ကိုယ်လက်တက်ကြွမှုရှိခြင်း၊ ဆေးလိပ်မသောက်သုံးခြင်း စသဖြင့်သော လူသိများသည့် နည်းလမ်းများက နှလုံးကို ကျန်းကျန်းမာမာရှိစေနိုင်ပါတယ်။ ဒါ့အပြင် ကျန်းမာရေးနဲ့ညီညွတ်မှုရှိတဲ့ကိုယ်အလေးချိန်ထိန်းသိမ်းခြင်း၊ သွေးပေါင်ချိန်နှင့် ကိုလက်စထရောပမာဏထိန်းခြင်း တို့ကဲ့သို့ နည်းလမ်း သုံးမျိုးသည် နှလုံးကျန်းမာရေးအတွက် အလွန်အရေးကြီးသည့် အချက်သုံးချက်ဖြစ်ပါတယ်။
ဒါပေမယ့်လည်း သုတေသီများရဲ့ လေ့လာချက်များအရ နှလုံးကျန်းမာရေးအတွက် လုပ်ဆောင်နိုင်မယ့် နည်းလမ်းကောင်းလေးတွေလည်း ရှိသေးတာကြောင့် သေချာမှတ်သားထားနိုင်ရန် ဖော်ပြပေးလိုက်ရပါတယ်။
မနက်စာကို အချိန်ပေးပြီးစားသုံးပါ။
ကျန်းမာရေးနှင့်ညီညွတ်သည့် မနက်စာကိုစားသုံးပေးခြင်းက သွေးကြောပိတ်ဆို့မှုကို ရှောင်ရှားနိုင်မယ့် အရိုးရှင်းဆုံးနည်းလမ်းတစ်ခုဖြစ်နိုင်ပါတယ်။
တရားမှတ်ခြင်း
တရားထိုင်ခြင်း၊ တရားမှတ်ခြင်းသည် ခန္ဓာကိုယ်ကိုအနားပေးရန်နှင့် စိတ်ကိုတိတ်ဆိတ်မှုရှိစေရန်တို့အတွက်သာ ကောင်းမွန်သည်မဟုတ်ဘဲ နှလုံးဆိုင်ရာကျန်းမာရေးပြဿနာများကို လျော့ချရာမှာလည်း အရေးကြီးအခန်းတစ်ခုကနေ ပါဝင်နေပါတယ်။
‘Yo-yo’ dieting ကိုရှောင်ကြဉ်ပါ။
‘Yo -yo’ dieting သည် အမျိုးသမီးများ၏ ခါးအချိုးအစားကို အန္တရာယ်ဖြစ်စေနိုင်ရုံသာမက နှလုံးကိုပါဒုက္ခပေးလာနိုင်ပါတယ်။
ရန်လိုစိတ်ကိုထိန်းချုပ်ပါ။
အမျိုးသမီးများတွင် ရန်လိုစိတ်များလာသည့်အခါ နှလုံးရောဂါဖြစ်လာနိုင်ခြေပါ မြင့်တက်လာဖို့ ဆက်စပ်နေတာကြောင့် မိမိရဲ့ကျန်းမာရေးကို ထိခိုက်လာစေနိုင်သည့် စိတ်ဆိုးမှု၊ ဒေါသထွက်ခြင်းတို့ဖြစ်ပေါ်စေနိုင်မယ့် ကိစ္စများကို အတတ်နိုင်ဆုံးရှောင်ရှားပါ။
