အရွယ်တင်နုပျိုနေတဲ့ သူတွေကို စာဖတ်သူတို့တွေ့ဖူးကြမှာပါနော်။ အရွယ်တင်နုပျိုရတာဟာလည်း အသားအရေကောင်းခြင်း ဆံကေသာ ကောင်းခြင်းတွေကြောင့်ပါဝင်ပါတယ်။ အသားအရေကောင်းဖို့ ဆံကေသာကောင်းဖို့ဆိုတာလည်း သေချာဂရုတစိုက်ထိန်းသိမ်းဖို့လိုအပ်ပါတယ်။
အဓိကအရေးကြီးဆုံးကတော့ ကိုယ့်ရဲ့ရှိရင်းရှိ အသက်နဲ့ ရုပ်ရည်ရူပကာကို လက်ခံခြင်းပါပဲ။ ကိုယ့်အသက်က ၅၀ လောက်ဖြစ်နေပြီး အသက် ၂၀ လောက်နုချင် ပြင်ဆင်ဝတ်စားချင်လို့ ဘယ်ရမလဲ။
အသားအရေ နုပျိုနေစေဖို့ သင့်ဘဝမှာ ပြောင်းလဲသင့်တဲ့အချက်တွေကို မျှဝေပေးပါမယ်။
၁။ ဆံပင်ပုံသွင်းခြင်း
ခဏခဏ အပူချောင်းကြီးနဲ့ ဆံပင်ပုံသွင်းတာ ဆံပင်ကောက်လိုက်ဖြောင့်လိုက်လုပ်တာဟာ ဆံသာထိခိုက်ပျက်စီးစေပါတယ်။
၂။ Suncreen သုံးမယ်။
UV ပါတဲ့ အလှဆီ၊ Lotion လိမ်းပေးတာဟာ သင့်အသားအရေ အရွယ်မတိုင်ခင် ပျက်စီးခြင်းအရေးကြောင်းဖြစ်ခြင်းကနေ ကာကွယ်ပေးနိုင်ပါတယ်။
၃။ တစ်နေ့ကို လေ့ကျင့်ခန်း ၁ နာရီလောက်လုပ်မယ်။
၁နာရီဆိုတာ ဘာမှမကြာတဲ့အချိန်ပါ။ တစ်နေ့ ၂၄ နာရီရှိတဲ့ထဲက တစ်နာရီလောက်ပဲ လေ့ကျင့်ခန်းလုပ်ပေးမယ်ဆိုရင် သင့်ကို လှပစေရုံသာမက ကျန်းမာစေပါတယ်။
၄။ ရေများများသောက်မယ်။
ရေကို တစ်နာရီခြားတစ်ခါ ခွက်ကြီးကြီးနဲ့ တစ်ခွက်စီသောက်ပေးသင့်ပါတယ်။ ရေများများသောက်တာဟာ အသားအရေ နုပျိုခြင်းရဲ့ အဓိကလျှို့ဝှက်ချက်ဖြစ်ပါတယ်။ လူတွေအားလုံး သိကြပေမယ့် လိုက်နာမှုနည်းကြတာကလည်း ရေသောက်တဲ့အလေ့အထပါပဲ။
၅။ လက် ၊ ခြေထောက်နဲ့ လည်ပင်းနားကိုလည်း ဂရုစိုက်ရအောင်။
လက် ၊ ခြေထောက်နဲ့ လည်ပင်းနားတစ်ဝိုက်ကအသားအရေလေးတွေကိုလည်း ဂရုစိုက်သင့်ပါတယ်။ မနက်တစ်ကြိမ် ညတစ်ကြိမ် Lotion ပုံမှန်လိမ်းပေးတာမျိုး လုပ်ပါ။
၆။ အိပ်ရေး၀၀အိပ်ပါ။
အိပ်ရေး၀၀အိပ်တာဟာ သင့်ကို ကျန်းမာလှပစေမှာပါ။ ဦးနှောက်အတွက်ရော ကျန်းမာရေးအတွက်ရော အလှပအတွက်ပါကောင်းမွန်ပါတယ်။ ညဖက်မှာ ဆဲလ်သစ်တွေထုတ်ပေးပြီး အဲဒီဆဲလ်သစ်တွေက သင့်အသားအရေကို ပြန်လည်နုပျိုစေပါတယ်။ ဒါ့ကြောင့် ည ၁၀ နာရီလောက်အိပ်ယာဝင်ပါ။
၇။ အဟာရပြည့်ဝစွာစားမယ်။
အစားအစာတွေ့ဂရုစိုက်သင့်ပါတယ်။ အဆီများလွန်းတယ် အကြော်အလှော်တွေမစားဘဲ တတ်နိုင်သမျှရှောင်ပေးပါ။ ဗီတာမင် နဲ့ သတ္တုဓာတ်ပါတဲ့အစားအစာတွေ စားပါ။ အဟာရ သင့်တင်မျှတစွာစားပေးပါ။
၈။ မျက်နှာကိုသေချာသန့်ရှင်းရေးလုပ်မယ်။
မနက်တစ်ကြိမ် ညတစ်ကြိမ် မျက်နှာကိုသေချာသစ်ပေးသင့်ပါတယ်။ အပြင်ကနေပြန်လာရင်လည်း မိတ်ကပ်ကို Cleaning Wet Tissue (သို့) တိုနာနဲ့ သေချာဖျက်ပေးသင့်ပါတယ်။ မျက်နှာကိုသေချာသန့်ရှင်းရေးလုပ်မှ ဝက်ခြံကင်းစင်တဲ့အသားအရေကို ပိုင်ဆိုင်နိုင်မှာပါ။
