ခံတွင်းအနံ့ဆိုးခြင်းကို သက်သာစေမယ့် နံနံပင်ရဲ့ အကျိုးကျေးဇူးများ

ခံတွင်းမှာ အနံ့ဆိုးတွေထွက်နေရင် လူကြားထဲမှာ စကားပြောရတာကအစ စိတ်အနှောင့်အယှက်ဖြစ်စေနိုင်ပါတယ်။ ဒါကြောင့် ခံတွင်းအနံ့ဆိုးခြင်းကို သက်သာပျောက်ကင်းစေမယ့်နည်းလမ်းလေးကို ဝေမျှချင်ပါတယ်။

ခံတွင်းအနံ့ဆိုးခြင်းကို သက်သာ

ခံတွင်းအနံ့ဆိုးတာက ခံတွင်းထဲမှ ဘက်တီးရီးယား ပိုးမွှားတွေရှိနေတာကြောင့် ဖြစ်ပါတယ်။ စားကြွင်းစားကျန်တွေကနေတစ်ဆင့် ဘက်တီးရီးယား ပိုးမွှားတွေ ပေါက်ပွားလေ့ရှိပါတယ်။ နံနံပင် (တရုတ်နံနံဖြစ်ဖြစ် ဗမာနံနံပင်ဖြစ်ဖြစ်) ကို ပါးစပ်ထဲထည့်ပြီး ဝါးပေးရင် ဘက်တီးရီးယား ပိုးမွှားတွေကိုသေစေပြီး ပါးစပ်ကိုလည်းသန့်စေပါတယ်။

အစာခြေစနစ်ကို ကူညီပေး

နံနံပင်မှာ ရေဓာတ်ပါဝင်မှုနဲ့ အမျှင်ဓာတ်ပါဝင်မှု များတာကြောင့် ဝမ်းချုပ်ခြင်းကိုလည်း ကာကွယ်ပေးပါတယ်။ ဒါကြောင့် နံနံပင်ကို ဟင်းလျာထဲမှာထည့်ပြီး စားသုံးပေးရင် အစာခြေစနစ်ကို ကောင်းမွန်စေပြီး ဝမ်းချုပ်ခြင်းကိုလည်းကာကွယ်ပေးပါတယ်။

စိတ်ဖိစီးမှုကို လျှော့ချပေး

နံနံပင်မှာ မဂ္ဂနီဆီယမ်ဓာတ်ပါဝင်တာကြောင့် အာရုံကြောစနစ်ကို သက်တောင့်သက်သာဖြစ်စေပြီး စိတ်ဖိစီးမှုနဲ့စိတ်ဂနာမငြိမ်မှုကို လျှော့ချပေးနိုင်ပါတယ်။ ညမအိပ်ခင် နံနံပင် အနည်းငယ်စားပေးရင် ကောင်းမွန်စွာအိပ်ပျော်ဖို့ကို ကူညီပေးပါတယ်။

ကိုယ်အလေးချိန် လျှော့ချပေး

နံနံပင် တစ်ချောင်းမှာ ကယ်လိုရီ ၁၅ ဘဲပါဝင်ပြီး အမျှင်ဓာတ်တွေပါဝင်ပါတယ်။ နံနံပင်စားထားရင် ဗိုက်က ပြည့်နေပြီး အစားအများကြီး မစားအောင် ကူညီပေးမှာပါ။

သွေးပေါင်ချိန်ကို ထိန်းသိမ်းပေး

နံနံပင်မှာ ပိုတက်ဆီယမ်ဓာတ်တွေ ကြွယ်ဝစွာပါဝင်တာကြောင့် သွေးဖိအားကို ထိန်းညှိပေးပါတယ်။ နံနံပင်ထဲမှာပါဝင်တဲ့ Phthalates ဓာတ်က သွေးလွှတ်ကြောက ကြွက်သားတွေကို ပျော့ပြောင်းစေပြီး သွေးဖိအားကို လျှော့ချပေးတာကြောင့် သွေးတိုးရောဂါကို ကာကွယ်ပေးနိုင်ပါတယ်။