ခန္ဓာကိုယ်အတွက်လိုအပ်တဲ့ အဓိကအာဟာရအများစုဟာ အစားအစာကနေရတာကြောင့် ကျန်းမာရေးနဲ့ ညီညွတ်တဲ့ အစားအသောက်ကို စားဖို့ အတတ်နိုင်ဆုံး ကြိုးစားပါ။ အစားအစာတိုင်းကို အာဟာရဖြစ်စေဖို့ မခက်ပါဘူး။ ဒါပေမယ့် အရေးကြီးတဲ့ ဗီတာမင်နဲ့ သတ္တုဓာတ်အချို့ကို လွဲချော်နေပါသေးတယ်။

ကျန်းမာရေးနဲ့ ညီညွတ်တဲ့ စားသောက်မှုပုံစံ ဆိုတာ အစားအစာအုပ်စုတစ်ခုစီမှ အစားအစာမျိုးစုံပါဝင်ပါတယ်။ ဒါကြောင့် ကျန်းမာစွာနေထိုင်နိုင်ဖို့ အထောက်အကူဖြစ်စေတဲ့ အာဟရများကို ဖော်ပြလိုက်ပါတယ်နော်။

Potassium

Potassium ဟာ ကြွက်သားလှုပ်ရှားမှုနဲ့ သွေးပေါင်ချိန်ကို ထိန်းညှိပေးပြီး နှလုံးနှင့် အာရုံကြောများရဲ့ လုပ်ဆောင်မှုအခန်းကဏ္ဍကနေ ပါဝင်ပါတယ်။ Potassium ကို ဟင်းသီးဟင်းရွက်များ၊ သစ်သီးများနဲ့ နို့ထွက်ပစ္စည်းများကနေ ရနိုင်ပါတယ်။

သံဓာတ်

သံဓာတ်ဟာ ကြီးထွားဖွံ့ဖြိုးမှုအတွက် အရေးကြီးသလို ခန္ဓာကိုယ်အနှံ့ အောက်ဆီဂျင် ပို့ဆောင်ဖို့အတွက် အရေးပါတဲ့ အခန်းကဏ္ဍကနေ ပါဝင်ပါတယ်။ ပင်လယ်စာများ၊ ကြက်နဲ့ ပဲများက သံဓာတ်ကို ပံ့ပိုးပေးတဲ့ အစားအစာတွေဖြစ်ပြီး လိမ္မော်သီး၊ စတော်ဘယ်ရီ ငရုတ်သီးတို့လို ဗီတာမင် C ကြွယ်ဝတဲ့ အစားအစာတွေက ခန္ဓာကိုယ်ရဲ့ သံဓာတ်စုပ်ယူမှုကို မြှင့်တင်ပေးပါတယ်။

Calcium နဲ့ Vitamin D

Calcium နဲ့ Vitamin D က အရိုးများ ကျန်းမာစေဖို့ ကူညီပေးတာထက် ပိုပါတယ်။ Calcium က နှလုံးကျန်းမာရေးအတွက် အခန်းကဏ္ဍတစ်ခုကနေပါဝင်ပြီး Calcium နဲ့ Vitamin D နှစ်ခုလုံးက အာရုံကြော လုပ်ဆောင်မှုတွေမှာ ပါဝင်ပါတယ်။

အမျှင်ဓါတ်

အမျှင်ဓာတ်ပါတဲ့ အစားအစာတွေက ကိုယ်အလေးချိန် ထိန်းဖို့အတွက် အများကြီးအထောက်အကူဖြစ်စေပါတယ်။ ဝမ်းမှန်တဲ့အလေ့အထကို မြှင့်တင်ပေးပြီး နှလုံးရောဂါလို နာတာရှည်ရောဂါအချို့ ဖြစ်နိုင်ခြေ ကိုလည်း လျှော့ချပေးနိုင်ပါတယ်။ အမျှင်ဓာတ်ကို အသီးအနှံများ၊ ဟင်းသီးဟင်းရွက်များ၊ ပဲများ၊ အခွံမာသီးများနဲ့ အစေ့အဆန်များကနေ ရရှိနိုင်ပါတယ်။