လူတွေတော်တော်များများက ရေသန့်ဗူးကို သောက်သုံးကြပေမယ့် ရေသန့်ဗူးမှာပါတဲ့ စာသားလေးတွေကိုတော့ မဖတ်မိကြပါဘူး။
ဘာကြောင့် ပလပ်စတစ်ဗူးတွေကို ပြန်မသုံးသင့်သလဲ
ပလပ်စတစ်ဗူးထဲမှာ ပါဝင်တဲ့ အန္တရာယ်ရှိ ဓာတုပစ္စည်းတွေက ရေထဲကို ပျော်ဝင်နိုင်ပါတယ်။ ရေသန့်ဗူးတွေရဲ့ အောက်ဘက်မှာရေးထားတဲ့ စာသားလေးတွေကို ဂရုစိုက်သင့်ပါတယ်။
တြိဂံပုံစံထဲမှာ 1 PET or PETE လို့ ရေးထားတတ်ပါတယ်။ ဒါက တစ်ကြိမ်တည်းသာ အသုံးပြုမှသာ အန္တရာယ်ကင်းမှာ ဖြစ်ပါတယ်။ ရေသန့်ဗူးထဲကို အောက်စီဂျင်ဝင်သွားရင်၊ အပူချိန်ပြင်းပြင်းနဲ့ နေရောင်ခြည်ထိရင် ရေသန့်ဗူးထဲက ဓာတုအဆိပ်အတောက်တွေက ရေထဲ ဝင်သွားမှာဖြစ်ပါတယ်။
ရေသန့်ဗူးအောက်ခြေမှာ 3 or 7 (PVC and PC) တံဆိပ်ပါတဲ့ ရေသန့်ဗူးတွေဆိုရင် သတိထား သောက်သင့်ပါတယ်။ ရေသန့်ဗူးထဲက ဓာတုပစ္စည်းတွေက ရေထဲကို အလွယ်တကူ ဝင်ရောက်နိုင်လို့ပါဘဲ။
Polyethylene (2 and 4) နဲ့ Polypropylene (5 and PP) နဲ့ပြုလုပ်ထားတဲ့ ရေသန့်ဗူးတွေဆိုရင်တော့ ပြန်သုံးလို့ရပါတယ်။ သူတို့ကို ရေခဲသေတ္တာထဲထည့်ပြီး သောက်ရင်တောင် အန္တရာယ်မရှိပါဘူး။
ဘက်တီးရီးယား
မသန့်ရှင်းတဲ့ ပလပ်စတစ် ဗူးထဲက ရေတွေကို သောက်နေရတာဟာ အိမ်သာထဲက ရေတွေကို သောက်နေရသလိုပါဘဲလို့ သိပ္ပံပညာရှင်တွေက ဆိုပါတယ်။ သူတို့မှာ ဘက်တီးရီးယားတွေ အပြည့်နဲ့ပါ။ ရေသန့်ဗူးကို ညစ်ပတ်တဲ့လက်တွေနဲ့ ကိုင်ပြီးရင် သောက်ပြန်ကိုင်နဲ့ ရေဗူးမှာ ဘက်တီးရီးယားတွေ အများကြီးကပ်ကျန်ခဲ့ပါတယ်။ ဒါကြောင့် ရေဗူးကို ရေနွေးပူပူလေးနဲ့ ၊ ရှာလကာရည်နဲ့ ဒါမှမဟုတ် ပါးစပ်ဆေးတဲ့ ဘက်တီးရီးယား သေစေတဲ့ ဆေးနဲ့ ပုံမှန် ဆေးပေးသင့်ပါတယ်။
သင်သောက်နေတဲ့ ရေက ဘယ်ကနေလာသလဲ။
သင်ဝယ်သောက်နေတဲ့ ရေတွေကတော့ ဘယ်ကနေ ထုတ်လုပ်ထားတာလဲ။ သန့်ရှင်းမှုရှိရှိနဲ့ ထုတ်လုပ်ထားတာလားဆိုတာ အမြဲနားစွင့်နေဖို့ လိုအပ်ပါတယ်။