ခဝဲသီးကို ကြိုက်ကြရဲ့လားရှင့်။ ချက်ကောချက်စားဖြစ်ရဲ့လား။ ခဝဲသီးဟာ ကျန်းမာရေးအကျိုးကျေးဇူးတွေအများကြီးရှိတဲ့အသီးပါ။
ခဝဲသီးကိုစားတာဟာ ကျန်းမာရးအကျိုးကျေးဇူးတွေများစွာရရှိနိုင်ပါတယ်။ အဲဒီထဲက အကျိုးကျေးဇူးအချို့ကို ဖော်ပြရရင်တော့။
အမျှင်ဓါတ်
ခဝဲသီးဟာ အမျှင်ဓါတ်တွေကြွယ်ဝစွာပါဝင်ပါတယ်။ ဒါ့အပြင် သံဓါတ် သွပ်ဓါတ် မဂ္ဂနီဆီယမ်စတဲ့ သတ္တုဓါတ်တွေလည်း ကြွယ်ဝစွာပါဝင်လို့ ကျန်းမာရေးအတွက် များစွာအထောက်အကူဖြစ်စေပါတယ်။
ကိုယ်အလေးချိန်ကျစေခြင်း
ဆားဓါတ် ကိုလက်စထရောနဲ့ ကယ်လိုရီပါဝင်မှုနည်းလို့ ကိုယ်အလေးချိန်ကျစေပါတယ်။
ဝမ်းချုပ်ခြင်းကိုသက်သာစေခြင်း
ရေဓါတ်ကြွယ်ဝစွာပါဝင်တဲ့အသီးဖြစ်ပါတယ်။ ဒါ့ကြောင့် ဝမ်းချုပ်ခြင်းကိုသက်သာစေပြီး လိပ်ခေါင်းဖြစ်တာကိုလည်း ကာကွယ်ပေးပါတယ်။
သွေးတွင်းသကြားဓါတ်
ခဝဲသီးဟာ သွေးတွင်းသကြားဓါတ်နဲ့ ဆီးတွင်းသကြားဓါတ်ပါဝင်မှုကိုလျှော့ချပေးနိုင်ပါတယ်။
အမြင်အာရုံ
ခဝဲသီးမှာ Beta-Carotene ကြွယ်ဝစွာပါဝင်လို့ အမြင်အာရုံကိုကြည်လင်စေပါတယ်။
သွေးသန့်စင်ပေးခြင်း
ခဝဲသီးဟာ သွေးကိုသန့်စင်ပေးနိုင်ပြီး အသည်းကိုကျန်းမာစေပါတယ်။ အရက်ကနေဖြစ်တဲ့ အဆိပ်အတောက်တွေကိုလည်း ကာကွယ်ပေးလို့ အသည်းကိုကျန်းမာစေပါတယ်။
ကိုယ်ခံအားစနစ်
ခဝဲသီးဟာ ကိုယ်ခံအားစနစ်ကိုကောင်းမွန်စေပြီး ဘက်တီးရီးယားတွေအလွယ်တကူဝင်ရောက်ခြင်းကနေ ကာကွယ်ပေးပါတယ်။
အသားအရေအတွက်
သွေးကိုသန့်စင်ပေးနိုင်လို့ ဝက်ခြံနဲ့ အဖုအပိတ်တွေကင်းစင်စေပါတယ်။
