ညဘက် သူငယ်ချင်းတွေနဲ့ အတူ အရက်သောက်တာ ပျော်ဖို့ကောင်းသလောက် မနက်ကျရင် အရက်နာကျတာ အရမ်းကို ပင်ပန်းပြီး ခံရခက်ပါတယ်။

မအီမသာ၊ ပျို့အန်၊ ခေါင်းကိုက်၊ မူးဝေ၊ မောပန်းနွမ်းနယ်၊ စိတ်မတည်ငြိမ်၊ စိတ်ဖိစီးမှုစတဲ့ ဝေဒနာတွေ ခံစားရပါလိမ့်မယ်။

အရက်နာတာက ခံရခက်လွန်းလို့ တခါတလေ နောက်ဆို ဘယ်တော့မှ အရက်မသောက်တော့ဘူးလို့ကို ကိုယ့်ကိုကို ကတိတွေတောင် ပေးမိနေမှာပါ။

ဒါပေမယ့်လည်း ပြန်သောက်တာပါဘဲ။ အရက်နာကျတာ မဖြစ်အောင် ကာကွယ်နိုင်မယ့် နည်းလမ်းလေးတွေကို ဝေမျှချင်ပါတယ်။

အဆီများတဲ့ အစားအစာကို မသောက်ခင်နဲ့ သောက်နေချိန်မှာ စားပါ

Source: Eater Austin

အဆီက ဖြိုခွဲဖို့ အနှေးဆုံး macronutrient ဖြစ်တာကြောင့် အရက်တွေကို အစာခြေဖျက်ရာမှာလည်း လျော့ကျစေပါတယ်။ ဒါကြောင့် အရက်မသောက်ခင် နဲ့ သောက်နေချိန်မှာ ထောပတ်သီး၊ အခွံမာသီး နဲ့ ချီစ်တို့ စားပါ။

အရက်တစ်ခွက်သောက်တိုင်း ရေတစ်ခွက်သောက်ပါ

Source: Every Food Fits

ရေဓာတ်ခမ်းခြောက်မှုမဖြစ်ဖို့က အရမ်းကို အရေးကြီးပါတယ်။ အရက်သောက်သုံးတာများရင် ခန္ဓာကိုယ်အတွင်း ရေဓာတ်ခမ်းခြောက်ပြီး ခေါင်းကိုက်၊ ပျို့အန်တာတွေ ဖြစ်တတ်ပါတယ်။

အရက်သောက်နေချိန် နဲ့ မသောက်ခင်မှာ ဆားပါတဲ့ အစားအစာကို စားပါ

အရက်သောက်ရင် ရေဓာတ်ခမ်းခြောက်ရုံသာမက Electrolytes ဓာတ်တွေပါ ဆုံးရှုံးစေပါတယ်။ ဆားက အဲ့ဒီ ဓာတ်တွေကို ပြန်လည်ဖြည့်တင်းပေးပါတယ်။

ဗီတာမင် B ဓာတ် ကြွယ်ဝတဲ့ အစားအစာတွေ စားပါ

Source: VinePair

Electrolytes ဓာတ်ဆုံးရှုံးရုံသာမက ဗီတာမင်နဲ့ သတ္တုဓာတ်တွေပါ ဆုံးရှုံးပါတယ်။ ဗီတာမင် B ဓာတ် မလုံလောက်ရင် အလွန်အမင်း ပင်ပန်းတာ၊ စိတ်ဓာတ်ကျတာ နဲ့ စိတ်လှုပ်ရှားတာတို့ဖြစ်စေပါတယ်။

ဒါကြောင့် ကြက်ဥ၊ ကြက်သား နဲ့ နို့ ထွက် ပစ္စည်းများကို စားသုံးပါ။

နှစ်နှစ်ခြိုက်ခြိုက် အိပ်ပျော်အောင် အိပ်ပါ

Source: NIH

အရက်သောက်ပြီး အိပ်ရေး ၀၀အိပ်ပါ။ အရက်သောက်ပြီး အိပ်ချင်ပေမယ့် နှစ်နှစ်ခြိုက်ခြိုက် အိပ်ပျော်ဖို့ ခက်ခဲပါတယ်။ ဒါကြောင့် နှစ်နှစ်ခြိုက်ခြိုက် အိပ်ပျော်အောင် အိပ်ပါ။