ခါးနာခြင်းဆိုတဲ့ဝေဒနာနဲ့ပတ်သက်ပြီး နေ့တိုင်းအလိုလို လူတွေဟာ ငြီးတွားတတ်ကြပါတယ်။ အဲ့လိုခါးနာခြင်းဖြစ်ရတဲ့အကြောင်းရင်းမှာလည်း ရှင်းရှင်းလင်းလင်းပါပဲ။ ဘာလို့လဲဆိုတော့ အချိန်ကြာမြင့်စွာအနေအထားမပြောင်းပဲ ထိုင်ခြင်းက ကျွန်တော်တို့ရဲ့ကိုယ်ခန္ဓာကို ထင်ထားတာထက် ပိုပြီးပျက်စီးထိခိုက်စေပါတယ်။ အများဆုံးဖြစ်တဲ့ ဘေးထွက်ဆိုးကျိုးကတော့ နာတာရှည်နာကျင်မှုဖြစ်သွားတာပဲ။ နာကျင်မှုကိုကုစားရန်အတွက် သင်အနေဖြင့် ဆေးများသောက်ရန်မလိုပဲ ပုံမှန်လေ့ကျင့်ခန်းလုပ်ပေးနိုင်ပါတယ်။

သို့သော် လူတိုင်းတွင်လေ့ကျင့်ခန်းလုပ်ရန် သို့မဟုတ် ဆေးဝါးသောက်ရန် ဆန္ဒမရှိကြတဲ့အတွက် အခြားရွေးချယ်စရာတစ်ခုအနေဖြင့် သင့်ရဲ့နာကျင်မှုဝေဒနာကိုတွန်းလှန်နိုင်ရန်အတွက် သင်ကြိုးစားလုပ်နိုင်တဲ့ လွယ်ကူသောပုံစံများကို မျှဝေပေးလိုက်ချင်ပါတယ်။

၁။ ခန္ဓာကိုယ်ကိုလိမ်ပါ

ကျောရိုးလှည့်ပတ်မှုလို့လည်းလူသိများသော ဒီpose က သင်ရဲ့ကျောရိုးကြွက်သားများကိုဖြေလျော့ပေးပြီး သင့်ခန္ဓာကိုယ်အတွင်းရှိ တင်းမာမှုကိုလျှော့ကျသွားစေပါတယ်။

သင့်ကျော့ကိုသက်သောင့်သက်သာလှဲချလိုက်ပါ။

ဒူးကိုစုပြီးထောင်လိုက်ပါ။ ထို့နောက်သင်ရဲ့အပေါ်ပိုင်းကိုဆန့်ကျင်ဘက်ဘက်သို့လှည့်စဉ်ဒူးနှစ်ခုလုံးကိုတစ်ဖက်သို့စုပြီးဆွဲချလိုက်ပါ။

သင်ရဲ့အပေါ်ပိုင်းတစ်ဝက်ကိုဖြောင့်ဖြောင့်ထားနိုင်ပါတယ်။

တင်ပါးဆုံရိုး သို့မဟုတ် နောက်ကျောကိုကြမ်းခင်းနဲ့ မခွာ(ကွာ)စေပဲ ကြမ်းခင်းနဲ့အံ့ဝင်ခွင်ကျရှိစေပါ။

အဲဒီပုံစံအနေအထားအတိုင်း ၂-၃ မိနစ်ခန့် နေပေးပါ။ပြီးရင် ပုံမှန်အနေအထားအတိုင်း ပြန်ပြောင်းလို့ရပါပြီ။

အဲဒီပုံစံလုပ်ခြင်းဖြင့် ထူးခြားတဲ့ခံစားမှုကို သင်ခံစားရမှာပါ။သင့်ဒူးနာတယ်ဆိုရင်ပုဝါကိုဒူးအောက်၌ထားပြီးလုပ်နိုင်ပါတယ်။

၂။မှောက်အိပ်ပြီးသင့်ရဲ့အပေါ်ပိုင်းကိုမတင်လိုက်ပါ

ကျွန်ုပ်တို့အတွက်အလွယ်ကူဆုံးပို့စ်လို့လည်းပြောနိုင်ပါတယ်။အဲဒီပုံစံကယောဂလေ့ကျင့်ခန့်းဖြစ်တဲ့“ cobra” သို့မဟုတ်“ sphinx” များနဲ့အလားတူပါတယ်။ ဒီ pose ကသင့်ကိုယ်ဟန်အနေအထားအမှန်တကယ် fix ဖြစ်စေရန်နဲ့ တင်ပါးကြံခိုင်ဖို့အတွက်ကူညီပေးပါတယ်။ ဒါ့အပြင်၎င်းပို့စ်ကသင်ရဲ့နောက်ကျောကိုအထောက်အပံ့ပေးပြီးနာကျင်မှုကိုသက်သာစေပါတယ်။

