်ခန္ဓာကိုယ်က လုံးဝကွဲပြားစွာ အလုပ်လုပ်လိမ့်မယ်လို့ ဆိုလိုခြင်းမဟုတ်ပါဘူး။ ဒါပေမယ့်လည်း အထူးသဖြင့် လာမယ့်ဆယ်စုနှစ်က သင့်ကိုယ်ခန္ဓာနဲ့ ပတ်သက်သော ခံစားချက်တွေကတော့တဖြည်းဖြည်း ပြောင်းလဲသွားလိမ့်မယ်။တနည်းအားဖြင့် အခုအချိန်ကသင်ရဲ့ခန္ဓာကိုယ်အတွက် ပိုမိုခုခံနိုင်စွမ်းနဲ့ညှိနှိုင်းမှုပြုလုပ်ရန်အကောင်းဆုံးအချိန်ဖြစ်ပါတယ်။ ဒါကြောင့် သင်ရဲ့ခန္ဓာကိုယ် ခွန်အားကိုမြှင့်တင်ရန် အားစိုက်ထုတ်ခြင်းထက် သင့်ကြွက်သားကိုထိန်းသိမ်းရန် ပိုမိုအာရုံစိုက်သင့်တယ်။
၁။Diet Planလုပ်ပါ
အသက်၃၀နောက်ပိုင်းမှာဇီဝဖြစ်ဝပျက်မှုနှေးကွေးပြီး ဝိတ်ကျဖို့အရမ်းလွယ်ကူလာတဲ့အတွက်ကြောင့်ကိုယ့်စားတဲ့အစားအစာနဲ့ ဘယ်လိုစားလဲဆိုတာကို ဂရုစိုက်သင့်တယ်။ အလွန်အကျွံမစားမိဖို့နဲ့ အစာစားချိန်မကျော်သွားဖို့ လိုအပ်ပါတယ်။အကောင်းဆုံးကတော့ နည်းနည်းနဲ့ အကြိမ်အရေအတွက်များများ စားပေးပါ၊ သရေစာစားခြင်းက သင့်ကိုယ်အလေးချိန်တက်စေနိုင်ပါတယ်။
၂။အိပ်ရေးဝဝအိပ်ပါ
ကောင်းမွန်သောအိပ်ရာဝင်ချိန်အလေ့အကျင့်က သင့်အသားအရေ နဲ့ ခန္ဓာကိုယ်ကို များစွာအကျိုးရှိစေပါတယ်။ ဒါ့အပြင် ညဘက်ကောင်းကောင်းအိပ်ပျော်ခြင်းက မနက်ခင်းမှာ လန်းဆန်းတက်ကြွစွာ နိုးထလာစေပြီး ကျန်းမာစေတဲ့ အဓိကသော့ချက်ဖြစ်ပါတယ်။
တချို့လူတွေအတွက် အိပ်စက်ခြင်းက ၆နာရီဆို လုံလောက်ပေမယ့် တချို့အတွက်ကပိုအိပ်စက်ပေးရန်လိုအပ်ပါတယ်။ သင်ရဲ့လိုအပ်တဲ့ အိပ်ချိန်ပမာဏကို သင့်ခန္ဓာကိုယ်နှင့်အသက်အရွယ်က အများဆုံး ဆုံးဖြတ်ပါတယ်။အိပ်ရာမဝင်ခင်လေ့ကျင့်ခန်းလုပ်ပါ၊ အစာအများကြီးမစားပါနဲ့။အိပ်ခါနီးတွင် ဖုန်းကြည့်မယ့်အစား စာအုပ်ဖတ်ပါ။
၃။အားကစားလုပ်ပါ
ဘယ်သူမှအားကစားလုပ်လို့ သေတဲ့သူမရှိသလို တစ်ချိန်လုံး အားကစားလုပ်နေရမယ်လို့ မဆိုလိုပါဘူး။
ဇီဝကမ္မဗေဒဂျာနယ်တွင်ထုတ်ဝေသောလေ့လာမှုတစ်ခုက တစ်ရက် နာရီဝက် တပတ် ၄ကြိမ်မှ ၆ကြိမ် လေ့ကျင့်ခန်းလုပ်ခြင်းက တစ်ပတ်လျှင် ၂ ကြိမ် အချိန်ကြာမြင့်စွာ လေ့ကျင့်ခန်းလုပ်သကဲ့သို့ထိရောက်မှုရှိကြောင်းပြသခဲ့ပါတယ်။အဲဒါကြောင့် သင်ကြိုက်နှစ်သက်သည့်လေ့ကျင့်ခန်းဘယ်အမျိုးအစားမဆို နာရီဝက်ခန့်လုပ်ပေးပါ။
၄။ရေဓါတ်ဖြည့်ပါ
ရေဓာတ်ကကျန်းမာရေးစေပြီးကောင်းမွန်သောခန္ဓာကိုယ်ရဲ့အဓိကအရာတခုလည်းဖြစ်ပါတယ်။ ၎င်းသည်သင့်ကိုပိုမိုသက်တောင့်သက်သာစေပြီးဆာလောင်မှုကိုဖြည့်တင်းပေးပါတယ်။ အသားအရေကိုထိန်းပေးခြင်း၊ အစာခြေခြင်းစနစ်ကိုပိုမိုကောင်းမွန်စေပြီးမြင့်မားသောဇီဝဖြစ်ပျက်မှုဖြင့်ကိုယ်အလေးချိန်ကျစေပါတယ်။သင်ရဲ့ဇီဝဖြစ်ပျက်မှုပိုမိုမြန်ဆန်လေလေ ကိုယ်အလေးချိန်ကျပြီးကိုယ်ခန္ဓာပိုပြီး လန်းဆန်းနုပျိုစေပါတယ်။
ကဲ..သင့်အသက် ၂၀ ကျော်ပဲရှိသေးလား၊ဒါဆို အသက် ၃၀ ပြည့်ပြီးတဲ့နောက် သင်ရဲ့ ကိုယ်ခန္ဓာကို နုပျိုအောင်ဘယ်လိုလုပ်ရမလဲဆိုတာ စဉ်းစားဖူးသလား။ အကယ်၍ သင်ကအသက် ၃၀ြည့်ပြီးပြီဆိုရင် သင်စိတ်ကူးထဲကခန္ဓာကိုယ်ပုံစံကို ဘယ်လိုရယူနိုင်မလဲ။သင့်အကြံပြုချက်တွေကို Commentတွင်မျှဝေပေးခဲ့ပါနော်။
