ပရိုတင်းဓာတ်တွေက သာမန်အချိန်မှာတော့ သိပ်အရေးမကြီးပေမယ့် Gym သွားဆော့တဲ့အခါမှာတော့ ကြွက်သားတွေ ဖွံ့ဖြိုးဖို့ဆိုရင် မရှိမဖြစ်ကို လိုအပ်လာပါတယ်။
အခုဆိုရင်လည်း လူနေမှုပုံစံတွေကပြောင်းလဲလာပြီး ခန္ဓာကိုယ်လှတဲ့ လူတွေကို သဘောကျ၊ အားကျလာတာတွေ များပါတယ်။
အဲ့လို ကြွက်သားတွေဖွံ့ဖြိုး၊ အဆီမရှိဖို့အတွက်ဆိုရင်တော့ ပရိုတင်းဓာတ်က အရေးကြီးလာပါတယ်။
ပရိုတင်းဓာတ်ဆိုတာဘာလဲ။
ပရိုတင်းဆိုတာက အမိုင်နိုအက်ဆစ်ဓာတ်တွေများပေါင်းစည်းပြီး ပရိုတင်းဖြစ်လာတာပါ။
ပရိုတင်းမှာ
နိုက်ထရိုဂျင်
အောက်စီဂျင်
ကာဗွန်
ဟိုက်ဒရိုဂျင်
ဖော့စပရက်စ် (Phosphorus) ဓာတ်တွေပါဝင်ပါတယ်။
ပရိုတင်းဓာတ်တွေကို အများအားဖြင့် ဆဲလ်တွေမှာ တွေ့ရှိရပါတယ်။ ပရိုတင်းဓာတ်တွေက ခန္ဓာကိုယ်ရဲ့ ဇီဝဖြစ်စဉ်တွေကို လုပ်ဆောင်ပေးပါတယ်။
ပရိုတင်းဓာတ်ရဲ့ လုပ်ဆောင်ချက်များ
ပရိုတင်းဓာတ်က ခန္ဓာကိုယ်ရဲ့ အဓိက လုပ်ဆောင်ချက်များမှာ ပါဝင်ပါတယ်။ အောက်စီဂျင်ကို သွေးတွေထဲကို ရောက်အောင် ပို့ပေးတဲ့နေရာမှာလည်း ပရိုတင်းဓာတ်ပါဝင်ပါတယ်။ အင်ဇိုင်း၊ ဟော်မှုန်း၊ Antibodies တွေဖြစ်လာဖို့ကလည်း ပရိုတင်းဓာတ်လိုအပ်ပါတယ်။
ပန်းဂေါ်ဖီစိမ်း
ပန်းဂေါ်ဖီစိမ်းမှာ ပရိုတင်းဓာတ်တွေအများကြီးပါဝင်ပြီး ဂရမ် ၁၀၀ ရှိတဲ့ ပန်းဂေါ်ဖီစိမ်းမှာ ၁၁.၁ ဂရမ် ပရိုတင်းဓာတ် ပါဝင်ပါတယ်။
ငါး
ငါးတွေမှာ Omega 3 Fatty အက်ဆစ် တင်ပါဝင်တာမဟုတ်ဘဲ ပရိုတင်းဓာတ်တွေလည်း အများကြီးပါဝင်ပါတယ်။ ငါး ၈၅ ဂရမ် မှာဆိုရင် ၂၇ ဂရမ် ပရိုတင်း ပါဝင်ပါတယ်။
အခွံမာအသီးများ
အခွံမာအသီးတွေမှာလည်း ပရိုတင်းဓာတ်ပါဝင်မှုများပါတယ်။အခွံမာသီး ဂရမ် ၁၀၀ မှာဆိုရင် ပရိုတင်းဓာတ်ပါဝင်မှုက ၁၇ ဂရမ်လောက်ရှိပါတယ်။ ပရိုတင်းဓာတ်ပါဝင်မှုများတဲ့ အခွံမာအသီးများမှာ
- Almonds သီး
- မြေပဲ
- Pistachios
တို့ဖြစ်ပါတယ်။