သင်ရဲ့ခြေထောက်များနဲ့အတူသင့်ဝမ်းဗိုက်ကို အခင်းပေါ်ပြားပြားချပ်ချပ်အိပ်ချလိုက်ပါ။

ထို့နောက်သင့်တံတောင်ဆစ်များကိုပခုံးအောက်သို့ညင်ညင်သာသာထားချပါ။

မာနထောင်လွှားသောပုံစံကဲ့သို့သင်၏မျက်နှာကိုမြှောက်ထားလိုက်ပါ။

သင်၏ပခုံးများကိုမတင်းထားပါနဲ့၊ လျှော့ချထားပါ။

ပြီးနောက်သင်ရဲ့အောက်ပိုင်းခန္ဓာကိုယ်ကမျက်နှာပြင်ကိုထိနေလျက်သင့်ကျောရိုးကိုမြှောက်ရန်ကြိုးစားပါ။

ဒီအနေအထားကိုတစ်မိနစ် (သို့) ၂ မိနစ်အကြာထားပါ။ 4-5 ကြိမ်ပြန်လုပ်ပါ။

overdo လုပ်ဖို့မကြိုးစားပါနဲ့။ သင့်ခန္ဓာကိုယ်ဆန့်နိုင်သလောက်သာဆန့်ထားပါ။

၃။ ဒူးကိုသင့်ရင်ဘတ်သို့ဆွဲတင်ပါ။

မိနစ်အနည်းငယ်မျှသာကြာအောင်ကြိုးစားခြင်းဖြင့်နောက်ကျောနာကျင်မှုကိုသက်သာစေပါ။

ပက်လက်အိပ်ချပြီးဒူးထောင်လိုက်ပါ။

ပြီးနောက်သင်၏ခြေထောက်ကိုအခင်းပေါ်တွင်ချထားပါ။

ဒူးတချောင်းကိုရင်ဘတ်ပေါ်ဆွဲတင်ပြီးအခြားတစ်ချောင်းကိုမှန်မှန်ဖြောင့်နေအောင်ထားပါ။

စက္ကန့်အနည်းငယ်မျှကြာအောင် ၃-၄ ခေါက်ပြုလုပ်ပါ။ဒူး ထောင်လိုက်ချလိုက်လုပ်ပြီး နားပါ။

အဲလိုပြုလုပ်ပေးပါကသင်ရဲ့ခန္ဓာကိုယ်အလေးချိန်ကသင်ရဲ့ကျောဘက်တွင်ဗဟိုပြုပြီး ကြွက်သားများတင်းကြပ်စွာလိုအပ်သော
သဘာဝအနှိပ်ကိုပေးတာဖြစ်ပါတယ်။

၄။လက်ရှေ့ဆန့်ပြီးခြေထောက်ကိုထိပါ

ဒီpose က မြေထုဆွဲအားနိယာမများကိုအသုံးပြုခြင်းဖြင့်နာကျင်မှုကိုသက်သာပျောက်ကင်းစေပါတယ်။

ခြေထောက်တွေကြမ်းပြင်ပေါ်မှာချပြီးသက်တောင့်သက်သာထိုင်ပါ။

သင်ရဲ့ခြေထောက်များကိုဆန့်ထားပါ။

ထို့နောက် သင့်ခေါင်းကိုသင်ရဲ့ပေါင်ပေါ် တင်ပြီး သင်၏ခြေကိုထိနိုင်ဖို့ ကြိုးစားပါ။

ပြီးနောက်အဲ့ပုံစံအတိုင်းငြိမ်ငြိမ်နေပြီးအသက်ပြင်းပြင်းပါ။

ထိုသို့ပြုလုပ်ခြင်းဖြင့်သင်ရဲ့နောက်ကျောကြွက်သားများတင်းမာမှုကိုဖြေလျှော့စေပြီးစိတ်သက်သာစေပါတယ်။

ကျောရိုးနာကျင်မှုကို ပျောက်ကင်းစေဖို့ များသောအားဖြင့် သင်ဘာလုပ်သလဲ။ သင်မျှဝေချင်တဲ့ လျှို့ဝှက်ချက်တစ်ခုခုရှိပါသလား။ ရှိရင် Comment မှာရေးခဲ့ပေးလို့ရပါတယ်နော်။