အစာအိမ်က ခန္ဓာကိုယ်ထဲမှာ အမှားမခံတဲ့ အစိတ်အပိုင်းတစ်ခုဘဲဖြစ်ပါတယ်။ အစာတစ်ခုခု မှားသွားရင် လေပွခြင်းနဲ့ ဗိုက်အောင့်ခြင်းတို့ကို ဖြစ်စေပါတယ်။
ဇီးသီးနဲ့ ပန်းသီး ဖျော်ရည်
ကောင်းမွန်တဲ့ အစာခြေစနစ်တွေအတွက် အမျှင်ဓာတ်က အရမ်းအရေးကြီးပါတယ်။ ဇီးသီးနဲ့ ပန်းသီး ဖျော်ရည်က ဝမ်းချုပ်ခြင်း၊ လေပွခြင်းနဲ့ အစာအိမ် လေထိုးတာကြောင့် အောင့်တာတွေကို သက်သာစေပါတယ်။
ပါဝင်ပစ္စည်းများ
- ဇီးသီး ၅ လုံး (အမည်းရောင် သို့ နီညိုရောင် ဇီးသီး)
- ပန်းသီး အခွံနဲ့ တစ်ခြမ်း
- ရေ တစ်ခွက် (250ml)
- ပျားရည်
ပြုလုပ်နည်း
- ပါဝင်ပစ္စည်းတွေအားလုံးကို ဖျော်စက်ထဲကို ထည့်ပြီး ကြေအောင်မွှေလိုက်ပါ။ ဖျော်ပြီးတာနဲ့ ချက်ခြင်းသောက်ပါ။
- အစာမစားခင် မိနစ် ၄၀ အလိုမှာ သောက်ရင် အာနိသင်ပိုကောင်းပါတယ်။
နာနတ်သီး၊ Grapefruit နဲ့ Green Tea ဖျော်ရည်
အူထဲမှာ စွန့်ပစ်ပစ္စည်းတွေ ရှိနေရင် အစာခြေရတာ ပိုခက်လာပါလိမ့်မယ်။ ဒါကြောင့် အစာအိမ်မှာလေပွ၊ လေထိုးတာနဲ့ သက်တောင့်သက်သာ မရှိတာတွေ ဖြစ်လာပါလိမ့်မယ်။
ပါဝင်ပစ္စည်းများ
- ချေထားတဲ့ နာနတ်သီး ၁၁၆ ဂရမ်၊ ခွက်တစ်ခွက်ရဲ့ ၃ ပုံ ၄ ပုံ
- သံပုရာသီး ၁ လုံး
- Grapefruit ၁ လုံး
- Green Tea တစ်ခွက် (250 ml)
- ပျားရည်
ပြုလုပ်နည်း
နာနတ်သီး၊ Green Tea၊ ပျားရည်တို့ကို ဖျော်စက်ထဲထည့်ပြီး Grapefruit တို့ကိုလည်း ဖျော်စက်ထဲကိုညှစ်ထည့်လိုက်ပါ။
စက္ကန့် အနည်းငယ်လောက် ညက်အောင် မွှေလိုက်ပါ။ ရလာတဲ့ ဖျော်ရည်ကို သံပုရာသီးညှစ်ကာ ၂၁ ရက် သောက်ပေးပါ။
