အရောင်အသွေး နီနီရဲရဲ လိုင်ချီးသီးကို မြန်မာတို့ သိကြမယ်ထင်ပါတယ်နော်။
တရုတ်ပြည်တောင်ပိုင်းမှာ လွန်ခဲ့တဲ့ နှစ်ပေါင်း ၂၀၀၀ ကျော်ကတည်းက စတင်စိုက်ပျိုးခဲ့ပြီး အဲဒီကနေတဆင့် ထိုင်း၊ အိန္ဒိယ၊ ဗီယက်နမ်တို့မှာလည်း စိုက်ပျိုးခဲ့ကြပါတယ်။ အသီးက သိပ်ကိုကဗျာဆန်ပြီး ချစ်စရာကောင်းလို့ စားသုံးတဲ့သူတွေ အကြိုက်များတဲ့ အသီးမျိုးပါ။
ပါဝင်တဲ့ အဟာရဓါတ်တွေ
လိုင်ချီးသီးမှာ ဗီတာမင်နဲ့ သတ္တုဓါတ်တွေကြွယ်ဝစွာပါဝင်ပါတယ်။ လိုင်ချီးသီး ၁ ခွက် ကို ကယ်လိုရီ ၁၂၅ ပါဝင်ပြီး ပရိုတင်းဓါတ် ၁.၅၈ ဂရမ်ပါဝင်ပါတယ်။ အဆီပါဝင်မှုကနေ ဝ.၈၄ ဖြစ်ပါတယ်။ အမျှင်ဓါတ်လည်းကြွယ်ဝစွာပါဝင်ပြီး ပိုတက်ဆီယမ်၊ သံဓါတ်၊ ဖော့စဖောရပ်စ်၊ ကာဘွန်ဟိုက်ဒရိတ်၊ ကြေးနီ စတဲ့ဓါတ်တွေလည်းပါဝင်ပါတယ်။
ကျန်းမာရေးအကျိုးကျေးဇူးတွေကတော့
အစာချေစနစ်ကိုကောင်းမွန်စေခြင်း
အမျှင်ဓါတ်တွေ ကြွယ်ဝစွာပါဝင်လို့ အစာချေစနစ်ကိုကောင်းမွန်စေပါတယ်။
ကိုယ်ခံအားစနစ်
ဗီတာမင် C ကြွယ်ဝစွာပါဝင်လို့ ကိုယ်ခံအားစနစ်ကိုမြင့်တင်ပေးနိုင်ပါတယ်။
ကင်ဆာကာကွယ်ပေးနိုင်ခြင်း
လိုင်ချီးမှာပါဝင်တဲ့ Proanthocyanidins နဲ့ Polyphenolic ကွန်ပေါင်းဓါတ်တွေက ကင်ဆာဖြစ်ပွားမှု ကိုကာကွယ်ပေးနိုင်ပါတယ်။ တခြား အော်ဂဲလ်နစ်ကွန်ပေါင်းဓါတ်တွေလည်းပါဝင်လို့ ကင်ဆာဖြစ်ပွားမှု အန္တရာယ်ကို လျှော့ချပေးနိုင်ပါတယ်။
သွေးဖိအား
ပိုတက်ဆီယမ်ကြွယ်ဝစွာပါဝင်လို့ သွေးဖိအားကို ထိန်းသိမ်းပေးနိုင်ပါတယ်။
လိုင်ချီးဘယ်နှစ်မျိုးရှိသလဲ
လိုင်ချီးမှာ အမျိုးအစား ၅ မျိုးရှိပါတယ်။
အင်္ဂလိပ်လိုအမည်လေးတွေနဲ့ ပုံလေးတွေကို ဗဟုသုတအဖြစ်ဖော်ပြလိုက်ပါတယ်။
Emperor Lychee
Ohia Lychee
Brewster Lychee
Kwai Mai Ping Lychee
Sweet Cliff
