အသုံးပြုပြီးသားဆီကို ပြန်သုံးတာဟာ နှလုံးရောဂါ လေဖြတ်ရောဂါ နှင့် ကင်ဆာတို့ကို ဖြစ်စေနိုင်တယ်

တစ်ခုခုကြော်ပြီးတဲ့ဆီကို ပြန်ပြီး အပူပေးလိုက်တဲ့အခါ အဲဒီဆီက အဆိပ်အဖြစ်ပြောင်းလဲသွားပါတယ်။

ကျွန်မတို့ အိမ်ရှင်မတွေဟာ မဟုတ်တာလေးကို သိပ်ကန့်တွက်ကြပါတယ်။ ကြက်ဥကြော်လိုက်လို့ပဲဖြစ်ဖြစ် ပိုနေတဲ့ ဆီတွေကို အရွက်တစ်ခုခု ကြော်ဖို့အတွက် ပြန်ပြီးအသုံးပြုတတ်ကြပါတယ်။ ကိုယ်သုံးနေတဲ့ဆီဟာ ဟင်းသီးဟင်းရွက်က ထုတ်တဲ့ ဆီဖြစ်နေရင် ပိုလို့တောင် ရှောင်ကျဉ်ပေးသင့် ပါတယ်။

အိမ်ရှင်မတို့ရဲ့ လက်ထဲမှာ မိသားစုတစ်ခုလုံးရဲ့ ကျန်းမာရေး ပုံအပ်ခံထားရတယ်ဆိုတာ မမေ့ပါနဲ့နော်။

တစ်ခုခုကြော်ပြီးလို့ ပိုတဲ့ဆီကို ပြန်သုံးတာဟာ နှလုံးရောဂါ လေဖြတ်ရောဂါ နဲ့ ကင်ဆာတွေကို ဖြစ်ပေါ်စေပါတယ်။

လေ့လာတွေ့ရှိမှုအရ ပဲဆီ ပြောင်းဆီ နေကြာဆီအပြင် တခြား အသီးအနှံကရတဲ့ဆီတွေကို ပြန်ပြီး အသုံးပြုတာဟာ အက်ဆစ်တစ်မျိုးကို ဖြစ်ပေါ်စေပြီး ကျန်းမာရေးဆိုင်ရာ ပြဿနာ အမျိုးမျိုးကို ဖြစ်ပေါ်စေပါတယ်။

ဥပမာ အယ်လ်ဇိုင်းမား၊ အသည်း၊ တခြားရောဂါတွေကို ဖြစ်ပေါ်စေပါတယ်။ ကျန်းမာရေး ပညာရှင်တွေက အသီးအရွက်က ထုတ်လုပ်တဲ့ဆီတွေကို မကြာခဏ အပူပြန်ပေးပြီးချက်တာမျိုးမလုပ်ဖို့ သတိပေးထားပါတယ်။