သင်ဟာ ဆိုဒါပါတဲ့အချိုရည်ကို ရေထက်ပိုပြီးသောက်သုံးတတ်တဲ့သူလား။ ဒါဆိုရင်တော့ ဒီစာလေးကို ဖတ်ကြည့်လိုက်ပါနော်။
သကြား
ဆိုဒါပါတဲ့အချိုရည်တစ်ဘူးမှာ သကြား လက်ဖက်ရည်ဇွန်း ၁၀ဇွန်းကနေ ၁၆ ဇွန်းထိ ပါဝင်ပါတယ်။ ဒါဟာ ဆီးချိုဖြစ်နိုင်ချေပိုများစေပြီး ကိုယ်အလေးချိန်တက်စေသလို တခြားကျန်းမာရေးဆိုင်ရာပြဿနာတွေ ဖြစ်ပေါ်နိုင်ပါတယ်။ အချိုရည်ထုတ်လုပ်တဲ့ကုမ္ပဏီတွေဟာ သကြားသုံးစွဲမှု အများဆုံးဖြစ်ပါတယ်။
ကဖိန်း
ဆိုဒါပါတဲ့အချိုရည်အများစုမှာ ကဖိန်းဓါတ်ပါဝင်ပါတယ်။ အဲဒီမှာပါဝင်တဲ့ကဖိန်းဓါတ်က ကင်ဆာ၊ ရင်သားအကြိတ်၊ နှလုံးခုန်မမှန်တာ၊ သွေးတိုးတာနဲ့ တခြားကျန်းမာရေးဆိုင်ရာ ပြဿနာတွေ ဖြစ်ပွားစေနိုင်ပါတယ်။
ရေ
သကြားမှာပါဝင်တဲ့ရေဟာ ကလိုရင်း၊ ဖရူရိုရိုက် စတဲ့ ဓါတုပစ္စည်းတွေပါဝင်နေပါတယ်။
အဝလွန်ခြင်း
ဟားဗတ်တက္ကသိုလ်ရဲ့ သုတေသီတွေဟာ ဆိုဒါပါတဲ့ အချိုရည်ကို သောက်သုံးတာဟာ အဝလွန်ခြင်းကို တိုးမြင့်စေနိုင်တယ်လို့ ဆိုပါတယ်။
အာဟာရဓါတ်မရှိခြင်း
ဆိုဒါကိုသောက်သုံးတာဟာ ခန္ဓာကိုယ်အတွက်လိုအပ်တဲ့ ဘာအာဟာရဓါတ်ကိုမှ ရရှိမှာမဟုတ်ပါဘူး။
သွားကျန်းမာရေး
ဆိုဒါကို ပုံမှန်သောက်ပေးတာဟာ သွားပိုးစားတာ သွားကျောက်တည်တာနဲ့ မှိုရောဂါတွေကို ဖြစ်ပွားစေနိုင်ပါတယ်။ ဒါ့အပြင် အရိုးပျော့တာလည်း ဖြစ်စေပါတယ်။
ရေဓါတ်ခမ်းခြောက်ခြင်း
သကြားဓါတ်၊ ဆိုဒီယမ် နဲ့ ကဖိန်းဓါတ်ပါဝင်မှု များတာကြောင့် ရေဓါတ်ခမ်းခြောက်မှုကိုဖြစ်ပေါ်စေနိုင်ပါတယ်။
စိတ်ဖိစီးမှု
ဆိုဒါကို သောက်ပေးတာဟာ အမျိုးသမီးတွေအတွက် စိတ်ဖိစီးမှုကို မြင့်တက်စေပါတယ်။
မေးခွန်းတစ်ခုရှိပါတယ်။ သကြားမပါတဲ့ ဆိုဒါကော သောက်လို့မရဘူးလား။
သကြားမပါတဲ့ ဆိုဒါဟာ ကယ်လိုရီမပါပါဘူး။ ဒါပေမဲ့ ကိုယ့်အတွက်ကောင်းတယ်လို့ဆိုလိုတာမဟုတ်ပါဘူး။ ဒါဟာ ကိုယ်အလေးချိန်လျှော့ချရာမှာ ကူညီပေးနိုင်မှာမဟုတ်ပါဘူး။
ဆိုဒါပါတဲ့အချိုရည် သောက်သုံးဦးမှာလား။
